04-Jun-2022

ସୁବର୍ଣ୍ଣପୁର -  ବହୁ ପ୍ରତୀକ୍ଷିତ ସୁବର୍ଣ୍ଣପୁରର ଶୀତଳଷଷ୍ଠୀ ଯାତ୍ରା ଚଳିତ ବର୍ଷ  ୬ ତାରିଖ ପର୍ଯ୍ୟନ୍ତ ଅତ୍ୟନ୍ତ ଆନନ୍ଦ ଉଲ୍ଲାସର ସହ ପାଳନ କରାଯାଉଛ ।ଏଥିପାଇଁ ଇଷ୍ଟଦେବ ବାବା ସୁବର୍ଣ୍ଣମେରୁ ଓ ଜଗତଜନନୀ ମାତା ପାର୍ବତୀବିବାହ ଉତ୍ସବକୁ ସମସ୍ତ ରୀତିନୀତି ସହ ପାଳନ ପାଇଁ  ମହା ଆଡମ୍ବରରେ ମହାପ୍ରଭୁ ସୁବର୍ଣମେରୁ ବାବାଙ୍କ ବାରନୁଗମନ ଆରମ୍ଭ  ହୋଇ ଯାଇଛି l ଶୀତଳଷଷ୍ଠୀ ଯାତ୍ରା  କମିଟି ପକ୍ଷରୁ ସମସ୍ତ ଆନୁସଙ୍ଗିକ କାର୍ଯ୍ୟକ୍ରମର ପ୍ରସ୍ତୁତି ସହ ବରପିତାମାତାଙ୍କ ପ୍ରତିନିଧି ଭାବରେ ବଡ଼ବଜାର ଦୁର୍ଗାମଣ୍ଡପ ସ୍ଥିତ ସନ୍ତୋଷ କୁମାର ମେହେର ଓ ଜ୍ୟୋସ୍ନାମୟୀ ମେହେର ଦାୟିତ୍ୱ ନିର୍ବାହ କରୁଥିବା ବେଳେ କନ୍ୟାପିତା ମାତାଙ୍କ ପ୍ରତିନିଧି ସ୍ୱରୂପ ରେ ଭଗବତୀ ପ୍ଲଟସ୍ଥିତ କୃଷ୍ଣଚନ୍ଦ୍ର ମେହେର ଓ ଜାନକୀ ମେହେର ଦାୟିତ୍ୱ ନିଭେଇ ପ୍ରଭୁ ଙ୍କ ଆଶୀର୍ବାଦ ଲାଭ କରିଛନ୍ତି l ଏଥିପାଇଁ ଉଭୟ କୈଳାସପୁରୀ ଓ ହିମାଦ୍ରୀନଗରୀ  ସମେତ ସାରା ସହର  ଚଳ ଚଞ୍ଚଳ ହୋଇ ଉଠିଛି l  ପ୍ରଭୁଙ୍କ ବରାତ  ଓ ଆଜି  ଉମା  ଏଣ୍ଡ ସାଥି ମେଲୋଡି  ନାଚଗୀତ କାର୍ଯ୍ୟକ୍ରମକୁ ଉପଭୋଗ କରିବା ପାଇଁ ସହର ରେ ଓ ଭଗବତୀ ପ୍ଲଟ ହିମାଦ୍ରୀ ନଗରରେ   ୧୦/୧୫  ହଜାରରୁ ଅଧିକ ଦର୍ଶକ  ଭିଡ଼ ଜମାଇଛନ୍ତି l ଆଜିର ଏହି ସାଂସ୍କୃତିକ କାର୍ଯ୍ୟକ୍ରମକୁ ସୁବର୍ଣ୍ଣପୁର ଏସ ପି  ଶ୍ରୀ ଅମରେଶ ପଣ୍ଡା ଶୁଭ ଉଦଘାଟନ କରି  ସୁବର୍ଣ୍ଣପୁରର ଐତିହ ସଂସ୍କୃତି ଓ ଏ ଯାତ୍ରାର ବିଶେଷତ୍ୱକୁ

ଭୁରି ଭୁରି ପ୍ରଶଂସା କରି ଆମେ ଶାନ୍ତି ଓ ସୁସ୍ଥରେ ବଞ୍ଚିବା ପାଇଁ ବୃକ୍ଷରୋପଣ ଓ ପରିବେଶର ଯତ୍ନ  ନେବା ନିହାତି ଜରୁରୀ ବୋଲିମତ ରଖି ଥିଲେ l  ସମ୍ମାନିତ ଅତିଥି ଭାବେ  ପୌର ପରିଷଦ ଅଧ୍ୟକ୍ଷା ଶ୍ରୀମତୀ ତାମସୀ ତମସ୍ୱୀତା ନାଏକ, ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଶୁଭ୍ରାଂଶୁ ରୁତ, ପ୍ରାକ୍ତନ ପୌର ଅଧ୍ୟକ୍ଷା ପ୍ରକାଶ ସାହୁ, ଭଗବତୀ ପାଠାଗାର ଉପଦେଷ୍ଟା କୃଷ୍ଣ ଚନ୍ଦ୍ର ମେହେର, ବ୍ରିଜ ମହୋନ ଅଗ୍ରୱାଲ, ନନ୍ଦ କିଶୋର ତ୍ରିପାଠୀ, ଭୀଷ୍ମ ମୁନି, ସଭାପତି ନାରାୟଣ ରଥ, ସମ୍ପାଦକ ଧୀରେନ୍ଦ୍ର ମେହେର,  ଯୋଗ ଦେଇ ପ୍ରଭୁଙ୍କ ଯାତ୍ରାର ବିଶେଷତ୍ୱ ଉପରେ ମତ ରଖି ଦର୍ଶକକୁ ଉତ୍ସାହିତ କରିଥିଲେ l  ମଞ୍ଚରେ ସମସ୍ତ ଅତିଥି ଙ୍କୁ  ସ୍ୱାଗତ ସମ୍ବର୍ଦ୍ଧନା କରାଯାଇଥିଲା l ସଭା କାର୍ଯ୍ୟ କୁ ମନୋରଞ୍ଜନ ତ୍ରିପାଠୀ ଓ ବିଜୟିନୀ ରଥ ସଂଯୋଜନା କରିଥିବା ବେଳେ ସମ୍ପାଦକ ଧୀରେନ୍ଦ୍ର ମେହେର ଧନ୍ୟବାଦ ଅର୍ପଣ କରିଥିଲେ l  ଏବର୍ଷ ପ୍ରଥମ ଥର ପାଇଁ  ସ୍ଥାନୀୟ ଭଗବତୀ ପାଠାଗାରର  ଯୁବ ସଂଗଠନ  ଓ ହିମାଦ୍ରୀ ନଗର କନ୍ୟା ପିତା ପରିବାରଙ୍କ ସମସ୍ତ ସହଯୋଗରେ  ଶୀତଳ ଷଷ୍ଠୀ ଯାତ୍ରା ଉପଲକ୍ଷେ  ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ର ଆୟୋଜନ କରାଯାଇଛି l  ଯାତ୍ରାର ଶାନ୍ତିଶୃଙ୍ଖଳା ପାଇଁ  ଏସପି  ଙ୍କ  ପ୍ରତ୍ୟକ୍ଷ ତତ୍ୱାବଧାନ ପୋଲିସ ପ୍ରଶାସନ ପକ୍ଷରୁ କଡା ସୁରକ୍ଷାର ବ୍ୟବସ୍ଥା କରାଯାଇଛି l