04-Jun-2022

ବିନିକା(ହିମାଂଶୁ ଶେଖର ପୁଟେଲ) ଆଜି ଶନିବାର ସୁବର୍ଣ୍ଣପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ଓ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ଼ଃ ରାଧାକାନ୍ତ ଗଡ଼ତ୍ୟା ଅଚାନକ ଭାବରେ ବିନିକା ବ୍ଳକ ଗସ୍ତରେ ଆସି ବିଭିନ୍ନ ସ୍କୁଲ ପରିଦର୍ଶନ କରିବା ସହ କାର୍ଯ୍ୟରେ ଅବହେଳା ଓ ଅନୁପସ୍ଥିତ ରହୁଥିବା ଯୋଗୁଁ ୧୨ଜଣଙ୍କ ଦରମା ବନ୍ଦ କରିଥିବା ବେଳେ କର୍ତ୍ୟବ୍ୟରେ ଅବହେଳା କରୁଥିବା ୨୨ଜଣ ଶିକ୍ଷକଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି ।ମିଳିଥିବା ସୂଚନା ଅନୁସାରେ କର୍ତଙ୍ଗ ୟୂପି ସ୍କୁଲର ୨ଜଣ ଶିକ୍ଷକ,ସଂସାମୁରା ପ୍ରାଇମେରି ସ୍କୁଲର ୨ଜଣ,ମହାଦେବପାଲି ୟୁପି ସ୍କୁଲର ୪ଜଣ ଓ ବିନିକା ଗୋଷ୍ଟି ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ କାର୍ଯ୍ୟରତ ୪ଜଣ କର୍ମଚାରୀଙ୍କ ଦରମା ବନ୍ଦ  କରାଯାଇଛି ।ସେହିପରି ଠିକ ଭାବରେ ସ୍କୁଲକୁ ଆସୁନଥିବା ଓ କର୍ତ୍ତବ୍ୟ ସମ୍ପାଦନରେ ଅବହେଳା କରୁଥିବାରୁ ବିନିକା ଏନଏସି ଭମରପାଲି ୟୁପି ସ୍କୁଲର ୪ଜଣ ଶିକ୍ଷକ,ଫୁଲମୁଠି ପ୍ରାଇମେରି ସ୍କୁଲର ୩ଜଣ,ଶଙ୍କରା ହାଇସ୍କୁଲର ୧୨ଜଣ,ଚରଦା ୟୁପି ସ୍କୁଲର ୪ଜଣ ଶିକ୍ଷକଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଥିବା ଜଣାପଡିଛି । ସ୍କୁଲ ଗସ୍ତବେଳେ ଉଭୟ ଅଧିକାରୀ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କୁ ପାଠ ପଡ଼ା ଉପରେ ସଂପୃକ୍ତ ଦାୟିତ୍ୱରେ ଥିବା ଶିକ୍ଷକ ମାନେ ଠିକ ଭାବରେ ପଢାଉଛନ୍ତି କି ନାହିଁ ପଚାରି ବୁଝିଥିଲେ ।