08-Jul-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠି)
ଗତ କାଲି ସୋନପୁର ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କ ସହ ସୁବର୍ଣ୍ଣପୁର ଜିଲ୍ଲାରୁ ପ୍ରଥମ କରି ସିଧାସଳଖ ଆଇ ଏ ଏସ  ପାଇଥିବା କାର୍ତ୍ତିକ ପାଣିଗ୍ରାହୀଙ୍କ ସହିତ ଏକ ପାରସ୍ପରିକ ଆଲୋଚନା ଅନୁଷ୍ଠିତ ହୋଇଥିଲା l ମହାବିଦ୍ୟାଳୟର ଉପାଧ୍ୟକ୍ଷ ଅଶ୍ବିନୀ କୁମାର ହୋତାଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି ବିଶେଷ ସଂବାଦ କାର୍ଯ୍ୟକ୍ରମ ରେ ଆଇ ଏ ଏସ୍ କାର୍ତ୍ତିକ ପାଣିଗ୍ରାହୀ ନିଜ ସଫଳତା ର ରଣ କୌଶଳ ସମ୍ପର୍କ ରେ ମହାବିଦ୍ୟାଳୟର ଛାତ୍ରଛାତ୍ରୀମାନଙ୍କ ସହ ଅନୁଭୂତି ପ୍ରକାଶ କରିଥିଲେ l ଅବିଚଳିତ ଲକ୍ଷ୍ୟ ସହିତ ଯୋଜନାବଦ୍ଧ ପ୍ରସ୍ତୁତି ତାଙ୍କ ସଫଳତା ର ଚାବିକାଠି ବୋଲି ଶ୍ରୀ ପାଣିଗ୍ରାହୀ ପ୍ରକାଶ କରିବା ସହ  କଠିନ ପରିଶ୍ରମ ସହିତ  ସ୍ମାର୍ଟ ଲାଇଫ ଉପରେ ଅ ଧିକ ଗୁରୁତ୍ୱ ଦେବାକୁ କହିଥିଲେ । ଏବଂ କୌଣସି ଚାପ ର ବଶବର୍ତ୍ତୀ ନ ହୋଇ ନିର୍ଭିକ ଓ ସ୍ୱାଧୀନ ଭାବେ କାର୍ଯ୍ୟ କରି ସମାଜ ର ତଳ ସ୍ତର ର ଲୋକଙ୍କ ସମସ୍ୟା ପ୍ରତି ଅଧିକ ଧ୍ୟାନ ଦେବାକୁ ଲକ୍ଷ୍ୟ ରଖିଥିବା ବିଷୟ ଛାତ୍ର ଛାତ୍ରୀ ଓ ମିଡ଼ିଆ ଙ୍କୁ ପ୍ରକାଶ କରିଥିଲେ l ଏହି କାର୍ଯ୍ୟକ୍ରମ କୁ ଓଡିଆ ବିଭାଗୀୟ ମୂଖ୍ଯ ଡକ୍ଟର ସୌରଭ ରଂଜନ ଖମାରୀ ସଂଚାଳନ କରିଥିବା ବେଳେ ଅଧ୍ୟାପକ ଆଶିଷ କୁମାର ଅଗ୍ରୱାଲ ଧନ୍ୟବାଦ ଅର୍ପଣ କରିଥିଲେ  l ଅଧ୍ୟାପିକା ନିରୂପମା ରଥ ଓ କୃଷ୍ଣ ଚନ୍ଦ୍ର ସେନାପତି  କାର୍ଯ୍ୟକ୍ରମ ଆୟୋଜନ ରେ ବିଶେଷ ସହାୟତା କରିଥିବା ବେଳେ ଏହି କାର୍ଯ୍ୟକ୍ରମ ରେ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା, କର୍ମଚାରୀ ଙ୍କ ସହ ଶତାଧିକ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ ।