14-Jun-2022

ପୁରୀ/କୃଷ୍ଣପ୍ରସାଦ(ପ୍ରେରଣା ଖବର) ପବିତ୍ର ପର୍ବ ରଜ ଉପଲକ୍ଷେ ମାନସିଂହ ସାହିତ୍ୟ ସଂସଦ, ନନ୍ଦଳା ପୁରୀର ଏଇ ସହକାର- ରଜ ସଂଖ୍ୟା ଉନ୍ମୋଚନ ଓ  ଅଷ୍ଟାଦଶ କବିତା ଆସର ଅନୁଷ୍ଠିତ ହୋଇଯାଇଛି। କବି ତଥା କୁକୁଡାଖଣ୍ଡି ତହସିଲଦାର କଲ୍ୟାଣୀ ସଂଘମିତ୍ରା ଦେବୀ ଓ ସୁସାହିତ୍ୟିକ ଡ଼ଃ ଲକ୍ଷ୍ମୀ ନାରାୟଣ ଦାଶଙ୍କ କରକମଳରେ ରଜ ବିଶେଷାଙ୍କ ଉନ୍ମୋଚିତ ହୋଇଯାଇଛି । ଶ୍ରୀମତୀ କଲ୍ୟାଣୀ ସଂଘମିତ୍ରା ରଜ ପର୍ବର ଧାର୍ମିକ ତତ୍ତ୍ବ ଉପସ୍ଥାପନ କରିବା ସହ ଡ଼ଃ ଦାଶ ପତ୍ରିକାକୁ ସମୀକ୍ଷା କରିଥିଲେ । ସଭାପତି ବିଷ୍ଣୁପ୍ରସାଦ ଦଳେଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ଉପଦେଷ୍ଟା ଶ୍ରୀଯୁକ୍ତ ପ୍ରେମାନନ୍ଦ ବେହେରା ପତ୍ରିକା ସମ୍ପର୍କରେ ସୂଚନା ଦେବା ସହ ସମ୍ପାଦକ ଲଳିତ କୁମାର ସ୍ୱାଇଁ ସ୍ୱାଗତ ସମ୍ଭାଷଣ ଦେଇଥିଲେ । ସଂଯୋଜକ ବିଦ୍ୟାଧର ଦଳବେହରା ଧନ୍ୟବାଦ ଅର୍ପଣ କରିଥିଲେ । କବି ସୌଦାମିନୀ ମିଶ୍ର ସ୍ୱାଗତ ସଙ୍ଗୀତ ଗାନ କରିବା ସହ ରଞ୍ଜନ କୁମାର ମହାନ୍ତିଙ୍କ ସଂଯୋଜନାରେ ଓଡ଼ିଶାର କୋଡିଏରୁ ଉର୍ଦ୍ଧ୍ଵ କବି ଓ କବୟିତ୍ରୀ କବିତା ପାଠ କରିଥିଲେ । ପତ୍ରିକାର ପାଠକୀୟ ଆଦୃତି କାମନା ସହ ସମ୍ପାଦନାର ଅନୁଭୂତି ବଖାଣି ଥିଲେ । ଏହି କାର୍ଯ୍ୟକ୍ରମରେ ବନବିହାରୀ ପଟ୍ଟନାୟକ, କୈଳାଶ ପଟ୍ଟନାୟକ, ଡ଼ଃ ଲକ୍ଷ୍ମଣ ସାହୁ, ଦୀପିକା ଦାଶ, ଗୋପୀନାଥ ଦାଶ, ପୁଷ୍ପାଞ୍ଜଳୀ ପଣ୍ଡା, ଜାହ୍ନବୀ ଚୌଧୁରୀ,ବନ୍ଦନା ପଣ୍ଡା, ଜ୍ୟୋସ୍ନା ରାଣୀ ଦେବୀ, ସବିତା ବସ୍ତିଆ, ଭାରତୀ ହୋତା ପ୍ରମୁଖ ଉପସ୍ଥିତ ରହି ପତ୍ରିକାକୁ ଆଶୀର୍ବାଦ କରିଥିଲେ