09-Jun-2022

ବଲାଙ୍ଗିର(ପ୍ରେରଣା ଖବର)ଭାରତୀୟ ଶିକ୍ଷଣ ମଣ୍ଡଳ ଓଡିଶା ପଶ୍ଚିମ ପ୍ରାନ୍ତର ସାଧାରଣ ଅଧିବେଶନ ବରିଷ୍ଠ ସଦସ୍ୟ ଧର୍ମବ୍ରତ ରଥଙ୍କ ସଭାପତିତ୍ୱରେ ଆଭାସି ମାଧ୍ୟମରେ ଅନୁଷ୍ଠିତ ହୋଇଯାଇଛି । ସଂଗଠନର ପଶ୍ଚିମ ଓଡିଶା ପ୍ରଭାରୀ ଉମେଶ କୁମାର ସିଂହ ଏହି ଆଭାସି ଅଧିବେଶନରେ ଉପସ୍ଥିତ ରହି ଶିକ୍ଷଣ ମଣ୍ଡଳର କାର୍ଯ୍ୟପଦ୍ଧତି, ସଂପର୍କସୁତ୍ର, ଗୁରୁକୂଳ ପ୍ରକଳ୍ପ, ଶାଳେୟ ପ୍ରକୋଷ୍ଠ ତଥା ଯୋଜନା ଓ ଅନୁସନ୍ଧାନ ସମ୍ବନ୍ଧରେ ଅନୁଷ୍ଠିତ ଆଲୋଚନାରେ ଅଂଶଗ୍ରହଣ କରିଥିଲେ । ପ୍ରାନ୍ତ କାର୍ଯ୍ୟକର୍ତ୍ତା ରଙ୍କମଣି ବାରିକ ସମଗ୍ର କାର୍ଯ୍ୟକ୍ରମକୁ ସଂଯୋଜନା କରିଥିଲେ । କୋଷାଧ୍ୟକ୍ଷ ସତ୍ୟ ନାରାୟଣ ପ୍ରଧାନ ଧ୍ୟେୟବାକ୍ୟ ପଠନ କରି ଆଲୋଚନା ଆରମ୍ଭ କରିଥିଲେ । ଉପାଧ୍ୟକ୍ଷ ପ୍ରଫେସର ତରୁଣ କୁମାର ମିଶ୍ର, ବିଷ୍ଣୁ ପ୍ରସାଦ ନନ୍ଦ, ଗିତାଞ୍ଜଳି ଚୈାଧୁରୀ, ଗୁଲାପିମୟୀ ଦାଶ, ଖଗେଶ୍ୱର ଦାଶ, ନବ କିଶୋର ପ୍ରଧାନ, ସବିତା ଭୋଇ, ସଂଯୁକ୍ତା ପରିଚ୍ଛା, ଡ. ରାମ ନରେଶ, ପଙ୍କଜ କୁମାର, ପ୍ରବୀର କୁମାର ଦାଶ, ବାସନ୍ତ ସାହୁ, ଅର୍ଜୁନ କନହର, ନବକିଶୋର ପ୍ରଧାନ, ସୁଦାମ ଦିସ୍ରୀ, ଲୋକନାଥ ସାହୁ, ରାମଚନ୍ଦ୍ର ବାଗ, ମନ ମହାପାତ୍ର ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ । କଳାହାଣ୍ଡି, ନୁଆଁପଡା, ବୌଦ୍ଧ, ସୋନପୁର, ସମ୍ବଲପୁର, ଝାରସୁଗୁଡା, ବଲାଙ୍ଗିର ପ୍ରଭୃତି ଅଂଚଳର କାର୍ଯ୍ୟକର୍ତ୍ତା ଆଲୋଚନାରେ ଅଂଶଗ୍ରହଣ କରିଥିଲେ । ଶେଷରେ ବିଜୟ କୁମାର ସାହୁ ଧନ୍ୟବାଦ ଦେଇଥିଲେ ।