04-Jul-2022

ବରଗଡ:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଏମଶ୍ରୀଗିଡା ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ସରୋଜ କୁମାର ଦାଶଙ୍କୁ ବ୍ଲକ କ୍ରୀଡା ସଂଘ ପକ୍ଷରୁ ଅବସର କାଳୀନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଏହି ଅବସରରେରେ ବ୍ଲକ କ୍ରୀଡା ସଂଘ ପକ୍ଷରୁ ଜଗନ୍ନାଥ ଉଚ୍ଚ ବିଦ୍ୟାଳୟ  ବଡ ବ୍ରାହ୍ମଣୀ ଠାରେ ପ୍ରଧାନ ଶିକ୍ଷକ ବୈକୁଣ୍ଠ ପଟେଲଙ୍କ ଅଧ୍ଯକ୍ଷତାରେ ଏକ ସଭା ହୋଇଥିଲା। ପରିଚାଳନା କିମିଟି ସଭାପତି ସୁନୀଲ ପାଣିଗ୍ରାହୀ,ବରିଷ୍ଠ ଶିକ୍ଷକ ସୁଧିର ପାଣିଗ୍ରାହୀ, କ୍ରୀଡା ସଂଘର ଉପଦେଷ୍ଟା ସୁରେନ୍ଦ୍ର ପଧାନ, ପିଟିଆଇ ସଭାପତି ହୃଦମଣି ସାହୁ, କ୍ରୀଡା ଶିକ୍ଷକ ସଂଘର ସଭାପତି ସଚିଦାନନ୍ଦ ପଧାନ, ସଂପାଦକ ବିଶିକେଶନ ମେହେର ପ୍ରମୁଖ ଅଚିଥି ଭାବେ ମଞ୍ଚାସୀନ ଥିଲେ। ଉନ୍ନତ କ୍ରୀଡାବିତ୍ ଗଠନରେ ବିଦାୟୀ ଶିକ୍ଷକ ଶ୍ରୀ ମିଶ୍ରଙ୍କ ପାରଦର୍ଶିତା ବିଷୟରେ ମଞ୍ଚାସୀନ ଅତିଥି ମାନେ ମତପୋଷଣ କରିଥିଲେ। ଅବସର ନେଇଥିବା କ୍ରୀଡା ଶିକ୍ଷକ ମିଶ୍ରଙ୍କୁ ସଂଘ ପକ୍ଷରୁ ଉପଢୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା। କ୍ରୀଡା ଶିକ୍ଷକ ସରୋଜ କୁମାର ପୁରୋହିତ ସଭାକୁ ସଂଯୋଜନା କରିଥିଲେ। ଶେଷରେ  କୃଷ୍ଣଚନ୍ଦ୍ର ନାଏକ  ଧନ୍ଯବାଦ ଅର୍ପଣ କରିଥିଲେ।