10-Jun-2022

ବରଗଡ:-ବରଗଡ଼ ଜିଲ୍ଲା ପଦ୍ମପୁର ସହର ସ୍ଥିତ  ସ୍ଥାନୀୟ ଦିଲୀପ କଲ୍ୟାଣ ମଣ୍ଡପ ପଦ୍ମପୁର ରେ ରାଜବୋଡାସମ୍ବର କୃଷକ ସଂଗଠନ ପଦ୍ମପୁର ଡାକରା ଦେଇଥିବା ଜେଲଭରୋ ଆନ୍ଦୋଳନ ପାଇଁ ଚୂଡାନ୍ତ ପ୍ରସ୍ତୁତି ବୈଠକ ସଭାପତି ବାଞ୍ଛାନିଧି ନାୟକ ଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି l ଏହି ବୈଠକରେ ପଦ୍ମପୁର ଓକିଲ ସଂଘ, ବଣିକ ସଂଘ ପଦ୍ମପୁର, ନାଗରିକ କମିଟି ପଦ୍ମପୁର, ଘରୋଇ ବସ ମାଲିକ ସଂଘ ଉପସ୍ଥିତ ରହି ୧୩ ତାରିଖ ଆନ୍ଦୋଳନ କୁ ପୂର୍ଣ୍ଣ ସମର୍ଥନ ଘୋଷଣା କରି ସମସ୍ତ ପ୍ରକାର ସହଯୋଗ ପାଇଁ ସହମତି ପ୍ରକାଶ କରିଥିଲେ l ଏହି ଆଇନ ଅମାନ୍ୟ ଓ ଜେଲଭରୋ ଆନ୍ଦୋଳନ ପାଇଁ ରଣନୀତି ପ୍ରସ୍ତୁତ କରାଯାଇଥିଲା l ବୈଠକ ରେ ଫସଲ ବୀମା ପ୍ରଦାନ ବିଳମ୍ବ ନେଇ ଚାଷୀଙ୍କ ମଧ୍ୟରେ ଗଭୀର ଉଦବେଗ ପ୍ରକାଶ ପାଇଥିଲା l ଅନେକ ଥର ବୀମା କମ୍ପାନୀ ଓ ପ୍ରଶାସନ କୁ ଦାବିପତ୍ର ପ୍ରଦାନ କରାଯାଇ ଥିଲେ ହେଁ କେବଳ ପ୍ରତିଶ୍ରୁତି ମିଳିଛି କିନ୍ତୁ ଏପର୍ଯ୍ୟନ୍ତ ବୀମା ଟଙ୍କା ଚାଷୀଙ୍କୁ ମିଳି ନ ଥିବାରୁ ଉତ୍ତେଜନା ପ୍ରକାଶ ପାଇ ସମସ୍ତ ସରକାରୀ କାର୍ଯ୍ୟାଳୟ ବନ୍ଦ କରି ବୀମା ଟଙ୍କା ନ ମିଳିବା ଯାଏଁ ରାଜରାସ୍ତା ରେ ଅନିର୍ଦିଷ୍ଟ ସମୟ ପର୍ଯ୍ୟନ୍ତ ଚାଷୀ ମାନେ ବସି ଆଇନ ଅମାନ୍ୟ ଓ ଜେଲ ଭରୋ ଆନ୍ଦୋଳନ କୁ ତୀବ୍ର କରିବାକୁ ନିଷ୍ପତ୍ତି ଗ୍ରହଣ କରାଗଲା l ଏହି ବୈଠକରେ ନାଗରିକ କମିଟି ସମ୍ପାଦକ ଅଜିତ ଶତପଥି,ଓକିଲ ସଙ୍ଘ ରୁ ବରିଷ୍ଠ ଆଇନଜୀବୀ ଗୌନ୍ତିଆ ସାହୁ, ଚିନ୍ମୟ କୁମାର ପଣ୍ଡା, ଘରୋଇ ବସ ମାଲିକ ସଂଘ ସଭାପତି ମନୋରଞ୍ଜନ ବରିହା, ବଣିକ ସଂଘ ରୁ ପ୍ରତାପ ମିଶ୍ର ଏବଂ ରାଜ ବୋଡା ସମ୍ବର କୃଷକ ସଂଗଠନ ରୁ ଆବାହକ ଅଶୋକ ସାହୁ, ରୋହିତ ପ୍ରଧାନ,କୈଳାସ ବାରିକ,ବିଜୟ ସାହୁ ମିନକେତନ ବିଶ୍ୱାଳ,ପୁଷ୍କର ବରିହା, ଚିତ୍ତରଞ୍ଜନ ପାଣ୍ଡେ, ପ୍ରକାଶ,ମିଶ୍ର, କାହ୍ନୁ ମେହେର, ଏବଂ ପାଇକମାଳ ବ୍ଲକ ,ପଦ୍ମପୁରବିଜ୍ଞାପିତ ଅଞ୍ଚଳ ପରିଷଦ ର ଚାଷୀ ନେତୃବୃନ୍ଦ ଉପସ୍ଥିତ ଥିଲେ