12-Jun-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଳକ ଅନ୍ତର୍ଗତ ସିଲାଟି ପଞ୍ଚାୟତ ନନ୍ଦନମାଲ ଗ୍ରାମର ଅବସରପ୍ରାପ୍ତ ଶିକ୍ଷକ ପୁରନ୍ଦର ବିଶି(୭୫)ଙ୍କ ଗତକାଲି ସନ୍ଧ୍ୟାରେ ପରଲୋକ ଘଟିଛି ।ତାଙ୍କ ବିଯୋଗ ଖବର ଶୁଣିବା ପରେ ଗ୍ରାମ ତଥା ଆଖପାଖ ଅଂଚଳର ବହୁ ବ୍ୟକ୍ତି ତାଙ୍କ ଘରକୁ ଆସି ପ୍ରିୟ ଶିକ୍ଷକଙ୍କୁ ଶେଷ ଦର୍ଶନ କରିଥିଲେ ।ସୂଚନା ଯୋଗ୍ୟ ଯେ   ପୁରନ୍ଦର ବଲାଙ୍ଗୀର ଜିଲ୍ଲା ସିନ୍ଦୂରବାହାଲ ସ୍କୁଲରୁ ତାଙ୍କ ଚାକିରି କାଳ ଆରମ୍ଭ କରି ନନ୍ଦନମାଲରେ ଦୀର୍ଘ ୨୫ବର୍ଷ ଓ ବିନିକା ବ୍ଳକ ମେଘେଲା ଅପଗ୍ରେଡ ସ୍କୁଲରେ ୭ବର୍ଷ ଶିକ୍ଷାଦାନ ପରେ ଅବସର ଗ୍ରହଣ କରିଥିଲେ ।ସ୍ବର୍ଗତ ବିଶି ଜଣେ ଧର୍ମ ପରାୟଣ ଓ ପରୋପକାରୀ ବ୍ୟକ୍ତି ଭାବେ ସମସ୍ତଙ୍କର ପ୍ରିୟ ଥିଲେ । ମୃତ୍ୟୁ ଶଯ୍ୟା ନିକଟରେ  ପୁଅ ଅଶୋକ,ଅକ୍ଷୟ,ଝିଅ ଶ୍ରଦ୍ଧାଞ୍ଜଳୀ,ଜ୍ବାଇଁ,ଚଞ୍ଚଳ, ସନ୍ତୋଷ କୁମାର,ନାତୁଣୀ ଜ୍ବାଇଁ ଅଗାଧୁ ଓ ନାତି,ନାତୁଣୀ ଉପସ୍ଥିତ ଥିଲେ ।ଏକ ବିରାଟ ଶୋଭାଯାତ୍ରାରେ ତାଙ୍କ ମର ଶରୀରକୁ ସ୍ଥାନୀୟ ଶ୍ଵସାନ ଘାଟକୁ ନେବାପରେ ସେଠାରେ ବଡ଼ପୁଅ ତଥା ଅଧ୍ୟାପକ ଅଶୋକ ବିଶି ମୁଖାଗ୍ନି ପ୍ରଦାନ କରିଥିଲେ ।