24-Jun-2022

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ସିନ୍ଦୂରପୂର ସେବା ସମବାୟ ସମିତିର ସଭାପତି ଭାବରେ ନିର୍ଦ୍ଵନ୍ଦରେ ନିର୍ବାଚିତ ହୋଇଛନ୍ତି ପୂର୍ବତନ ସରପଞ୍ଚ କୃଷ୍ଣଚନ୍ଦ୍ର ପଣ୍ଡା l ଗତକାଲି ସମବାୟ ସମିତିର ସଭାପତି ପଦ ପାଇଁ ନାମାଙ୍କନ ପତ୍ର ଓ ସ୍କୁଟନି ରହିଥିବା ବେଳେ  କେବଳ ଜଣେ ମାତ୍ର ସଭାପତି ଭାବେ କୃଷ୍ଣଚନ୍ଦ୍ର ସିନ୍ଦୂରପୁର ସେବା ସମବାୟ ସମିତିରେ ନାମାଙ୍କନ ଦାଖଲ କରିଥିବାରୁ ତାଙ୍କୁ ସଭାପତି ଭାବରେ ନିର୍ଦ୍ଵନ୍ଦରେ ନିର୍ବାଚିତ କରଯାଇଛି l ଆଜି କୃଷି ସେବା ସମବାୟ ସମିତି ପକ୍ଷରୁ ଏନେଇ ବିଧିବଦ୍ଧ ଭାବେ ତାଙ୍କ ନାମକୁ ଘୋଷଣା କରାଯାଇଛି l ନବନିର୍ବାଚିତ ସେବା ସମବାୟ ସମିତିର ସଭାପତି କୃଷ୍ଣଚନ୍ଦ୍ର ପଣ୍ଡାଙ୍କୁ ଅଞ୍ଚଳବାସୀଙ୍କ ତରଫରୁ ଶୁଭେଚ୍ଛା ଦିଆଯାଇଛି ।ଏହି ପରିପ୍ରେକ୍ଷୀରେ ନବ ନିର୍ବାଚିତ ସଭାପତି କୃଷ୍ଣଚନ୍ଦ୍ର କହିଛନ୍ତି ଦୁନିଆକୁ ଯୋଗାଉଥିବା ଆହାର ଚାଷୀ ମାନଙ୍କର ବିଭିନ୍ନ ସମସ୍ୟା ଉପରେ ଅବଗତ ହୋଇ ତୁରନ୍ତ ତାର ସମାଧାନ ଦିଗରେ ପଦକ୍ଷେପ ନେବେ ଏବଂ ସମବାୟ ସମିତି ତରଫରୁ ଯାହା ବି ସେମାନଙ୍କ ପାଇଁ ସହାୟତା ମିଳିବ ତାହାକୁ ଠିକ ଭାବରେ ବଣ୍ଟନ କରାଯିବ ବୋଲି ତାଙ୍କ ପ୍ରତିକ୍ରିୟାରେ କହିଛନ୍ତି ।