06-Jul-2022

ବରଗଡ(ନିରଞ୍ଜନ ତ୍ରିପାଠୀ): ବିଜେପୁର ବ୍ଲକ ଭଟିଗାଁ ଗ୍ରାମପଂଚାୟତ ଅନ୍ତର୍ଗତ ବାଦୀପାଲି ଗ୍ରାମର ଜୀବନ ବାଗଙ୍କ ଘର କାନ୍ଥ  ଭୁଶୁଡି ପଡ଼ିବାରୁ ଦୁଇ ଛେଳି ମୃତ ହୋଇଥିବା ବେଳେ କେତେକ ଛେଳି ଆହତ ହୋଇଛନ୍ତି । ଉକ୍ତ ଦୁର୍ଘଟଣାରୁ ଅଳ୍ପକେ ପରିବାର ଲୋକେ  ବର୍ତ୍ତିଯାଇଛନ୍ତି । ରବିବାର ବିଳମ୍ବିତ ରାତ୍ରି ପ୍ରାୟ ସାଢ଼େ ୧୧ଟା ସମୟରେ ଜୀବନ ବାଗ ଏବଂ ତାଙ୍କ ପରିବାର ଖାଇପିଇ ଶୋଇଥିବା ସମୟରେ ଦୁଇ ଛେଳିଙ୍କ

ମୃତ୍ୟୁ ହୋଇଥିଲା । ଖବର ପାଇ ଘଟଣାସ୍ଥଳରେ ଜିଲ୍ଲା ପରିଷଦ ଅଧ୍ୟକ୍ଷା ମାନିନୀ ଭୋଇ ପହଂଚି ଅନ୍ୟମାନଙ୍କୁ ଫୋନ କରିଥିଲେ । ବିଜେପୁର ତହସିଲଦାର ଆର୍ତ୍ତତ୍ରାଣ ଥାଟୀ, ଥାନାଧିକାରୀ ସନୟ ନାୟକ ପ୍ରମୁଖ ପହଞ୍ଚି ଘଟଣାର ତଦନ୍ତ କରିଥିବା ବେଳେ ଅଗ୍ନିଶମ ବିଭାଗ କର୍ମଚାରୀମାନେ ଛେଳିଗୁଡ଼ିକୁ ଉଦ୍ଧାର କରିଥିଲେ । ସୂଚନାଯୋଗ୍ୟ , ଜୀବନ

ବାଗ ଙ୍କ ଘର ଦୁର୍ବଳ ହୋଇ ସଙ୍କଟାପନ୍ନ ସ୍ଥିତିରେ ରହିଥିବା ବେଳେ ବର୍ଷା ଆରମ୍ଭ ନ ହେଉଣୁ କାନ୍ଥ ଭୁଶୁଡି ପଡିଛି । ତାଙ୍କୁ ଆବାସ ଯୋଜନାରେ ସାମିଲ କରିବା ସହିତ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି । ଅନ୍ୟପକ୍ଷରେ ପ୍ରବଳ ବର୍ଷା ବଢିଥିବା ହେତୁ ହଠାତ ଘର ଭୁଶୁଡି ପଡ଼ିଥିଲା । ଏହି ଦିନମଜୁରିଆ ଜୀବନଙ୍କୁ ସରକାରୀ ଅଘଟଣରୁ  ସହାୟତା ପାଇଁ ତହସିଲଦାର  ଶ୍ରୀ ଥାଟୀ ଜିଲ୍ଲାପାଳଙ୍କୁ ଅବଗତ କରାଇଥିବା କହିଛନ୍ତି