13-Jun-2022

ବିନିକା(ହିମାଂଶୁ ଶେଖର ପୁଟେଲ) କ୍ରୀଡା କ୍ଷେତ୍ରରେ ଅଗ୍ରଣୀ ଭୂମିକା ତୁଲାଇ ଆସୁଥିବା ଏବଂ ବିଭିନ୍ନ ସାମାଜିକ କାର୍ଯ୍ୟକ୍ରମରେ ପାରଦର୍ଶିତା ଲାଭ କରିଥିବା ବିନିକା ସ୍ପୋର୍ଟସ କ୍ଲବର ବହୁ ଦିନର ସ୍ବପ୍ନ ଆଜି ସାକାର ହୋଇଚ୍ଛି । ଅତ୍ୟାଧୁନିକକରଣ ଅର୍ଥାତ୍ ସ୍ମାର୍ଟ ଲାଇବ୍ରେରୀରେ ସ୍ପୋର୍ଟସ କ୍ଲବ ପରିଣତ ହୋଇଥିବାରୁ ବିଭିନ୍ନ ମହଲରେ ଖୁସିର ଲହରୀ ଖେଳିଯାଇଛି । ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରୱନେ ଫିତାକାଟି ଏହାକୁ ଉଦ୍ଘାଟନ କରିଥିଲେ ।ସୂଚନା ଯୋଗ୍ୟ ଯେ ସୁବର୍ଣ୍ଣପୁର ଜିଲ୍ଲା ଲାଇବ୍ରେରୀ ହଲ ଭଳି ଏଠାରେ ସ୍ମାର୍ଟ ଲାଇବ୍ରେରୀ ଶାଖା ଖୋଲାଯିବା ପରେ ଛାତ୍ରଛାତ୍ରୀଙ୍କ ଠୁଁ ଆରମ୍ଭ କରି ସ୍ବେଚ୍ଛାସେବୀ,ବରିଷ୍ଠ ନାଗରିକ,ଅବସରପ୍ରାପ୍ତ କର୍ମଚାରୀଙ୍କ ପାଇଁ ଶିକ୍ଷଣୀୟ ଉପକରଣ ରହିବ ବୋଲି ଜଣାପଡିଛି ।ବିଶେଷ କରି ପାଠପଡୁଥିବା ଛାତ୍ରଛାତ୍ରୀ ମାନେ   ଏଠାରୁ ବିଭିନ୍ନ ପ୍ରକାରର ପୁସ୍ତକ ଅଧ୍ୟୟନ କରି ତାଙ୍କର ଭବିଷ୍ୟତ କ୍ୟାରିଅର ଗଠନ କରିବା ଦିଗରେ ସହାୟକ ହେବ । ଏଥିପାଇଁ ମାନ୍ୟବର ବୀରମହାରାଜପୁର ବିଧାୟକ ପଦ୍ମନାଭ ବେହେରାଙ୍କ ଉଦ୍ୟମ କ୍ରମେ,ସୁବର୍ଣ୍ଣପୁର ଜିଲ୍ଲା ପ୍ରଶାସନର ତତ୍ତ୍ଵାବଧାନରେ ଏବଂ ସ୍ଥାନୀୟ ବିନିକା ବିଜ୍ଞାପିତ ପରିଷଦର ପରିଚାଳନାରେ ଆଜି ଠାରୁ  ଆରମ୍ଭ ହୋଇଥିବା ସ୍ମାର୍ଟ ଲାଇବ୍ରେରୀର ଉଦଘାଟନୀ ଉତ୍ସବରେ ବିନିକା ଅଞ୍ଚଳର ବିଭିନ୍ନ ଶିକ୍ଷାନୁଷ୍ଠାନ ଅଧ୍ୟାପକ,ଅଧ୍ୟାପିକା,ଶିକ୍ଷକ,ଶିକ୍ଷୟତ୍ରୀ,ଅବସରପ୍ରାପ୍ତ କର୍ମଚାରୀ,ସ୍ବେଚ୍ଛାସେବୀ ଅନୁଷ୍ଠାନର କର୍ମକର୍ତ୍ତା,ରାଜନୈତିକ ବ୍ୟକ୍ତି,ସାଧାରଣ ଲୋକ,ସ୍ପୋର୍ଟସ କ୍ଳବର କର୍ମକର୍ତ୍ତା ଉପସ୍ଥିତ ସହ ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା,ଉପଜିଲ୍ଲାପାଳ ନିହାର ରଞ୍ଜନ କହଁର,ବିନିକା ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ,କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ,ତହସିଲଦାର ମୁକ୍ତେଶ୍ଵର ପାଣିଗ୍ରାହୀ,ବିଡ଼ିଓ ବ୍ୟାସଦେବ ବେହେରା,କନିଷ୍ଠ ଯନ୍ତ୍ରୀ ରତ୍ନାକର ଗାଇଗରିଆ,ବିବେକା ପାତ୍ର,ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,ବରିଷ୍ଠ ସଦସ୍ୟ ଲବ କୁମାର ମାହାଣା,ପୀତବାସ ମେହେର,ବୁଲୁ ଦଣ୍ଡିଆ, ମନୋଜ ଦାସ,ସୁନୀଲ ସେଠୀ,ଶେଖର ଶର୍ମା ପ୍ରମୁଖ ସାମିଲ ହୋଇଥିଲେ । ଏହି କାର୍ଯ୍ୟକ୍ରମର ଶେଷରେ ସ୍ପୋର୍ଟସ କ୍ଲବର ଅଧିନାୟକ ପ୍ରତାପ ସାହୁଙ୍କ ନେତୃତ୍ୱରେ ଖେଳାଳି ମାନେ ଅପରିତକ୍ତ ଅବସ୍ଥାରେ ପଡ଼ି ରହିଥିବା ବିଜୁ ପଟ୍ଟନାୟକ ଷ୍ଟାଡିୟମର ନବ କଳେବର କରିବାକୁ ଏକ ଦାବୀପତ୍ର ଜିଲ୍ଲାପାଳଙ୍କୁ ପ୍ରଦାନ କରିଥିଲେ ।