24-Jun-2022

ଟିଟିଲାଗଡ(ସନ୍ତୋଷ କୁମାର ନାଏକ) :ବର୍ତ୍ତମାନ ସୁଦ୍ଧା କୋଭିଡ-୧୯  ନିୟମ ସରକାରୀ ଭାବେ ପାଳନ କରିବା ସରକାରୀ ନିର୍ଦ୍ଦେଶ ରହିଥିବା ବେଳେ ତାର ଖୋଲା, ଖୋଲି ଉଲଂଘନ କରାଯିବା ଅଭିଜୋଗ ହୋଇଛି । ସୂଚନା ଅନୁଯାୟୀ ଟିଟିଲାଗଡ଼ ସବ୍ଡିଭିଜନାଲ ସରକାରୀ ଡାକ୍ତରଖାନାରେ କୋଭିଡ ଟୀକା ସହ ପରିକ୍ଷଣ ପାଇଁ ସ୍ୱତନ୍ତ୍ର କେନ୍ଦ୍ର ସ୍ଥାପନ କରାଯାଇ ଥିବା ବେଳେ ଉକ୍ତ କେନ୍ଦ୍ର ମାନମୁଖୀ ଭାବେ ଖୋଲିବା ଓ ବାନ୍ଦ କରାଯାଉ ଥିବା ଯୋଗୁଁ ସାଧାରଣ  ଓ ଗୁରୁତର ରୋଗୀ ଏହି ପରୀକ୍ଷା କରି ନ ପାରି ଦୁର୍ଦ୍ଦଶାର ଶିକାର ହେଉଛନ୍ତି । ପ୍ରକାଶ ଯେ,ଟିଟିଲାଗଡ ଡାକ୍ତରଖାନାକୁ ସଞ୍ଜୟ ବାଗ ନାମକ ଜଣେ ଯୁବକ ଜ୍ୱର ହେବା ଯୋଗୁଁ ଯାଇଥିବା ବେଳେ ଉପସ୍ଥିତ ଡାକ୍ତରଖାନାର ମ୍ୟାଡିକାଲ ଅଫିସର ଡ଼ଃ କୃଷ୍ଣଚନ୍ଦ୍ର ପାଲ ଏହି ପରୀକ୍ଷା ପାଇଁ ପଠେଇ ଥିବା ବେଳେ କେହି କର୍ମଚାରୀ ନ ଥିବା ଯୋଗୁଁ ଫେରିଥିଲେ । ହେଲେ ବିନା ପରୀକ୍ଷଣରେ ଭର୍ତ୍ତି ଅବା ଔଷଧ ପ୍ରଦାନ କରିବା ଉଚିତ ନ ଥିବାରୁ ଆଜି ସକାଳୁ ସେ ଜଗିଥିଲେ ସୁଦ୍ଧା କର୍ମଚାରୀଙ୍କ ଦେଖା ନାହିଁ । ଏ ନେଇ ତୁରନ୍ତ ବିଭାଗୀୟ ମୁଖ୍ୟ ଦୃଷ୍ଟି ଦେବାକୁ ଦାବି ହେଉଛି ।