10-Jun-2022

ନାକଟିଦେଉଳ(କନ୍ଦର୍ପ ବେହେରା) :ତାମିଲନାଡୁର ଏକ ଲୁହା ଛଡ କମ୍ପାନୀରେ ଦାଦନ ଖଟିବାକୁ ଯାଇ ଏକ ଟ୍ରେନ ଧକ୍କାରେ ନାକଟିଦେଉଳ ବ୍ଲକ୍ କମଳାନାଳୀ ଗ୍ରାମର ଜନୈକ ଯୁବକ ମ୍ରୁତ୍ୟୁବରଣ କରିଥିବା ଅଭିଯୋଗ ହୋଇଛି ା ଏପରିକି ପୁଅର ଶବକୁ ପ୍ରଶାସନ ଫେରାଇଆଣିବାକୁ ମ୍ରୁତକର ବାପା ରେଢ଼ାଖୋଲ ଉପଜିଲ୍ଲାପାଳକୁ ନିବେଦନ କରିଥିବା ଜଣାପଡ଼ିଛି ା
ପରିବାର ସୂତ୍ରରୁ ପ୍ରକାଶ ଯେ, ରେଢ଼ାଖୋଲ ଥାନା ନାକଟିଦେଉଳ ବ୍ଲକ୍ ଘୋଷରାମାଳ ପଂଚାୟତ କମଳାନାଳୀ ଗ୍ରାମର ରାମଚନ୍ଦ୍ର ପ୍ରଧାନଙ୍କ ସାନପୁଅ ବୈଷ୍ନବ ପ୍ରଧାନ ଗାଁ ସାଙ୍ଗମାନଙ୍କ ସହ ଦାଦନ ଖଟିବାକୁ ସୁଦୂର ତାମିଲନାଡ଼ୁ ରାଜ୍ୟକୁ ଯାଇଥିଲେ ା ହେଲେ ହଠାତ୍ ଗତ ମଙ୍ଗଳବାର ଦିନ ତାମିଲନାଡୁ ର ଏକ ଟ୍ରେନ କଡ଼ରୁ କ୍ଷତବିକ୍ଷତ ଅବସ୍ଥାରେ ରେ ବୈଷ୍ଣବ ର ମୃତ ଦେହ ଉଦ୍ଧାର କରିଥିଲା ସ୍ଥାନୀୟ ପୋଲିସ ା କୌଣସି ସୂତ୍ରରୁ ପରିବାର ଲୋକେ ପୁଅ ଟ୍ରେନ୍ ରେ କଟି ମ୍ରୁତ୍ୟୁବରଣ କରିଥିବା ଖବର ପାଇ ପ୍ରଶାସନର ଦ୍ବାରସ୍ଥ ହୋଇଛନ୍ତି ା ମୃତ ଦେହ ଆଣିବା କୁ ଅସମର୍ଥ ଥିବା ବିଚରା ବୁଢ଼ା ବାପା ଓ ବଡ଼ଭାଇ ଆଜି ଗୁରୁବାର ଦିନ ଆକୁଳ ନିବେଦନ କରିଛନ୍ତି ରେଢ଼ାଖୋଲ ଉପଜିଲ୍ଲାପାଳଙ୍କ ପାଖରେ , କିଭଳି ଗାଁ କୁ ଫେରିବ ଶବ ରେଢ଼ାଖୋଲ ଉପଜିଲ୍ଲାପାଳ ଆପ୍ରାଣ ଉଦ୍ୟମ କରିଛନ୍ତି ା ସରକାର ଶ୍ରମିକ ମାନଙ୍କ ପାଇଁ ବହୁଯୋଜନା କାର୍ଯ୍ୟକାରୀ କରିଛନ୍ତି ା ହେଲେ ଓଡ଼ିଶାର ବହୁ ଯୁବକ ନିଜ ରାଜ୍ୟରେ କାମ ନ ପାଇ କାମ ଅନ୍ବଷଣରେ ବାହାର ରାଜ୍ୟକୁ ଚାଲି ଯାଉଛନ୍ତି ା ଏପରିକି ନିର୍ଯାତନାର ଶୀକାର ହେଉଛନ୍ତି ମାଲିକ ଠାରୁ ା ବହୁ ସମୟରେ ମଧ୍ୟ ମ୍ରୁତ୍ୟୁ ବରଣ କରୁଥିବା ନଜିର୍ ରହିଛି ା ବାହାର ରାଜ୍ୟକୁ ଆମ ପିଲା କେମିତି ନ ଯିବେ ସେ ଦିଗରେ ସରକାର ଧ୍ୟାନ ଦେବା ଦରକାର ା