17-Jun-2022

ସୁବର୍ଣ୍ଣପୁର//  ରାଜା ରାଜୁଡା ସମୟର ସୋନପୁର ବସଷ୍ଟାଣ୍ଡର ଖୁବ ପରିଚିତ ପାନ ଦୋକାନୀ ଅତର ବ୍ୟବସାୟୀ ତଥା ଅବସରପ୍ରାପ୍ତ ପୌର କର୍ମଚାରୀ ଗୋପୀନାଥ ନାଏକ (ଗୋପୀ ବାବା) ଆଉ ନାହାନ୍ତି l ଗତକାଲି ମଧ୍ୟାହ୍ନରେ  ୮୭ ବର୍ଷ ବୟସରେ ସେ ହୃଦଘାତରେ ପ୍ରାଣତ୍ୟାଗ କରିଛନ୍ତି lସୀତାରାମ  ସୀତାରାମ  ବୋଲି ଡାକିଲେ ସେ  ଜଣେ ସାଧୁଙ୍କ ଭଳି ସୀତାରାମ ବାବା ବୋଲି  ଡାକ ଦିଅନ୍ତି l ରାମେଶ୍ୱର ବାବା ଓ ମା କାଳୀଙ୍କୁ ଦର୍ଶନ କରିବା ପୂର୍ବରୁ ଆଗେ ବାବାଙ୍କ ମନ୍ଦିରରୁ ଲୋକେ ସୀତାରାମ କହି  ଡାକ ଦିଅନ୍ତି l ଆଉ ସେ ନଦୀ ପଟ ମନ୍ଦିରରେ ହସ ହସ ମୁହଁରେ ସୀତାରାମ ବୋଲି ଜୋର ସେ ଉତ୍ତର ଦେଲେ ତାଙ୍କ ହସ ହସ ମୁହଁ ଦେଖିଲେ ପ୍ରତ୍ୟେକ ଭକ୍ତଙ୍କ ମନରେ ଗୋଟାଏ ଦୃଢ଼ ଆତ୍ମବିଶ୍ୱାସ ଟିଏ ଚାଲିଆସେ l ଯେ ସ୍ୱଚ୍ଛ ଓ ନିଷ୍ଠାପର ପୂଜକ ଗୋପୀ ବାବା ମା କାଳୀଙ୍କ ପାଖରେ ଅଛନ୍ତି ସେ ପୂଜା କଲେ ମା ଆମ ଗୁହାରି ନିଶ୍ଚୟ ଶୁଣିବେ l ଏକଥା କେବଳ ସୋନପୁର ବାସୀ ନୁହେଁ ବହୁ ଦୂରଦୁରାନ୍ତରୁ  ମା ଙ୍କୁ ପୂଜା ଓ ଦର୍ଶନ ଲାଗି  ଆସୁଥିବା ହଜାର ହଜାର ଭକ୍ତ ଶ୍ରଦ୍ଧାଳୁ ଖୁସିରେ ଆତ୍ମ ବିଭୋର ହୋଇ କହିଥାନ୍ତି ଗୋପୀ ବାବାଙ୍କୁ l ବାବାଙ୍କ ସେଇ ହସ ହସ ମୁହଁ ର ମିଠା କଥା ନିଷ୍ଠା, ତ୍ୟାଗ, ରୀତି ନୀତି ଓ ସ୍ୱଚ୍ଛତାର ସହ ମାତ୍ର ୧୩ ବର୍ଷ ବୟସରୁ ଆଜି ଯାଏ ରାମେଶ୍ୱର ବାବାଙ୍କ ପୂଜା ଓ ଦୀର୍ଘ ୪୫ ବର୍ଷ ଯାଏ ମା କାଳୀଙ୍କ ସେବା  ପୂଜାର୍ଚନା ଭକ୍ତ ମାନେ ସବୁ ଦିନ ମନେ ରଖିବେ l ମନ୍ଦିରମାଳିନୀ ସହରର ଅନ୍ୟ ପୂଜକ ମାନଙ୍କୁ ମଧ୍ୟ ଖୁବ ପ୍ରେରଣା ଦେବ l ସୋନପୁର ମୁଖ୍ୟ ଚିକିତ୍ସାଳୟରେ  ଗୋପୀ ବାବାଙ୍କ ମୃତ୍ୟୁ ବେଳେ ତାଙ୍କ ଦୁଇ ପୁଅ, ଚାରି ଝିଅ ଜ୍ୱାଇଁ ଓ ପୁତ୍ରବଧୂ ଶ୍ରୀମନ୍ତିନୀ, ନାତି ନାତୁଣୀ ଉପସ୍ଥିତ ଥିଲେ l ଶ୍ରୀ ରାମେଶ୍ୱର ସ୍ମଶାନ ଘାଟରେ ଗୋପୀ ବାବାଙ୍କ ଅନ୍ତିମ ସଂସ୍କାର କରାଯାଇଥିବା ବେଳେ ଏ ଖବର ରେ ପ୍ରାକ୍ତନ ପୌର ଅଧ୍ୟକ୍ଷ ପ୍ରକାଶ ସାହୁ, କଈରୁ ସ୍ୱାଇଁ, ଦୈମୟନ୍ତୀ ବାରିକ, ନୂତନ ଅଧ୍ୟକ୍ଷ ତାମସୀ ତାମସ୍ମିତା ନାଏକ, ସ୍ୱଚ୍ଛ ଭାରତ ସଭାପତି ଲଷ୍ମୀ ନାରାୟଣ ମେହେର, ଓ କର୍ମକର୍ତ୍ତା, ପୌର କର୍ମଚାରୀ, ରାମେଶ୍ୱର ମନ୍ଦିର ପରିଚାଳନା କମିଟି ଉପଦେଷ୍ଟା ଶ୍ରୀବତ୍ସ ମଲ୍ଲିକ, ସଦସ୍ୟ ଲଡ଼ୁ ମଲ୍କିକ, ମନୋରଞ୍ଜନ ତ୍ରିପାଠୀଙ୍କ ସମେତ ସହରର ବହୁ ବିଶିଷ୍ଟ ବ୍ୟକ୍ତି ଗଭୀର ଶୋକ ପ୍ରକାଶ କରି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି l