16-Jun-2022

ବଲାଙ୍ଗିର (ପୂର୍ଣ୍ଣ ଶଶୀ ଶେଖର ରାଓ) ଲୋକଙ୍କୁ ବିଶୁଦ୍ଧ ପାନୀୟ ଜଳ ଯୋଗାଇ ଦେବା ନିମନ୍ତେ ସରକାର କୋଟି କୋଟି ଟଙ୍କା ବିନିମୟ କରି ବିଭିନ୍ନ ଯୋଜନା କାର୍ଯ୍ୟକାରୀ କରୁଥିବା ବେଳେ ଏଠି ପ୍ରଶାସନିକ ଅଧିକାରୀ ଓ ରାଜନେତା ମାନଙ୍କ ଅଣଦେଖା ଯୋଗୁଁ ବିଭିନ୍ନ ସ୍ଥାନରେ ପାଣି ସଙ୍କଟ ଦେଖିବାକୁ ମିଳୁଛି । ଏପରିକି ବିଭିନ୍ନ ପ୍ରକଳ୍ପ ନିର୍ମାଣ ହୋଇଥିଲେ ସୁଦ୍ଧା ଠିକ୍ ଭାବରେ କାର୍ଯ୍ୟକାରୀ ହୋଇପାରିନାହିଁ। ଏଭଳି ଏକ ଅଭିଯୋଗ ଆସିଛି ବଲାଙ୍ଗିର ଜିଲ୍ଲା  ଅଗଲପୁର ବ୍ଲକ ବାବୁଫାସଡ ଗ୍ରାମ ପଂଚାୟତ ର ବାବୁପାଲି ଗାଁ ରେ ।ଏଠି ପିଇବା ପାନୀୟ ଜଳ ପାଇବା ଏକ ସପ୍ନ ହୋଇଯାଇଥିଲା  କିନ୍ତୁ ଆଜି ଆମ ଆଦମୀ ପାର୍ଟି ର ପ୍ରୟାସରେ ବାବୁଫାସଡ ପଂଚାୟତ ର ସଭାପତି ପିଣ୍ଟୁ ଭୋଇ, ସମର୍ଥକ ସନ୍ତୋଷ ସାହୁ, ଧର୍ମେନ୍ଦ୍ର ଗଡ଼ତିଆ, ସୁନିଲ ବାରିକ, ନରେନ୍ଦ୍ର ସାହୁ, ଗୋବର୍ଦ୍ଧନ ପଠାନ ଏବଂ ଗ୍ରାମବାସୀ ବୃନ୍ଦ ଙ୍କ ନେତୃତ୍ୱରେ ମାଁ ଭଉଣୀ ଓ   ଲୋକମାନେ ବାବୁପଳି ଠାରେ ରାସ୍ତାରୋକ କରିଥିଲେ।  ଗାଁ ଲୋକେ କହିଥିଲେ ଯେ ଜଳବିଭାଗ ର କର୍ମଚାରି ମାନେ ଆସି ଫଟୋ ଉଠାଇବା ରାଜନୀତି କରୁଥିଲେ ଏବଂ  କାଗଜ ପତ୍ରରେ ପାଣି ଆସୁଥିବା ଦର୍ଶାଇ ଟଙ୍କା ଆତ୍ମସାତ କରୁଥିଲେ। କିନ୍ତୁ ବାସ୍ତବ ରେ ତାହା ହେଉନଥିଲା ଗାଁ ଲୋକଙ୍କ ପାଇଁ ପାଣି ପାଇବା ସପ୍ନ ହୋଇଯାଇଥିଲା। ତେଣୁ ସେହି ସମସ୍ୟାକୁ ନେଇ ଆଜି ଆମ ଆଦମୀ ପାର୍ଟି ଜିଲ୍ଲା ଆବାହକ ଶ୍ରୀ ଆଶିଷ ପାଣ୍ଡେଙ୍କ ନିର୍ଦ୍ଦେଶ କ୍ରମେ ପିଣ୍ଟୁ ଭୋଇ ଙ୍କ ନେତୃତ୍ୱ ରେ ବାବୁ ପାଳି ଗାଁ ର ଶତାଧିକ ଲୋକ  ରାସ୍ତାରୋକ କରିଥିଲେ ।ଏ ବିଷୟରେ ଖବର ପାଇ ଆଗଲପୁର ବ୍ଲକ ବିଡ଼ିଓ , ସରପଞ୍ଚ, ପିଇଓ ଙ୍କୁ ଫୋନ୍ ଜଣାଇଥିଲେ।  ଯେ ପର୍ଯ୍ୟନ୍ତ ପିଇବା ପାଣି ଗାଁ କୁ ନ ଆସିଛି ସେ ପର୍ଯ୍ୟନ୍ତ  ଆନ୍ଦୋଳନ ବଲବତ୍ତର ରହିବ ବୋଲି ଚେତାବନି ଦେବାରୁ ଘଟଣା ସ୍ଥଳକୁ ସରପଞ୍ଚ,ପିଇଓ, ପୋଲିସ ପ୍ରଶାସନ, ବ୍ଲକ ର କିଛି ଅଧିକାରି ଆସି ଆସନ୍ତା କାଲିଠୁ ପାଣି ତିନି ଥର ଯୋଗାଇ ଦିଆଯିବ ବୋଳି ପ୍ରତିଶ୍ରୁତି ଦେବା ପରେ ଆନ୍ଦୋଳନ ରୁ ଓହରିଥିଲେ ଆପ୍ କର୍ଯ୍ୟକର୍ତ୍ତା ଓ ଗ୍ରାମବାସୀ ବୃନ୍ଦ ।