11-Jun-2022

ବଲାଙ୍ଗୀର(ପ୍ରେରଣା ଖବର) :ତୁଷୁରା ଜୈନ ସ୍ବତାମ୍ବର ତେରାପନ୍ଥ ଯୁବକ ପରିଷଦର ନୂତନ ଅଧ୍ୟକ୍ଷ ଭାବେ ମନୋନୀତ ହେଲେ ସାମ୍ବାଦିକ ମନୋଜ କୁମାର ଜୈନ । ଶୁକ୍ରବାର ତୁଷୁରା ଜୈନ ଭବନଠାରେ ଜୈନ ସ୍ବତାମ୍ବର ତେରାପନ୍ଥ ଧର୍ମସଂଘର ମୁନିଶ୍ରୀ ପ୍ରଶାନ୍ତ କୁମାରଜୀଙ୍କ ସାନ୍ନିଧ୍ୟରେ ତେରାପନ୍ଥ ଯୁବକ ପରିଷଦର ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା।  ବୈଠକରେ ସର୍ବସମ୍ମତିରେ ଶ୍ରୀ ଜୈନଙ୍କୁ ମନୋନୀତ କରାଯାଇଛି। ବିରେନ୍ଦ୍ର ଜୈନ ଧନ୍ୟବାଦ ଅର୍ପଣ କରିଥିବା ବେଳେ ଗୁଡ଼ଭେଲା ବ୍ଳକ ଅଧ୍ୟକ୍ଷା ବେବି ଦୋରା,ପୂର୍ବତନ ରାଜ୍ୟ କେନ୍ଦ୍ର ସମବାୟ ନିଦ୍ଦେର୍ଶକ ଅଶୋକ ଚନ୍ଦ୍ର ଦୋରା, ଏନଏସି ଅଧ୍ୟକ୍ଷ ଅଜୟ କୁମାର ଜୟଶ୍ବାଳ, ଓଡିଶା ଜୈନ ସ୍ବତାମ୍ବର ତେରାପନ୍ଥ ସଭାର ଅଧ୍ୟକ୍ଷ ମୁକେଶ ଜୈନ, ସଂପାଦକ ଅନୁପ ଜୈନ ଆଦି ଶୁଭେଚ୍ଛା

ଜଣାଇଥିବା ବେଳେ ଶ୍ରୀ ଜୈନ ନିଜ ପ୍ରତିକ୍ରିୟାରେ ପ୍ରକାଶ କରନ୍ତି ଯେ, ଜୈନ ଧର୍ମ ଅହିଂସା ଉପରେ ବିଶ୍ୱାସ କରେ, ମୁଁ ଯେତିକି ହେବ ଯୁବ ସମାଜକୁ ନିଶା ମୁକ୍ତି, ନୈତିକତା, ଅହିଂସା ମାର୍ଗରେ ନେବାକୁ ଚେଷ୍ଟା କରିବି ବୋଳି କହିଛନ୍ତି।  ଏଠାରେ ସୂଚନାଯୋଗ୍ଯ ଯେ, ଶ୍ରୀ ଜୈନ ବହୁ ସଂଗଠନ ସହ ଜଡିତ ଥିବା ବେଳେ ଏବେ ଓଡିଶା ଜୈନ ସ୍ବତାମ୍ବର ତେରାପନ୍ଥ ସଭାର ମିଡିଆ ପ୍ରଭାରୀ, ଓଡିଶା କର୍ମଜୀବୀ ସାମ୍ବାଦିକ ସଂଘର ରାଜ୍ୟ କାର୍ଯ୍ୟକାରିଣୀ ସଦସ୍ଯ, ମାଁ ସମଲେଶ୍ବରୀ ସଫେଇ କର୍ମଚାରୀ ସଂଘର ସଭାପତି ଭାବେ ଦାୟିତ୍ବ ତୁଲାଉଛନ୍ତି  ।