23-Jun-2022

ବଲାଙ୍ଗିର, ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସହରାପାଲି ଗ୍ରାମର ମମତା ପଧାନ (୨୧) ଗତ ତିନି ଦିନ ହେଲା ବଲାଙ୍ଗିର ଭୀମ ଭୋଇ ମେଡିକାଲ ରେ ଚିକିତ୍ସିତ ହେଉଛନ୍ତି । ତାଙ୍କର ଶରୀରରେ ରକ୍ତ ଅଭାବରୁ ଡାକ୍ତର ତାଙ୍କୁ ରକ୍ତ ଦେବା ପାଇଁ ଡାକ୍ତର ପରାମର୍ଶ ଦେଇଥିଲେ । ବଲାଙ୍ଗିର ରେ ତାଙ୍କ ବିଶେଷ ସମ୍ପର୍କ ନ ଥିବାରୁ ରକ୍ତ ପାଇବା ପାଇଁ ବହୁତ ଅସୁବିଧାର ସମ୍ମୁଖିନ ହେଉଥିଲେ । ଠିକ୍ ସେହିଭଳି ଲୋଇସିଂହା ବ୍ଲକ ତଲିଉଡାର ଗ୍ରାମ ଲକ୍ଷିନ୍ଦ୍ର ସାହୁ (୭୫) ମଧ୍ୟ ମେଡିକାଲ ହସପିଟାଲରେ ଚିକିତ୍ସିତ ହେଉଛନ୍ତି । ଉଭୟରେ ବଲାଙ୍ଗିର

ଜିଲ୍ଲା ଯୁବ କୁଲୁତା ସମାଜକୁ ଯୋଗାଯୋଗ କରି ରକ୍ତ ପାଇଁ ସହଯୋଗ ମାଗିଥିଲେ । ଯୁବ କୁଲୁତା ସମାଜର ସକ୍ରିୟ ସଦସ୍ୟ ତେଲିଗୋଠପଡାର ସନ୍ଦିପ ପ୍ରଧାନ ଓ ଛତ୍ରିଆପାଲି ଗ୍ରାମର ଗୋବିନ୍ଦ ଚନ୍ଦ୍ର ବିଶ୍ୱାଲ ଆସି ରକ୍ତଦାନ କରି ଉଭୟଙ୍କ ଜୀବନ ବଂଚାଇଥିଲେ । ରକ୍ତଦାନ ସମୟରେ ଜିଲ୍ଲା ଯୁବ କୁଲୁତା ସମାଜ ସଭାପତି ଅସୀମ କୁମାର ଭୋଇ, ସଦସ୍ୟ ପ୍ରେମ କିଶୋର ସାହୁ, ନାରାୟଣ ସାହୁ ଓ ସୁରଞ୍ଜନ ପଧାନ ପ୍ରମୁଖ ଉପସ୍ଥିତ ଥିଲେ ।