11-Jun-2022

 ସୁବର୍ଣ୍ଣପୁର/ ସୋନପୁର କଲେଜ ଆକାଉଣ୍ଟରୁ ୭୨ ଲକ୍ଷ ଟଙ୍କା ଠକେଇ ଘଟଣାରେ ବ୍ୟାଙ୍କ ସି ସି ଟି ଭି  ଫୁଟେଜକୁ ନେଇ ସୁବର୍ଣ୍ଣପୁର ଏସପି ଗତକାଲି ୧୦ ତାରିଖ ରାତିରୁ ନିଜେ ସଦର ଥାନାରେ ବସି ଅଟକ ଥିବା  ବରୋଦା ବ୍ୟାଙ୍କ କର୍ମଚାରୀଙ୍କୁ ତନାଘନା କରି ତଦନ୍ତ ଜାରି ରଖିଛନ୍ତି l ନକଲି ଚେକ ରେ  ପ୍ରିନ୍ସିପାଲଙ୍କ ଦସ୍ତଖତ ଓଭର ରାଇଟିଙ୍ଗ ଥିବା, ଚେକରେ ସୋନପୁର କଲେଜ ଜାଗାରେ ସୋନପୁର ଡିଗ୍ରୀ କଲେଜ ଲେଖା ଥିବା , ଅନେକ ସନ୍ଧୟ ପରେ ମଧ୍ୟ କଲେଜ ଅଧ୍ୟକ୍ଷ କିମ୍ବା ଆକାଉଣ୍ଟସ ସେକ୍ସନକୁ ବ୍ୟାଙ୍କରୁ ସୂଚନା ନ ଯିବା, ପୁଣି  ନୂଆଁ ଅଧ୍ୟକ୍ଷଙ୍କ ମୋବାଇଲକୁ ଟ୍ରାନଜେକ୍ସନ ମେସେଜ ଦେବା ପାଇଁ ଜୁନ ୨୧ ରୁ କଲେଜ ବାରମ୍ବାର ଜଣାଇଥିଲେ ସୁଦ୍ଧା ପୁରୁଣା ଅଧ୍ୟକ୍ଷଙ୍କ ନମ୍ବରକୁ ବ୍ୟାଙ୍କ ମେସେଜ ପଠାଇବା ରହସ୍ୟ,  ଏତେ ମୋଟା ଅଙ୍କର ଟଙ୍କା ଉଠାଣ ପୁଣି ୭ ତାରିଖ ର ଘଟଣା ବା ମେସେଜକୁ ଲୋକାଲ ଲୋକ ହୋଇ ସୁଦ୍ଧା  ପ୍ରାକ୍ତନ ଅଧ୍ୟକ୍ଷ ଶ୍ରୀ ମିଶ୍ର ନୂଆଁ ଅଧ୍ୟକ୍ଷଙ୍କୁ ନ ଜଣାଇ ଚୁପ ରହିବା,  ଗୁରୁବାର ଜଣା ପଡିବା ପରେ ଘଟଣା ଟି ଶୁକ୍ରବାର ରାତି ରେ ପ୍ରିନ୍ସିପାଲ ଥାନା ରେ ଏତଲା ଦେବା, ଏବେ ସୁଦ୍ଧା କଲେଜ ର ଆକାଉଣ୍ଟସ୍ସ ସେକ୍ସନ  ନଥି ପତ୍ର ସିଜ ନ କରି ଏ ବିଭାଗ କୁ ପ୍ରିନ୍ସିପାଲ କୈଫତ ନ ମାଗିବା, ସୁରକ୍ଷିତ ଏସ ବି ଆଇ  ଟ୍ରାଞ୍ଜେକ୍ସନ ବଦଳ ରେ ହଠାତ ବରୋଦା ବ୍ୟାଙ୍କ ରେ ଏତେ ଗୁଡ଼ାଏ ଟଙ୍କା କାରବାର କରିବା ଏବଂ ରାଜ୍ୟର ୧୨୭ ଟି କଲେଜକୁ ଆସିଥିବା ଆଇ ଡି ପି ବିଶ୍ୱ ବ୍ୟାଙ୍କ ଅନୁଦାନର କୋଟି କୋଟି ଟଙ୍କାର ଟ୍ରାନଜେକ୍ସନ ଉପରେ  କିଛି  ଅଘଟଣ  ନ ହୋଇ ଏହି କଲେଜର  ଡିଟେଲ୍ସ ତଥ୍ୟ ଠକଙ୍କ ପାଖରେ ପ୍ରଥମେ ସୂଚନା  ଓ  ଅରଜିନାଲ ଚେକ ର ଫଟୋ ସ୍କାନିଙ୍ଗ କପି ପହଂଚିବା, ଏପରିକି ସୁବର୍ଣ୍ଣପୁର ରେ ସଦର ମେଡିକାଲ ରେ ୫ କୋଟି ଠକେଇ ପରେ ସମାନ ଢଙ୍ଗରେ ଏଭଳି ଘଟଣା

ଘଟିଥିବା ଇତ୍ୟାଦି ବିଭିନ୍ନ ଦିଗ ଉପରେ ଏସପି ଜୋରଦାର ତଦନ୍ତ ବି କରୁଛନ୍ତି l ଆଉ କଲେଜ କର୍ତୃପକ୍ଷଙ୍କ ଉପରେ ସାଧାରଣ ଜନତାଙ୍କ ନାନା ପ୍ରଶ୍ନ ବି ଆସୁଛି l ଛକ ଛକରେ ନାନା ଆଲୋଚନା ସମାଲୋଚନା ଚାଲିଛି l ଏସପି ଙ୍କ ଉପରେ ସୁବର୍ଣ୍ଣପୁରବାସୀଙ୍କ  ଲୋକଙ୍କ ପୁରା ଭରସା ଅଛି ଯେ ଖୁବ ଶୀଘ୍ର ଏହାର ପର୍ଦାଫାଶ ହୋଇଯିବ l ଏବଂ  ଇ ଓ ଡବ୍ଲୁ ଡି କୁ ତଦନ୍ତ ଭାର ନ ଦେଇ  ଗତ କାଲିଠୁଁ ଏସପି, ଏସଡି ପିଓ  ଙ୍କ  ତଦାରଖ ରେ ଆଇ ଆଇ ସି ଙ୍କ ଏକ ସ୍ୱତନ୍ତ ଟିମ ମଧ୍ୟ ଘଟଣା ର ଅନୁସନ୍ଧାନରେ ଲାଗିଥିବା ଓ ଖୁବ ଶୀଘ୍ର ପର୍ଦାଫାଶ ହେବାର  ଅନୁମାନ କରାଯାଉଛି l ତଦନ୍ତରେ ବ୍ୟାଘାତ ହେବା ର କାରଣ ଯୋଗୁଁ ସବିଶେଷ ତଥ୍ୟ ପୋଲିସ ମିଡ଼ିଆଙ୍କୁ ଜଣାଉ ନ ଥିବା ଜଣା ଯାଇଛି l