08-Jun-2022

ବଲାଙ୍ଗିର,(ପ୍ରେରଣା ଖବର)- ପାଟଣେଶ୍ୱରୀ ମନ୍ଦିର ର ପୂଜକ ଆଜି ଉପ-ଜିଲ୍ଲାପାଳଙ୍କ କାର୍ଯ୍ୟାଳୟକୁ ଉପସ୍ଥିତ ରହିଥିବାରୁ ମନ୍ଦିରର ସମୀକ୍ଷା ନେଇ ଆଲୋଚନା ବିଫଳ ହୋଇଛି । ଦେବୋତ୍ତର ବିଭାଗ ମନ୍ଦିରରେ ବର୍ଷା ପାଣି ସମସ୍ୟା ଓ ବିଭିନ୍ନ ସମସ୍ୟା କିଛି ରିପୋର୍ଟ ନାହିଁ । ୭ ଦିନ ମଧ୍ୟରେ ମନ୍ଦିରର ପୂଜକ କୈଫୟତ ମାଗିଛି । 
    ପାଟନା ରାଜ୍ୟର ଇଷ୍ଟଦେବୀ ବଲାଙ୍ଗିର ମା’ ପାଟନେଶ୍ୱରୀ ଆଜି ବିପଦ ମୁଖରେ । ଦିର୍ଘ ବର୍ଷ ହେଲା ବର୍ଷା ପାଣିରେ ଉପୁଡୁବୁ । ଏ ଯାଏଁ ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିବାରୁ ଦୋଷ ଲୁଚାଇବାକୁ ଦେବୋତ୍ତର ବିଭାଗ ମନ୍ଦିରର ପୂଜକଙ୍କୁ ଚିଠି ଦେଇଛି । ପୂର୍ବରୁ ମନ୍ଦିରର ସମସ୍ୟାକୁ ନେଇ ବିଭିନ୍ନ କମିଟି ଦାବି ଉଠେଇଥିଲେ ମଧ୍ୟ ଆଜି ଯାଏଁ  କିଛି ମରାମତି କାମ ଆଗେଇ ପରି ନାହିଁ । ଯାହାକି ଭକ୍ତଙ୍କ ମନରେ ଅସନ୍ତୋଷ ଲାଗି ରହିଛି । ଗତ ୨୯ ତାରିଖ ଦିନ ବରିଷ୍ଠ ନାଗରିକ ମଂଚ ,  ନାଗରିକ କମିଟି  ଓ ବଲାଙ୍ଗିରର ବୁଦ୍ଧିଜିବି ଏକଜୁଟ ହୋଇ ଦାବି ଉପସ୍ଥାପନ କରିଥିଲେ । ଗଣମାଧ୍ୟମରେ ପ୍ରକାଶିତ ହୋଇଥିବାରୁ ମନ୍ଦିରର ପୂଜକ ଦେବୋତ୍ତର କମିଶନରଙ୍କୁ ଏକ ଚିଠି ମାଧ୍ୟମରେ ମନ୍ଦିର ର ସମସ୍ୟାର ସମାଧନ ଦାବି ଉପସ୍ଥାପନ କରିଥିଲେ । ଦିର୍ଘ ଦୁଇ ବର୍ଷ ହେଲା ବାରମ୍ବାର ଦେବୋତ୍ତର ବିଭାଗକୁ ଦାବି କରାଯାଇ ଆସୁଥିଲେ ମଧ୍ୟ ସଭଳି କିଛି ଆଖି ଦୃଶିଆ

ମରାମତି କାମ ହୋଇପାରି ନାହିଁ । ଏ ସଂପର୍କରେ ଗତ ୩୦ ତାରିଖ ଦିନ ଦେବୋତ୍ତର କମିଶନରଙ୍କୁ ଚିଠି ଓ ଗଣମାଧ୍ୟମର ଖବର ପ୍ରକାଶ ପାଇଥିଲା ।  ଗତ ଜୁନ ୪ ତାରିଖରେ ଦେବୋତ୍ତର କମିଶନର ଉପଜିଲ୍ଲପାଳଙ୍କୁ ତାଙ୍କ ଚିଠି ସଂଖ୍ୟା୧୬୮୫୧ରେ ଚିଠି କରିଥିଲେ ଓ  ଏହି ଚିଠି ପାଇ ବଲାଙ୍ଗିର ଉପଜିଲ୍ଲାପାଳ ମନ୍ଦିରର ତିନି ପୂଜକଙ୍କ ଆଜି ୧୦ଟା ସମୟରେ ଉପସ୍ଥିତ ରହିବା ପାଇଁ ନିର୍ଦ୍ଦେଶ ଜାରି କରିଥିଲେ । ପାଟଣେଶ୍ୱରୀ ମନ୍ଦିର ବିଭିନ୍ନ ଗର୍ଭଗୃହ ମରାମତି, ରୋଷଇ ଘର ସମସ୍ୟା, ବର୍ଷା ହେଲେ ମନ୍ଦିରରକୁ ପାଣି ପ୍ରବେଶ କରିବା । ଏ ସଂପର୍କରେ ବିଭିନ୍ନ ସମୟରେ ଦାବି ହୋଇ ଆସୁଛି । ଅନ୍ୟପକ୍ଷରେ ୧୯୦୪ ମସିହାରେ ଏହି ମନ୍ଦିର ନିର୍ମାଣ ହୋଇଥିବା ବେଳେ ବର୍ତ୍ତମାନ ମନ୍ଦିର ବିପଦ ଅବସ୍ଥାରେ ରହିଛି । ଏ ନେଇ ମନ୍ଦିରର ମୁଖ୍ୟ ମୁଖ୍ୟ ପୂଜକ ମଳୟ ଦିସ୍ରୀଙ୍କୁ ପଚାରିବାରୁ ଦେବୋତ୍ତର ବିଭାଗ ଚିଠି ମାଧ୍ୟମରେ କେବଳ ସମାଧାନର ବାଟ ଫିଟାଉଛି, ପ୍ରଶାସନ

କିଛି ପଦକ୍ଷେପ ନେଉ ନାହିଁ । ଏ ବିଷୟରେ ଦେବୋତ୍ତର କମିଶନରଙ୍କୁ ଲିଖିତ ଭାବେ ଜଣାଇଦେଇଛନ୍ତି ବୋଲି କହିଛନ୍ତି । ବଲାଙ୍ଗିରର ମା’ ପାଟଣେଶ୍ୱରଙ୍କ ମନ୍ଦିର ଦିର୍ଘ ବର୍ଷ ହେଲା ଅବ୍ୟବସ୍ଥା ଥିବା ବେଳେ ଜିଲ୍ଲାର ପ୍ରଶାସନର ଅଡୁଆଳରେ ରହିଛି । ଏହାକୁ ନେଇ ବଲାଙ୍ଗିର ବୁଦ୍ଧିଜିବି ମହଳରେ ତିବ୍ର ଅସନ୍ତୋଷ ପ୍ରକାଶ ପାଉଛି । ଅନ୍ୟ ପକ୍ଷରେ ରାଜ୍ୟ ସରକାର ରାଜ୍ୟର ବିଭିନ୍ନ ମନ୍ଦିର ଗୁଡିକୁ ଉନ୍ନତିମୂଳକ କାର୍ଯ୍ୟ ପାଇଁ କୋଟି କୋଟି ଟଙ୍କାର ଅନୁଦାନ ଯୋଗାଇ ଦେଉଥିବା ବେଳେ ବଲାଙ୍ଗିର ସହରର ମନ୍ଦିର ଗୁଡିକୁ ଅବହେଳିତ ଭାବେ ରଖାଯାଇଛି । ଯଦି ରାଜ୍ୟ ସରକାର ବଲାଙ୍ଗିର ସହରର ଥିବା ମନ୍ଦିର ଗୁଡିକୁ ଅନୁଦାନ ଯୋଗାଇ ନ ଦିଅନ୍ତି ତାହା ହେଲେ ଯୁବ ସଂଗଠକମାନେ ଆନ୍ଦୋଳନ ପନ୍ଥା ଆପଣାଇବେ ବୋଲି ଜଣାଇଛନ୍ତି ।