07-Jun-2022

 ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ର ଉଫୁଲା ଗ୍ରାମ ଠାରେ ମାଁ ମାହେଶ୍ୱରୀ ଙ୍କ ବିଗ୍ରହ ସହ ମନ୍ଦିର ପ୍ରତିଷ୍ଠା ଉତ୍ସବ ଅବସରରେ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି।‌  ସକାଳୁ ବୀରମହାରାଜପୁର ସ୍ଥିତ ରଜାଦନ୍ଧ( ପୋଖରୀ ) ନିକଟରେ ଗଙ୍ଗା ମାତାଙ୍କୁ ଆବାହନ କରି ରୀତିନୀତି ଅନୁସାରେ ପୂଜାର୍ଚ୍ଚନା କରି ଏକ ଆଧ୍ୟାତ୍ମିକ ପରିବେଶରେ  ଶତାଧିକ ମହିଳା ପୁରୁଷ ଏକ ଶୋଭାଯାତ୍ରାରେ ବାହାରି ସହର ପରିକ୍ରମା କରିବା ସହ ନାମ ମଣ୍ଡପ ଠାରେ ସ୍ଥାପନା କରିଥିଲେ। ଏଥିରେ ପୂଜକ ସୀତାରାମ ପାଢ଼ୀ ପୂଜା କାର୍ଯ୍ୟ

ତୁଲାଉଥିବା ବେଳେ ନାମ ମଣ୍ଡପ ଠାରେ ଆଲୋକ ହୋତା ସହଧର୍ମିଣୀ କର୍ତ୍ତା ଦାଇତ୍ୱ ତୁଲାଉଛନ୍ତି।‌ ସେହିପରି ଯଜ୍ଞ ମଣ୍ଡପ ଠାରେ ଗିରିଧାରୀ ହୋତା ସହଧର୍ମିଣୀ କର୍ତ୍ତା ଦାଇତ୍ୱ ତୁଲାଇଥିବା ବେଳେ ଗ୍ରାମବାସି ସହଯୋଗ କରୁଛନ୍ତି। ଏହି ଅବସରରେ ଆସନ୍ତା କାଲି ଠାରୁ ୨୪ ପ୍ରହରୀ ନାମଯଜ୍ଞ ଅନୁଷ୍ଠିତ ହେବା ସହ   ଚାରିଦିନ ଧରି ମିନାବଜାର ସାଙ୍ଗକୁ  ସାଂସ୍କୃତିକ କାର୍ଯ୍ୟକ୍ରମ ସହ ବିଭିନ୍ନ ପୁରାଣ ପଠନ କାର୍ଯ୍ୟକ୍ରମ ରହିଛି।