14-Jun-2022

ଉଲୁଣ୍ଡା,(ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ ଅନ୍ୟତମ ପର୍ଯ୍ୟଟନ ସ୍ଥଳୀ କୋଟସମଲେଇ ସ୍ଥିତ ପାତାଳି ଶ୍ରୀକ୍ଷେତ୍ରରେ ଜଗନ୍ନାଥଙ୍କ ସ୍ନାନ ଯାତ୍ରା ଓ ଗଜାନନ ବେଶ ଅନୁଷ୍ଠିତ ହୋଇଛି l ସକାଳୁ ମହାପ୍ରଭୁଙ୍କର ମଙ୍ଗଳ ଆଳତି ଓ ଖେଚୁଡ଼ି ଭୋଗ ଲାଗିପାରେ ଚତୁର୍ଦ୍ଧାମୂର୍ତ୍ତିଙ୍କୁ ଗୋଟିପହଣ୍ଡିରେ ସ୍ନାନ ମଣ୍ଡପକୁ ଅଣାଯାଇଥିଲା l ସେଠାରେ ପୂଜାନୀତି ଅନୁସାରେ ହୋମ, ଯଜ୍ଞ ଆଦି କରିବାପରେ ଚତୁର୍ଦ୍ଧା ମୂର୍ତ୍ତିଙ୍କୁ ମହାସ୍ନାନ କରାଯାଇଥିଲା l ପରମ୍ପରା କ୍ରମେ ହରିହରଜୋରରୁ ଅଣାଯାଇଥିବା ପବିତ୍ର ଜଳ କୁ ଯଥାକ୍ରମେ ଜଗନ୍ନାଥଙ୍କୁ 35ଗରା, ବଳଭଦ୍ରଙ୍କୁ 33ଗରା, ସୁଭଦ୍ରାଙ୍କୁ 22ଗରାଏବଂ ସୁଦର୍ଶନଙ୍କୁ 18ଗରା ଜଳରେ ସ୍ନାନ କରାଯାଇଥିଲା l ପୂଜା କାର୍ଯ୍ୟରେ ପଣ୍ଡିତ ବିଶେଶ୍ୱର ପାଢ଼ୀ ଓ ଗୁଣାକର ପଣ୍ଡା ରହିଥିବା ବେଳେ ଯଜ୍ଞ କାର୍ଯ୍ୟ  ପଣ୍ଡିତ ଦେବାର୍ଚନ ଦାସ ସମ୍ପାଦନ କରିଥିଲେ l ଗାଁ ଗଡ଼ତ୍ୟା ଚମରା ଅମାତ ଛେରାପହରା କରିଥିଲେ l କୋଭିଡ କଟକଣା ଯୋଗୁଁ ଦୁଇ ବର୍ଷର ବ୍ୟବଧାନ ପରେ ପାତାଳି ଶ୍ରୀକ୍ଷେତ୍ରରେ ସ୍ନାନ ଯାତ୍ରା ହୋଇଥିବାରୁ ବହୁ ଭକ୍ତଙ୍କ ସମାଗମ ହୋଇଥିଲା l ବିଭିନ୍ନ ଗ୍ରାମରୁ ବ୍ରାହ୍ମଣ ସେବାୟତ ମାନେ ଯୋଗଦେଇ ଚତୁର୍ଦ୍ଧା ମୂର୍ତ୍ତିଙ୍କୁ ଅନବଶର ଗୃହକୁ ନେଇଥିଲେ l ପାତାଳି ଟ୍ରଷ୍ଟର ସମସ୍ତ ସଦସ୍ୟ ସହଯୋଗ କରିଥିଲେ l