02-Jul-2022

ସୁବର୍ଣ୍ଣପୁର - ସୋନପୁର ଗୋଷ୍ଠୀ ଶିକ୍ଷାଧିକାରୀ ରାଜେନ୍ଦ୍ର ମିଶ୍ର ଙ୍କ ଅଭିନଵ ପ୍ରୟାସ ଯୋଗୁଁ ବର୍ତ୍ତମାନ ଶିକ୍ଷକ ଶିକ୍ଷୟତ୍ରୀ ମାନଙ୍କ ମନରେ ଗଭୀର ଆତ୍ମବିଶ୍ୱାସ ବଢୁଥିବା ଦେଖାଯାଏ l ସମ୍ପ୍ରତି ଜ଼ିଲ୍ଲାରେ ଛାତ୍ରଛାତ୍ରୀଙ୍କ ଉପସ୍ଥାନ ହାର ବଢାଇବା ପାଇଁ ଜ଼ିଲ୍ଲାପାଳଙ୍କ ଆହ୍ୱାନକୁ ସାକାର କରିବାକୁ ଯାଇ ଶ୍ରୀ ମିଶ୍ର ପ୍ରଧାନ ଶିକ୍ଷକ ମାନଙ୍କୁ ପୃଥକ ଭାବରେ ଡକାଇ ଆଲୋଚନା କରିବା ପରେ ତିନି ଗୋଟି ପୃଥକ ପୃଥକ ବୈଠକ ଯଥାକ୍ରମେ ମହାରାଜା ଊଚ୍ଚ ବିଦ୍ୟାଳୟରେ, ଲଛିପୁର ଠାରେ ଓ କୋଶଳେଶ୍ୱର ଊଚ୍ଚ ବିଦ୍ୟାଳୟରେ ବ୍ଲକର ସମସ୍ତ ସହକାରୀ ଶିକ୍ଷକ ଶିକ୍ଷୟତ୍ରୀଙ୍କୁ ଉତ୍ସାହ ପ୍ରଦ ମାର୍ଗଦର୍ଶନ କରି ତାଙ୍କ ମନରେ ଆତ୍ମବିଶ୍ୱାସ ସୃଷ୍ଟି ପୂର୍ବକ ପ୍ରଶାସନ ସହ

ତୃଣମୂଳ ସ୍ତରରେ କାମ କରୁଥିବା ଶିକ୍ଷକ ଶିକ୍ଷୟତ୍ରୀ ମାନଙ୍କୁ ନିକଟତର କରିବାର ପ୍ରୟାସ ନିଶ୍ଚୟ ସ୍ୱାଗତ ଯୋଗ୍ୟ ଅଟେ l ପ୍ରକାଶ ଥାଉ କି ଯେ କରୋନା ସମୟରେ ମଧ୍ୟ ଛାତ୍ର ଛାତ୍ରୀଙ୍କ  ସହ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଯୋଡିବା ପାଇଁ ଶିକ୍ଷା ସେତୁ ନାମକ ପ୍ରଶିକ୍ଷଣ ପେଟିକା କାର୍ଯ୍ୟକ୍ରମ ଟି ରାଜ୍ୟସ୍ତରରେ ଆଦୃତ ଲାଭ କରିଛି l ଶ୍ରୀ ମିଶ୍ର ଉଲୁଣ୍ଡାର ଗୋଷ୍ଠୀ ଶିକ୍ଷାଧିକାରୀ ଭାବେ ଦାଇତ୍ୱ ରେ ଥାଇ ସୋନପୁରର ଭାରପ୍ରାପ୍ତ ଶିକ୍ଷାଧିକାରୀ ଥିଲେ ସୁଦ୍ଧା ତାଙ୍କରି ପ୍ରୟାସ ଜଣେ ନିୟମିତ ବିଇଓ ଙ୍କ ଠାରୁ  କିଛି କମ ନୁହେଁ l ଉଭୟ ବ୍ଲକର ଶିକ୍ଷକ ଙ୍କ ସମସ୍ୟାକୁ ସଫଳତାର ସହିତ ସମାଧାନ କରି ଶିକ୍ଷକ ଶିକ୍ଷୟତ୍ରୀ ଅଭିଭାବକ ଓ ପ୍ରଶାସନ ର ପ୍ରିୟଭାଜନ ହେବା ଏହା ନିଶ୍ଚିତ ଭାବେ ଅନ୍ୟ ମାନଙ୍କ ପାଇଁ ପ୍ରେରଣା ଦେବ l ଏବଂ ସ୍ୱଳ୍ପ ସମୟର ଅବଧି ମଧ୍ୟରେ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସମସ୍ତଙ୍କ ପ୍ରିୟଭା ଜନ ହେବା ଏକ ଅନନ୍ୟ ଉଦାହରଣ l ଆଗାମୀ ଦିନରେ ଆହୁରି ଅନେକ ଶିକ୍ଷକ ଶିକ୍ଷୟତ୍ରୀ ଛାତ୍ର ଛାତ୍ରୀଙ୍କ ପ୍ରତିଭା ପରିସ୍ପୁଟନ ପାଇଁ ବ୍ୟାପକ କାର୍ଯ୍ୟକ୍ରମ ମାନ ହାତକୁ ନିଆଯିବ ବୋଲି ତାଙ୍କର ଯୋଜନା ରହିଥିବା ଜଣା ଯାଇଛି l ଶ୍ରୀ ମିଶ୍ରଙ୍କ ଏହି ପ୍ରୟାସକୁ ସ୍ଥାନୀୟ ଶିକ୍ଷକ, ଅଭିଭାବକ, ବୁଦ୍ଧିଜୀବୀ ଓ ଶିକ୍ଷାପ୍ରେମୀ ଊଚ୍ଚ ପ୍ରଶଂସା କରିଛନ୍ତି l