08-Jun-2022

ବଲାଙ୍ଗୀର(ମନୋରଞ୍ଜନ ତ୍ରିପାଠୀ) - ଆଜି ସନ୍ଧ୍ୟା  ୬ଘଣ୍ଟା ବେଳେ ବଲାଙ୍ଗୀର ଟାଉନ ବାଳିକା ହାଇସ୍କୁଲର ବାର୍ଷିକ ଉତ୍ସବ ମହା ସମାରୋହରେ ପାଳିତ ହୋଇ ଯାଇଛି l ବଲାଙ୍ଗୀର ବିଧାୟକ ଶ୍ରୀ ନରସିଂହ ମିଶ୍ର ଏହି ଉତ୍ସବରେ ମୁଖ୍ୟ ଅତିଥି ରୂପେ ଯୋଗ ଦେଇ ଶ୍ରୀ ଗଣେଶ  ସରସ୍ବତୀଙ୍କ ପ୍ରତିମୂର୍ତ୍ତିରେ ପୂଜାର୍ଚ୍ଚନା କରି ଅଡିଟୋରୀୟମକୁ ଉଦଘାଟନ କରିଥିଲେ l ଏବଂ ସଭାରେ ଉଦବୋଧନ ଦେଇ ଛାତ୍ର ଛାତ୍ରୀ 

ଶୃଙ୍ଖଳା  ରଖିଲେ,  ମନ କୁ ଦୃଢ଼ କଲେ ଓ ବାହ୍ୟ ଜ୍ଞାନ ଆହରଣ କଲେ ସମସ୍ତେ ବଡ଼  ମଣିଷ ହେବ ଓ ସବୁଠି ସଫଳତା  ପାଇବ ବୋଲି ମତ ରଖି  ଜ୍ଞାନ କୁ  କେବଳ ବହି ଭିତରେ ସୀମିତ ନ ରଖିବା କୁ କହିଥିଲେ l  ଏବଂ କେବଳ ଭିତିଭୂମି  ହେଲେ ହେବନି ଉତ୍ତମ  ଶିକ୍ଷା ପାଇଁ  ପୂର୍ଣ୍ଣ ମାତ୍ରl ରେ ଶିକ୍ଷକ ଶିକ୍ଷୟିତ୍ରୀ  ନିଯୁକ୍ତି  କଲେ ସରକାର ଙ୍କ 5T  ସଫଳତା ହେବ ବୋଲି କହିଥିଲେ l ସମ୍ମାନିତ ଅତିଥି ଭାବେ ପୌର ଅଧ୍ୟକ୍ଷା ଶ୍ରୀମତୀ ଲିକା ସାହୁ, ବଲାଙ୍ଗୀର ଡି ଏଫ ଓ ଶ୍ରୀ  ନୀତିଶ କୁମାର (ଆଇ ଏଫ ଏସ ) ଓ ଜ଼ିଲ୍ଲା ଶିକ୍ଷାଧିକାରୀ ଧ୍ରୁବ ଚରଣ ବେହେରା, ଏ ଡି ଇ ଓ କେଶବ ମେହେର, ଯୋଗ ଦେଇ ମତ ରଖି ଛାତ୍ରୀ ଓ ଅଭିଭାବକ ଙ୍କୁ ପୁରସ୍କୃତ କରି ଉତ୍ସାହିତ କରିଥିଲେ l ମୁଖ୍ୟ ବକ୍ତା ଭାବେ ଡଃ ଗୀତାଞ୍ଜଳି ପାଢ଼ୀ   ସି ଟି ଇ  ଅଧ୍ୟକ୍ଷା ଯୋଗ ଦେଇ  ଯେବେ ଦୃଢ଼ ଇଚ୍ଛା ଶକ୍ତି ବିଚାର ଶକ୍ତି, ସାଧନା ଶକ୍ତି ସବୁ ଶକ୍ତି ଏକାଠି ହୋଇ ଯାଆନ୍ତି  ଓ ଯେଉଁ ଛାତ୍ରଛାତ୍ରୀ ସମୟର ସଦ ଉପଯୋଗ କରିଥାନ୍ତି ତାହେଲେ ପ୍ରତ୍ୟକ କ୍ଷେତ୍ରରେ ସଫଳତା ଅତି ସହଜ  ହୋଇଥାଏ ବୋଲି ମତ ରଖିଥିଲେ l  ଡି ଇ ଓ ଧ୍ରୁବ ଚରଣ ବେହେରାଙ୍କ ସଭାପତିତ୍ବ ରେ ଆଜିର ସଭାକାର୍ଯ୍ୟ ଅନୁଷ୍ଠିତ ହୋଇଥିବା ବେଳେ ବିଦ୍ୟାଳୟର ପ୍ରଧାନ ଶିକ୍ଷକ ନରେନ୍ଦ୍ର କୁମାର ମିଶ୍ର  ଅତିଥି ପରିଚୟ ଓ ବାର୍ଷିକ ବିବରଣୀ ପାଠ କରିଥିଲେ l ପି ଇ ଟି କସ୍ତୁରୀ ରଥ  ସଭା ପରିଚାଳନା

କରିଥିବା ବେଳେ ବିଦ୍ୟାଳୟ ର ଛାତ୍ରୀ ଙ୍କ ଦ୍ୱାରା ସ୍ୱାଗତ ସଂଗୀତ ପରିବେଷଣ କରାଯାଇଥିଲା l  ବିଦ୍ୟାଳୟ ର ଛାତ୍ରୀ,  ଅଭିଭାବକ ଓ  ଶିକ୍ଷକ ଶିକ୍ଷୟିତ୍ରୀ ଙ୍କ ସମେତ ବଲାଙ୍ଗୀର ର ବହୁ ବୁଦ୍ଧିଜୀବୀ. ଗଣମାଧ୍ୟମ ପ୍ରତିନିଧି ଓ ମାନ୍ୟ ଗଣ୍ୟ ବ୍ୟକ୍ତି ଏହି ଉତ୍ସବ ରେ ଯୋଗ ଦେଇଥିଲେ  l  ଅବସର ଶିକ୍ଷୟତ୍ରୀ ଅନିତା ସିଂହ, ଚତୁର୍ଥ କର୍ମଚାରୀ ଟିକେ ଜାଲ ଙ୍କୁ ସଭାରେ ମୁଖ୍ୟ ଅତିଥିଙ୍କ ଦ୍ୱାରା ସମ୍ବର୍ଦ୍ଧିତ କରିଥିଲେ l ଶିକ୍ଷୟିତ୍ରୀ ତପସ୍ୱନି ମହାପାତ୍ର ସଭା ଶେଷରେ ଧନ୍ୟବାଦ ଅର୍ପଣ କରିଥିଲେ l