19-Jun-2022

ବଲାଙ୍ଗିର // ଆଜି ସ୍ଥାନୀୟ ମାରୱାଡି ସେବା ସଦନ ଠାରେ ରାଜ୍ଯ ସଭା ସାଂସଦ ନିରଞ୍ଜନ ବିଶି ଙ୍କୁ ପଶ୍ଚିମାଞ୍ଚଳ ମିଳିତ ଶ୍ରମିକ କର୍ମଚାରୀ ମଂଚ ପକ୍ଷରୁ  ଫୁଲତୋଡା ଓ ଉପଢୌକନ ଦେଇ ସ୍ଵାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି l ମଂଚ ର ପ୍ରତିଷ୍ଠାତା ସଭାପତି ପ୍ରମୋଦ କୁମାର ମିଶ୍ରଙ୍କ ପରିଚାଳନାରେ ଆୟୋଯିତ ଏହି ସଭାରେ ମଞ୍ଚର ସଭାପତି ମନୋରଞ୍ଜନ ସାହୁ, ଶ୍ରମିକ ନେତା  ତଥା ମଞ୍ଚର ସମ୍ପାଦକ ବିଭୂତି ଭୂଷଣ ବିନ୍ଧାଣୀ, ଶ୍ରମିକ ନେତା ରବି ମିଶ୍ର,ବିରେନ୍ଦ୍ର ବନଛୋର, ବିଭୂଦତ୍ତ ମିଶ୍ର ପ୍ରମୂଖ ଉପସ୍ଥିତ ରହି ରାଜ୍ୟସଭା ସାଂସଦ

ନିରଞ୍ଜନ ବିଶି ଙ୍କ ଉତ୍ତରୋତ୍ତର ରାଜନୈତିକ ଉନ୍ନତି କାମନା କରିଥିଲେ l ବିଭିନ୍ନ ଶ୍ରମିକ ସଂଗଠନ ସହ ସମନ୍ଵୟ ରକ୍ଷା କରି ସେ ଜିଲ୍ଲାର ଉନ୍ନତିରେ ନିଜକୁ ସଂଶ୍ଲିଷ୍ଟ କରିବା ପାଇଁ ଅନୁରୋଧ କରିଥିଲେ l  ଏହି ଅବସରରେ ବିଭିନ୍ନ ଶ୍ରମିକ ସଙ୍ଗଠନ ପକ୍ଷରୁ ଶ୍ରୀ ବିଶି ଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା
 

 ଲ ସମ୍ବର୍ଦ୍ଧନାର ପ୍ରତ୍ୟୁତ୍ତରରେ ଶ୍ରୀ ବିଶି ଏଣିକି ସାଧାରଣ ନାଗରିକଙ୍କ ଅଧିକାର ପାଇଁ  ରାଜରାସ୍ତାରେ ନୁହେ ପାର୍ଲାମେଣ୍ଟ ରେ ଲଢ଼େଇ ହେବ ବୋଲି କହିଥିଲେ l ଶ୍ରମିକ ସଂଗଠନ ସହିତ ଆଗରୁ ରହିଥିଲି ଓ ଆଗକୁ ମଧ୍ୟ ରହିବି ବୋଲି ଶ୍ରୀ ବିଶି ଦୃଢୋକ୍ତି ପ୍ରକାଶ କରିଥିଲେ l ଶେଷରେ ଯୁବ ନେତା ଡ଼ୋଲାମଣୀ ପ୍ରଧାନ ଧନ୍ୟବାଦ ଅର୍ପଣ କରିଥିଲେ l ଏହି ସମ୍ବର୍ଦ୍ଧନା ସଭାରେ ପଶ୍ଚିମାଞ୍ଚଳ ବିଜୁଳି ଶ୍ରମିକ ସଂଗଠନ ସମେତ ବିଭିନ୍ନ ଶ୍ରମିକ ସଂଗଠନର ସଭ୍ୟ ଓ ଆାଦିବାସୀ ଭାଇ ଭଉଣୀ ମାନେ ଯୋଗ ଦେଇଥିଲେ