23-Nov-2020

ଟିଟିଲାଗଡ଼, (ପ୍ରେରଣା ଖବର) : ସରକାର  ଗର୍ଭବତୀ ମହିଳା ଓ ଶିଶୁ ଙ୍କ ନିମନ୍ତେ  ବିଭିନ୍ନ ପ୍ରକାର ଯୋଜନା କାର୍ଯ୍ୟକାରୀ କରି ଚାଲିଥିବା ଓ ମାତୃ ଓ ଶିଶୁ ର ମୃତ୍ୟୁ ନ ହେବା ପାଇଁ ସ୍ୱତନ୍ତ୍ର ଭାବେ ଆଶା କର୍ମଚାରୀ ଭାବେ ନିଯୁକ୍ତି ପ୍ରଦାନ କରିଛନ୍ତି। ହେଲେ କଳାହାଣ୍ଡି ଜିଲ୍ଲାର ଜଣେ ପ୍ରସୂତି ମହିଳା ଗର୍ଭବତୀ ଅବସ୍ଥାରେ ତାଙ୍କ ବାପା ଘର କେଗାଁ କୁ ଯାଇ ଗତ ପ୍ରସବ ସମୟରେ  ଟିଟିଲାଗଡ଼ ର ୧୪ ନମ୍ବର ୱାର୍ଡ ରେ ବିବାହ କରିଥିବା ତାଙ୍କ ସ୍ୱାମୀ ଙ୍କ ନିକଟକୁ ଚାଲି ଆସିଥିଲେ । ତାଙ୍କର ପ୍ରସବ ବେଦନା ଯୋଗୁଁ ସେ ଉକ୍ତ ୱାର୍ଡ ର ଆଶା କର୍ମୀ ଙ୍କ ସହାୟତା ରେ ଟିଟିଲାଗଡ଼ ଡାକ୍ତରଖାନାରେ ଭର୍ତ୍ତି କରାଇଥିବା ବେଳେ ତାଙ୍କ ଅବସ୍ଥା ଗୁରୁତର ଥିବା ଓ ତାଙ୍କୁ ବଲାଙ୍ଗୀର ଜିଲ୍ଲା ମ୍ୟାଡିକାଲ କଲେଜ ଡାକ୍ତରଖାନା କୁ ନେଇ ଯିବାକୁ ପଡ଼ିବ ବୋଲି ତାଙ୍କ ସ୍ୱାମୀ ଓ ପରିବାର ଲୋକ ଙ୍କୁ କହି ଭୟଭୀତ କରିଥିଲେ । ଏପରି କି ପାଞ୍ଚ ହଜାର ଟଙ୍କା ଦେଲେ ଡାକ୍ତର ଅପରେସନ କରିବେ ନଚେତ ବଲାଙ୍ଗୀର ଯାଅ ବୋଲି କହି ସେ ପରିବାର ଲୋକଙ୍କ ନିକଟରୁ ୪୫୦୦ ଟଙ୍କା ନେଇଥିଲେ । ଉକ୍ତ ମହିଳା ଙ୍କ ର ଅସ୍ତ୍ରୋପଚାର କରାଯାଇଥିବା ଓ ପରିବାର ଲୋକ ଙ୍କୁ ଡାକ୍ତର ଙ୍କ ସହ ଯୋଗାଯୋଗ କରାଇ ଦିଆଯାଇ ନ ଥିବା ଅଭିଯୋଗ ହୋଇଛି । ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ସଫଳତା ର ସହ ଅସ୍ତ୍ରୋପଚାର କରିଥିବା ବେଳେ  ବର୍ତ୍ତମାନ ଉଭୟ ଶିଶୁ ଓ  ପ୍ରସୂତି ମହିଳା ସୁସ୍ଥ ଥିବା ଜଣାପଡିଛି । ସେମାନେ ପ୍ରସୂତି କକ୍ଷ ରେ ବେଡ଼  ନଂ-୮୦ ରେ ଥିବା ବେଳେ ଚଞ୍ଚକତା କରି ଏହି ଆଶା କର୍ମୀମାନେ ଟଙ୍କା କାରବାର ଚଳାଇ ଥିବା ପରି ଘଟଣା ବାରମ୍ବାର ଦେଖାଯାଉଛି । ଏ ଦିଗରେ ଉଚ୍ଚ ବିଭାଗୀୟ ଅଧିକାରୀ ଦୃଷ୍ଟି ଦେବାକୁ ଦୃଢ଼ ଦାବି ହେଉଛି।