01-Oct-2020

ନୟାଗଡ,(Pradeep Panda)- ଖଣ୍ଡପଡା ନୟାଗଡ ଜିଲ୍ଲାର ୮ ଟି ବ୍ଲକ ମଧ୍ୟରୁ ୩ ଟିବ୍ଲକ ରେ ଅଙ୍ଗନବାଡି ଶିକ୍ଷାର୍ଥୀ ଙ୍କ ପୋଷାକ କିଣାରେ ବ୍ୟାପକ ଦୁର୍ନୀତି ଅଭିଯୋଗ ଆଣିଛନ୍ତି ଅଙ୍ଗନବାଡି କର୍ମଚାରୀ ସଂଘ |ସୂଚନା ଅନୁଯାଇ ବିଜୁ ଶ୍ରମିକ ସାମ୍ମୁଖ୍ୟ ସହିତ ସହବନ୍ଧିତ ଅଙ୍ଗନବାଡି କର୍ମୀ ଏବଂ ସହାୟିକା ସାମ୍ମୁଖ୍ୟ ଜିଲ୍ଲା କର୍ମୀ ଙ୍କ ଏକ ଜରୁରୀ ବୈଠକ ଜିଲ୍ଲା ମୁଖ୍ୟ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି |ଅଙ୍ଗନବାଡି ସଭାନେତ୍ରୀ ଜ୍ୟୋସ୍ନାମୟୀ ପଣ୍ଡା ଙ୍କ ସଭାପତିତ୍ୱ ରେ ରାଜ୍ୟ ବିଜୁ ଶ୍ରମିକ ସାମ୍ମୁଖ୍ୟରେ ସହ ସମ୍ପାଦକ ଶ୍ରୀକାନ୍ତ ପଟ୍ଟନାୟକ ପ୍ରମୁଖ ଉକ୍ତ ବୈଠକରେ ଯୋଗଦେଇ ବିଭିନ୍ନ ସମସ୍ୟା ବିଷୟରେ ତର୍ଜମା କରାଯାଇଥିଲା |ମୁଖ୍ୟ ପ୍ରସଙ୍ଗ ଭାବେ ପୋଷାକ ଦୁର୍ନୀତି ଅଭିଯୋଗରେ ସିଡିପିଓ ଏବଂ ସୁପରଭାଇଜର ଙ୍କ ଉପରେ ଅଙ୍ଗୁଳି ନିର୍ଦେଶ ହୋଇଛି ଅଙ୍ଗନବାଡି କର୍ମଚାରୀ ସଂଘ ତରଫରୁ |ପ୍ରକାଶ ଥାଉକି ନୟାଗଡ ଜିଲ୍ଲାର ୮ ଟି ବ୍ଲକ ମଧ୍ୟରୁ ୫ ଟି ବ୍ଲକରେ ପ୍ରାଥମିକ ବିଦ୍ୟାଳୟ ଶିକ୍ଷାର୍ଥୀଙ୍କ ପୋଷାକ କିଣିବା ପାଇଁ ଅଙ୍ଗନବାଡି କର୍ମୀଙ୍କୁ ଦାୟିତ୍ୱ ଦିଆଯାଇଥିବା ବେଳେ ୩ ବ୍ଲକରେ ପୋଷାକ ସିଲାଇକରି ଯୋଗାଣ କରିବା ପାଇଁ ସ୍ୱୟଂ ସହାୟକ ଗୋଷ୍ଠୀ କୁ ନିର୍ଦେଶ ଦିଆ ଯାଇଛି |ଖଣ୍ଡପଡା, ଦଶପଲ୍ଲା ଏବଂ ଓଡଗାଁ ବ୍ଲକର ଟେଣ୍ଡର ନେଇଥିବା ସ୍ୱୟଂ ସହାୟକ ଗୋଷ୍ଠୀ ପୋଷାକ ସିଲେଇ ନ କରି ଶସ୍ତା ପୋଷାକ ବାହାରୁ କିଣି ଯୋଗାଣ କରୁଥିବା ଦୁର୍ନୀତି ବିରୁଦ୍ଧରେ ଅଙ୍ଗନବାଡି କର୍ମଚାରୀ ସଂଘ ଅଭିଯୋଗ ବାଢ଼ିଛନ୍ତି |ସ୍ୱୟଂ ସହାୟିକା ଗୋଷ୍ଠି ଗୁଡିକ ସିଡିପିଓ ଏବଂ ସୁପରଭାଇଜର ଙ୍କ ସହଯୋଗରେ କେତେକ ସିଲାଇ ମେସିନ ରଖି ପୋଷାକ ସିଲାଇ ର ଫୋଟୋ ଉତ୍ତୋଳନ କରି ସରକାରୀ ଅର୍ଥ ର ଆତ୍ମସାତ କରୁଛନ୍ତି | ସୁପରଭାଇଜର ମାନେ ଦୀର୍ଘ ଦିନ ଧରି ଗୋଟିଏ ଅଞ୍ଚଳ ରେ ରହି ଦୁର୍ନୀତି କୁ ଆପଣାଇ ନେଇଥିବା ନେଇ ବୁଦ୍ଧିଯିବି  ମହଲ ରେ ଚର୍ଚ୍ଚା ହେଉଛି | ଜିଲ୍ଲା କମିଟି ଏ ସବୁ ଅଭିଯୋଗ ନେଇ ସମାଜ ମଙ୍ଗଳ ଅଧିକାରୀ ଙ୍କୁ ଦାବି ପତ୍ର ଦାଖଲ କରିଛନ୍ତି ଯେ ଏହାର ଉପଯୁକ୍ତ ତଦନ୍ତ କରାଯାଇ ଦୃଢ କାର୍ଯ୍ୟାନୁଷ୍ଠାନ ନିଆଯାଉ