17-Jun-2022

ଖପ୍ରାଖୋଲ : ଖପ୍ରାଖୋଲ ବ୍ଳକର ସମସ୍ତ ପ୍ରାଥମିକ ବିଦ୍ୟାଳୟ ର ଲେଭେଲ ୫ର୍ଥ ଏକ୍ସ କ୍ୟାଡର ଶିକ୍ଷକ ଶିକ୍ଷୟିତ୍ରୀ ମାନଙ୍କ ଏକ ଜରୁରୀକାଳୀନ ବୈଠକ ହରିଶଙ୍କର ସ୍ଥିତ କୌଲାସ କୁଞ୍ଜର ଆମ୍ବ ତୋଟା ଠାରେ ଅନୁଷ୍ଠିତ ହୋଇଯାଇଅଛି । ଶିକ୍ଷକ ମୋତିଲାଲ ତାଣ୍ଡିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ  ଶିକ୍ଷକ ଶିକ୍ଷୟିତ୍ରୀ ମାନଙ୍କ ବିଭିନ୍ନ ସମସ୍ୟା, ପଦୋନ୍ନତି ଓ ଅନ୍ୟାନ୍ୟ ସମ୍ପର୍କରେ ଆଲୋଚନା କରାଯାଇଥିବା ବେଳେ  ଏକ ନୂତନ କାର୍ଯ୍ୟକାରୀ କମିଟି ଗଠନ କରିବା, ନିୟମିତ ଦରମା ପାଇବା, ଶିକ୍ଷକ ଶିକ୍ଷୟିତ୍ରୀ ମାନଙ୍କ ପୂର୍ବତନ ପଡିରହିଥିବା ପଦୋନ୍ନତି ପାଇ ତ୍ୱରାନ୍ୱିତ କରିବା, ଚାକିରି କ୍ଷେତ୍ର ବହିକୁ  ଅପଡେଟ କରିବା, ସଂଘକୁ ପ୍ରଗତିଶୀଳ କାର୍ଯ୍ୟରେ ଅଗ୍ରସର କରିବା ଆଦି ଉପରେ ନିଷ୍ପତ୍ତି ନିଆଯାଇଥିଲା । ଏକ କାର୍ଯ୍ୟକାରୀ କମିଟିର ପୁନଃ ଗଠନ କରିବା ପାଇଁ  ବୈଠକରେ ଶିକ୍ଷକଶିକ୍ଷୟିତ୍ରୀ ମାନଙ୍କ ମଧ୍ୟରେ ମତପ୍ରକାଶ ପାଇଥିଲା । ପରିଶେଷରେ ସର୍ବସମ୍ମତି କ୍ରମେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ଏକ ନୂତନ କାର୍ଯ୍ୟକାରୀ କମିଟି ଗଠନ କରାଯାଇଥିଲା । ଏଥିରେ ସଭାପତି ଭାବେ ମୋତିଲାଲ ତାଣ୍ଡି, ଉପ ସଭାପତି ସପ୍ତା ସାହୁ, ରମେଶ ଚନ୍ଦ୍ର ଭୋଇ, ସଂପାଦକ ମାଧବ ପ୍ରଧାନ, କୋଷାଧ୍ୟକ୍ଷ ରଞ୍ଜନ ମେହେର , କାର୍ଯ୍ୟକାରୀ ସଭାପତି ପ୍ରଫୁଲ୍ଲ ପ୍ରଧାନ, ସହ ସଂପାଦକ ଭଗବାନ ସେଠ, ଜଗନ୍ନାଥ ପାଣ୍ଡେ, ମଲୟ ମେହେର , ପ୍ରେମଲାଲ ପ୍ରଧାନ, ପ୍ରଭାତ କୁମାର ସାହୁ, ବଲରାମ ସାହୁ ପ୍ରମୁଖ ମନୋନୀତ ହୋଇଥିବା ଉପଦେଷ୍ଟା ସଦସ୍ୟ ଭାବେ ପ୍ରମୋଦ କୁମାର ଦାସ , ବ୍ୟାସଦେବ ବିଶ୍ଵାଳ , ଉମେଶ ଭଇଁଷାଲ , ସିଦ୍ଧାନ୍ତ ସାହୁ ପ୍ରମୁଖ ମନୋନୀତ ହୋଇଥିବା ବେଳେ ମିଡ଼ିଆ ସେଲ୍ ସ଼଼ଂଯୋଜକ ଭାବେ ଧରମସିଂ ଧରୁଆ ମନୋନୀତ ହୋଇଥିଲେ । ଗଠିତ କାର୍ଯ୍ୟକାରୀ କମିଟି ଆଗାମୀ ଦିନରେ ସଂଘ ସ୍ତରୀୟ କାର୍ଯ୍ୟକ୍ରମ କୁ ଆଗେଇ ନେବା ସହ ବିଭିନ୍ନ ସମସ୍ୟା ର ସମାଧାନ ପାଇଁ ସଭ୍ୟ ସଭ୍ୟା ଅଙ୍ଗିକାରବଦ୍ଧ ହୋଇ କାମ କରିବା ପାଇଁ ନିଷ୍ପତ୍ତି ନିଆଯାଇଥିଲା । ଏଥିରେ ଶିକ୍ଷକ ଇନ୍ଦ୍ରମଣି ସାହୁ , ଶେଷ ଦେବ ଦାସ , ସୀତାରାମ ପୁଟେଲ , ଜଗନ୍ନାଥ ପାଣ୍ଡିଆ , ଶିକ୍ଷୟିତ୍ରୀ ଉର୍ମିଳା ଯୋଷୀ , ସନ୍ଧ୍ୟାବତୀ ନନ୍ଦ , ଦଲିତା ନାଗ , ଗିତାଞ୍ଜଳୀ ସାହୁ , ଗୋଲାପି ତାଣ୍ଡି , ପଦ୍ମା ବରିହା , ସଞ୍ଜୁବତୀ ଷାଣ୍ଢ ଙ୍କ ସମେତ ଅନ୍ୟ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିବା ବେଳେ , ମିଡ଼ିଆ ସେଲ୍ ସ଼଼ଂଯୋଜକ ଧରମସିଂଧରୁଆ ଧନ୍ୟବାଦ ଅର୍ପଣ କରିଥିଲେ ।