06-Jun-2022

ବରଗଡ଼:-ପରିବେଶ ସୁରକ୍ଷା ଏକ ନାର ନୁହେଁ ଏହା ଏକ ସଂକଳ୍ପ । ପ୍ରତି ମଣିଷ ଯିଏ ନିଜ ଗାଁ କୁ ଭଲ ପାଏ, ନିଜ ଦେଶକୁ ଭଲ ପାଏ, ଏ ସୁନ୍ଦର ପୃଥିବୀକୁ ଭଲ ପାଏ ସିଏ ନିଜ ପରିବେଶର ସୁରକ୍ଷା ପାଇଁ ସଦାବେଳେ ଯତ୍ନବାନ ରୁହେ । ଏ ଦୃଶ୍ୟ ଏହା ହିଁ ପ୍ରମାଣ କରୁଛି ଯେ ପରିବେଶ ସୁନ୍ଦର ରହିଲେ ଆମେ ସୁସ୍ଥ ରହିବା । ଏଥିପାଇଁ ଆମକୁ ନିଜ ଗାଁ କୁ ସଫା ରଖିବାକୁ ହେବ ।  ନିଜ କର୍ମଚାରୀ ଓ ପଞ୍ଚାୟତର ପ୍ରତିନିଧି ମାନଙ୍କ ସହ ମିଶି ଗାଁ ସଫେଇରେ ଲାଗିଥିବା ଗାଇସିଲେଟ ବ୍ଲକ ବିଡ଼ିଓ ପ୍ରବୀଣ କୁମାର ବାଣୁଆ ସମାଜକୁ ଏକ ନୂଆ ସନ୍ଦେଶ ପ୍ରଦାନ କରିଛନ୍ତି । ବିଶ୍ୱପରିବେଶ ଦିବସକୁ ସାରା ଭାରତ ବର୍ଷରେ ପାଳନ କରାଯାଇଥିବାବେଳେ ଗାଇସିଲେଟ ବ୍ଲକ ରେ ବିଡ଼ିଓ ପ୍ରବୀଣ କୁମାର ବାଣୁଆଙ୍କ ନିର୍ଦ୍ଧେଶ କ୍ରମେ ବ୍ଲକର ୧୯ ଟି ଗ୍ରାମପଞ୍ଚାୟତରେ ସମସ୍ତ ପଞ୍ଚାୟତ ପ୍ରତିନିଧି ଏବଂ ବ୍ଲକ କର୍ମଚାରୀ ମାନେ ସାମିଲ ହୋଇ ଗାଁ ଓ ପଞ୍ଚାୟତ

ସଫାକରି ଏକ ନିଆରା ଭାବରେ ଏହାକୁ ପାଳନ କରିଛନ୍ତି । କଟାବାହାଲ ସରପଞ୍ଚ ଅର୍ପିତା ପଣ୍ଡାଙ୍କ ନେତୃତ୍ୱରେ ମଧ୍ୟ ସମସ୍ତ ଗ୍ରାମ ପଞ୍ଚାୟତ ପ୍ରତିନିଧି ତଥା ନାଏବ ସରପଞ୍ଚ ଏବଂ ୱାର୍ଡ ସଭ୍ୟ ସଭ୍ୟା ସ୍ୱୟଂ ସହାୟିକା ଗୋଷ୍ଠୀର ମହିଳା ଏବଂ ଅଙ୍ଗନୱାଡ଼ି କର୍ମୀ ଆଶା ଦିଦି ଏବଂ ବିଭିନ୍ନ ସ୍ଵେଚ୍ଛାସେବୀ ମାନେ ଯୋଗ ଦେଇ ଏକ ପରିତ୍ୟକ୍ତ ପୋଖରୀକୁ ସଫା କରିଥିଲେ । ଏଭଳି ମହତ କାମ ଦେଖି ଗ୍ରାମବାସୀ ବେଶ ପ୍ରଶଂସା କରିଥିଲେ । ଏହି କାର୍ଯ୍ୟକ୍ରମରେ କନିଷ୍ଟ ଯନ୍ତ୍ରୀ ବିକାଶ ବାବୁ,ଜିଆରଏସ ରୀନା ପାଣ୍ଡେ ମଧ୍ୟ ଯୋଗ ଦେଇଥିଲେ