19-Jun-2022

ବରଗଡ଼ ଜିଲ୍ଲା ଗାଇସିଲେଟ ବ୍ଲକ କାର୍ଯ୍ୟାଳୟ ର ସଭା ଗୃହ ଠାରେ ଆଜି ବ୍ଲକ ଅଧ୍ୟକ୍ଷ ପ୍ରଣୟ କୁମାର ସାହୁ ଙ୍କ ସଭାପତିତ୍ୱ ରେ ସ୍ଥାନୀୟ ପ୍ରସାଶନ ,ଗାଇସିଲେଟ ନାଗରିକ କମିଟି, ରାଜବୋଡାସମ୍ବର କୃଷକ ସଙ୍ଗଠନ ଗାଇସିଲେଟ ବ୍ଲକ ଏବଂ ବଣିକ ସଂଘ ଗାଇସିଲେଟ ଗାଇସିଲେଟ ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା । ରାଜବୋଡାସମ୍ବର  କୃଷକ ସଙ୍ଗଠନ ଗାଇସିଲେଟ ୨୦୨୧ ଫସଲବୀମା କୁ ନେଇ  ବାରମ୍ବାର ଆନ୍ଦୋଳନ ,ତାଲା ବନ୍ଦ ସତ୍ବେ ଆଜି ପର୍ଯ୍ୟନ୍ତ ଗତ ଫସଲବୀମା ର କ୍ଷତି ପୁରଣ ମିଳିନଥିବା ଓ ଆଜି ପର୍ଯ୍ୟନ୍ତ ମରୁଡି ଘୋଷଣା ହୋଇନଥିବା ଦାବିକୁ ସମର୍ଥନ ଜଣାଇ ଆସନ୍ତା ତା ୨୦-୦୬-୨୦୨୨ ଦିନ ଗାଇସିଲେଟ ବ୍ଲକ ର ସମସ୍ତ ସରକାରୀ କାର୍ଯ୍ୟାଳୟ କୁ ତାଲା ବନ୍ଦ କରିବାକୁ ଘୋଷଣା କରିଥିଲେ କିନ୍ତୁ ଚାଷୀ ମାନଙ୍କର ଭେରୀଫିକେସନ ପ୍ରକ୍ରିୟା ଅଧୁରା ରହି ଯାଇଥିବାରୁ  ଏବଂ ଆସନ୍ତା କାଲି  ଜିଲ୍ଲାପାଳ ମହୋଦୟା ଅଭିଯୋଗ ଶୁଣାଣି ପାଇଁ ଗାଇସିଲେଟ ବ୍ଲକ କୁ ଆସୁଥିବା ରୁ ସମସ୍ତ ସାମାଜିକ ଅନୁଷ୍ଠାନ ରୁ ପ୍ରସ୍ତାବ ହୋଇ  ଜନ ସାଧାରଣ ଙ୍କର ସ୍ୱାର୍ଥ ଦୃଷ୍ଟିରୁ ୨୦ ତାରିଖ ତାଲାବନ୍ଦ କୁ ସ୍ଥଗିତ ରଖାଯାଇ ଆଜି ଏକ ପ୍ରତିନିଧି ଦଳ ଜିଲ୍ଳାପାଳ ସହିତ ଆଲୋଚନା କରି  ଏକ ଦାବିପତ୍ର ପ୍ରଦାନ କରିବା ପାଇଁ  ପ୍ରସ୍ତାବ ଗୃହୀତ ହୋଇଛି । ଯଦି ଏଥିରେ କୌଣସି ଫଳ ପ୍ରଦକ କାର୍ଯ୍ୟାନୁଷ୍ଠାନ ନହେଲେ ଆଗାମୀ ତା ୨୪ -୦୭-୨୦୨୨ ରିଖ ଦିନ ନାଗରିକ କମିଟି ର ଆହ୍ୱାନ କ୍ରମେ ପୁଣି ସମସ୍ତ ସାମାଜିକ ଅନୁଷ୍ଠାନ କୁ ନେଇ ଆଗାମୀ କାର୍ଯ୍ୟପନ୍ଥା ଗ୍ରହଣ କରିବା ପାଇଁ ସ୍ଥିରୀକୃତ ହୋଇଛି ।ଏହି ବୈଠକ ରେ  ବିଡ଼ିଓ ପ୍ରବୀଣ କୁମାର ବଣୁଆ, ବଣିକ ବଣିକ ସଂଘ ଗାଇସିଲେଟ ର ସଭାପତି ଅମ୍ବିକା ପ୍ରସାଦ ତ୍ରିବେଦୀ, ରାଜବୋଡାସମ୍ବର କୃଷକ ସଙ୍ଗଠନ  ଗାଇସିଲେଟ ବ୍ଲକ ର ସଭାପତି ଅରବିନ୍ଦ ଚନ୍ଦ୍ର ପଣ୍ଡା  , ପ୍ରବୀଣ କୁମାର ପାଣିଗ୍ରାହୀ, ମଦନ ଦୀପ, ଦେବେନ୍ଦ୍ର  କୁମାର ଯୋଶୀ,ଶରତ କାଲୋ,ସରୋଜ ସାହୁ,ରଞ୍ଜନ କୁମାର ପଣ୍ଡା,ଗଜପତି  ସାହୁ,ଚୈତନ୍ୟ ସାହୁ,ମୋହନ ସିଂ ବରିହା, ସମାରୁ ସାହୁ  ଓ ଅନ୍ୟ ଚାଷୀ ମାନେ ଉପସ୍ଥିତ ଥିଲେ । ଶେଷରେ ପ୍ରବୀଣ କୁମାର ପାଣିଗ୍ରାହୀ ସମସ୍ତ ଧନ୍ୟବାଦ ଅର୍ପଣ ପରେ ବୈଠକ ସାଙ୍ଗ ହୋଇଥିଲା