25-Jun-2022

ବଲାଙ୍ଗିର ଜିଲ୍ଲା ପାଇଁ ଖୁସି ଖବର । ଗତକାଲି ଠାରୁ ବଲାଙ୍ଗିର ସହର ଆର.ଟି.ଓ ଛକ ନିକଟରେ ନବନିର୍ମିତ ନୂତନ ବସ ଟର୍ମିନାଲରୁ ଆରମ୍ଭ ହୋଇଛି ବସ ସେବା । ଓ.ଏସ.ଆର.ଟି.ସି ଦ୍ୱାରା ଏହି ବସ ଟର୍ମିନାଲର ନିର୍ମାଣ କରାଯାଇଥିବା ବେଲେ ଗତ ସେପଟେମ୍ୱର ମାସରେ ଏହାର ଉଦଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବସ ଟର୍ମିନାଲର ଆଉ କିଛି

କାମ ବାକି ରହିଯାଇଥିଲା । ତାହା ସମାପ୍ତ ହେବା ପରେ ଆଜି ଭୋର ୪ ଟା ୩୦ ରୁ ଆରମ୍ଭ ହୋଇଛି ବସ ସେବା । ବଲାଙ୍ଗିର ଜିଲ୍ଲାପାଳ ଚଂଚଳ ରାଣା ସବୁଜ ପତାକା ଦେଖାଇ ବସ ସେବାର ଶୁଭାରମ୍ଭ କରିଥିଲେ । ବସ ଟର୍ମିନାଲର ପ୍ରଥମ ବସ ଭାବରେ ବଲାଙ୍ଗିରରୁ ଫୁଲବାଣିକୁ ବସ ଗଡିଥିଲା । ଏହି ଶୁଭାରମ୍ଭ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଅନନ୍ତ ସିଂ ଲାଗୁରୀଙ୍କ ସହିତ ଜିଲ୍ଲା ପ୍ରଶାସନ ଓ ଓ.ଏସ.ଆର.ଟି.ସିର

କର୍ମକର୍ତ୍ତା ମାନେ ଯୋଗଦେଇଥିଲେ । ଆସନ୍ତା ଜୁଲାଇ ୧ ତାରିଖରୁ ଏହି ବସ ଟର୍ମିନାଲରୁ ଘରୋଇ ବସ ସେବା ମଧ୍ୟ ଆରମ୍ଭ ହେବ । ବସ ଟର୍ମିନାଲରୁ ବସ ସେବାର ଶୁଭାରମ୍ଭ ଅବସରରେ, ଏହି ଟର୍ମିନାଲକୁ ସଫାସୁତୁରା ରଖିବା ସହିତ ଏହାର ସଦବିନିଯୋଗ କରିବା ପାଇଁ ବଲାଙ୍ଗିର ବାସୀଙ୍କୁ ଅନୂରୋଧ କରିଛନ୍ତି ଜିଲ୍ଲାପାଳ ।

(ବଲାଙ୍ଗିର ଜିଲ୍ଲାରୁ ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ୍)