08-Jun-2022

ପାଟଣାଗଡ଼ : ଭିନ୍ନକ୍ଷମ ସାଜିଲେ ଭିନ୍ନକ୍ଷମ ଙ୍କ ଦରଦୀ ବନ୍ଧୁ  ଏହା କୌଣସି ନାଟକ ର ଡାଇଇକ୍ ନୁହେଁ ତାହା ସତ୍ୟ ଘଟଣା ଏପରି ଏକ ଘଟଣା ଦେଖିବାକୁ ମିଳିଛି ଆମ ପାଟଣାଗଡ଼ ସହର କଚେରି  କୋର୍ଟ ପରିସରରେ । ସତରେ ଭଗବାନ କାହାକୁ କେଉଁ ବୁଦ୍ଧି ବିବେକ ଦେଇଛନ୍ତି । ଦୁନିଆରେ କିଏ ସବଳ ତ ପୁଣି ଦୁର୍ବଳ କିଏ ଛୋଟା ତ ପୁଣି କିଏ ଅନ୍ଧ  ହେଲେ ତାଙ୍କରି ମଣିଷ ପଣିଆ ମହାନ୍ । ଏପରି   ଜଣେ ବ୍ୟକ୍ତି ନିଜେ ଭିନ୍ନକ୍ଷମ ହୋଇ ସୁଦ୍ଧା ଆଉ ଜଣେ ଭିନ୍ନକ୍ଷମ ଙ୍କ ଦରଦୀ ବନ୍ଧୁ ସାଜି ଅନ୍ୟ ଭିନ୍ନକ୍ଷମ ମଣିଷ ର ଅଭାବ ଅସୁବିଧା ଓ ଦୁଃଖ କୁ ହୃଦୟ ଙ୍ଗମ କରିପାରିଛନ୍ତି ସେମିତି ଜଣେ ଭିନ୍ନକ୍ଷମ ଦରଦୀ ବ୍ୟକ୍ତି । ସେ ଦରଦୀ ଭିନ୍ନକ୍ଷମ ବ୍ୟକ୍ତି ଜଣକ ହେଲେ ପାଟଣାଗଡ଼  ସହର ଓକିଲ ତରୁଣ କୁମାର ପାତ୍ର । ଓକିଲ ତରୁଣ କୁମାର ପାତ୍ର ପ୍ରତି ଦିନ ଭଲି ନିଜ ହୁଇଲ ଚେୟାର ରେ  କୋର୍ଟ  ପହଞ୍ଚିଥିଲେ । ଗତ ୪ /୫ ଦିନ ହେଲା କୋର୍ଟକୁ ଆସିଲା ବେଳକୁ ଦେଖିବାକୁ ପାଇଲେ ବ୍ୟକ୍ତି ଜଣକ କୋର୍ଟ ସମ୍ମୁଖ ବାରଣ୍ଡାରେ ବସି ଥିବା ବେଳେ କେତେବେଳେ ନିରାଶ ହେଲା ପରି ବାରଣ୍ଡାରେ  ଶୋଇପଡନ୍ତି । ଗୋଡ ଅଚଳ ଆଉ କଣ'ବା କାମ ଧନ୍ଦା କରିପାରିବେ । ଆଜି ମତେ ତରୁଣ ଭାଇ କହିଲେ କୋର୍ଟ ପରିସରରେ ଜଣକୁ ସାହାଯ୍ୟ କରିବା । ଭିନ୍ନକ୍ଷମ ଓକିଲ ତରୁଣ ଓ ଦୁଇ ଜଣ ଓକିଲ ବାରଣ୍ଡାରେ ଥିବା ବ୍ୟକ୍ତି ଜଣକ ପାଖକୁ ଯାଇ ପଚାରିବୁଝିଥିଲେ । ବ୍ୟକ୍ତି ଜଣକ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଘରମହୁଲି ଗ୍ରାମ ର ଖୁସିରାମ ମାଝୀ । ତାଙ୍କ ବାପା ମା ଆର ପାରିକୁ ଚାଲିଯିବା ପରେ ଅନ୍ୟ  ଭାଇ ଭାଉଜ ମାନେ ଖାଇବାକୁ ନ ଦେବାରୁ ଖୁସିରାମ   ଘରଛାଡି ଚାଳି ଚାଳି ଭୋକ ଉପାସରେ ପାଟଣାଗଡ଼ ଆସି କୋର୍ଟ ବାରଣ୍ଡାରେ ଆଶ୍ରୟ ନେଇଥିବା ଖୁସିରାମ କାନ୍ଦି କାନ୍ଦି  ପ୍ରକାଶ କରିଥିଲେ । ଅସହାୟ ଖୁସିରାମ ଙ୍କ କଥା ଭିନ୍ନକ୍ଷମ ଓକିଲ ତରୁଣ ଓ ଦୁଇ ସହଯୋଗୀ ଓକିଲ ତୁରନ୍ତ ଉପଜିଲ୍ଲାପାଳ ଡ଼.ବିଜୟା ନନ୍ଦ ସେଠୀ ଭେଟି ଦୃଷ୍ଟି ଆକର୍ଷଣ କରିଥିଲେ । ପରେ ଉପଜିଲ୍ଲାପାଳ ଡ଼ ସେଠୀ ତୁରନ୍ତ ସହଯୋଗ ର ହାତ ବଢାଇ ତାଙ୍କର ଅଧସ୍ତନ ଅଧିକାରୀଙ୍କୁ  ଭେଟ କରିବାକୁ ନିର୍ଦ୍ଦେଶ ଦେବା ସହିତ ଅସହାୟ ଖୁସିରାମ ଙ୍କୁ ସାହାଯ୍ୟ ସହଯୋଗ ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ । ଉପଜିଲ୍ଲାପାଳ ଡ଼ ବିଜୟା ନନ୍ଦ ସେଠୀ ଙ୍କୁ ଓକିଲ ତରୁଣ ଓ ଦୁଇ ସହଯୋଗୀ ଓକିଲ ଙ୍କ ପକ୍ଷରୁ ଭୂୟସୀ ପ୍ରଶଂସା କରିଥିବା ବେଳେ ଅସହାୟ ଗରିବ , ନିରାଶ୍ରୟ , ତଥା ଅନ୍ୟ ର ଦୁଃଖ ରେ ଦୁଃଖି ହୋଇ ସହାୟତା ର ହାତ ବଢାଇଲେ ସମାଜ ରେ ଥିବା ଅନେକ ଅସହାୟ ଲୋକଙ୍କ ମୁହଁରେ ହସ ଫୁଟେଇ ପାରିବ ବୋଲି ନିବେଦନ କରିଛନ୍ତି । ଭିନ୍ନକ୍ଷମ ଓକିଲ ତରୁଣ ସମାଜ ପାଇଁ ଏକ ଉଦାହରଣ ପାଲଟିଥିବା ବେଳେ ଦୁଇ ସହଯୋଗୀ ଓକିଲ ଙ୍କ ଏପରି ମହତ୍ କାର୍ଯ୍ୟ ପାଇଁ  ବିଭିନ୍ନ ମହଲରେ ପ୍ରଶଂସା କରାଯାଇଛି ।