04-Jun-2022

ଧର୍ମଗଡ଼ (ଜ୍ୟୋତିରଞ୍ଜନ ବେମାଲ )
ଭୁଶୁଡ଼ି ପଡ଼ିଛି ଶିକ୍ଷା ବ୍ୟବସ୍ଥା,ନାହିଁ ନାହିଁ ରେ ଚାଲିଛି ଶିକ୍ଷାଦାନ ।ବିଦ୍ୟାଳୟରେ ନାହାନ୍ତି ଆବଶ୍ୟକ ଶିକ୍ଷକ , ଚାରିଶହ ପଚିଶ ଜଣ ଛାତ୍ର ଛାତ୍ରୀ ଙ୍କୁ ଛଅ ଜଣ ଶିକ୍ଷକ ଶିକ୍ଷୟତ୍ରୀ । ଶିକ୍ଷାଦାନ ସହ ଅନ୍ୟାନ୍ୟ କାର୍ଯ୍ୟରେ ନିୟୋଜନ କରାଯାଉଛି ଶିକ୍ଷକ କୁ ,ଫଳରେ ଶିକ୍ଷାଦାନ ରେ  ବ୍ୟାଘାତ ସୃଷ୍ଠିଭେଉଛି , ଏଭଳି ଅଭିଯୋଗ ନେଇ ଆଜି ଧର୍ମଗଡ଼ ଗୋଷ୍ଠୀ ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଲେ ବେହେରା ଗୁଡ଼ା ଗ୍ରାମବାସୀ । ଅଭିଯୋଗ ଅନୁଯାୟୀ
ଚାରିଶହ ପଚିଶ ଜଣ ଛାତ୍ର ଛାତ୍ରୀ ଙ୍କୁ   କେବଳ ଛଅ ଜଣ ଶିକ୍ଷକ ଶିକ୍ଷୟିତ୍ରୀ ନିୟୋଜିତ ଅଛନ୍ତି ।ପ୍ରାଥମିକ ସ୍ତରରେ ଦୁଇଶହ ଚାଳିଶ ଜଣ ଓ ଉଚ୍ଚ ପ୍ରାଥମିକ ସ୍ତରରେ  ଏକସହପଞ୍ଚାଅସି ଜଣ ଛାତ୍ର ଛାତ୍ରୀ ଅଧ୍ୟୟନ କରୁଛନ୍ତି । କିନ୍ତୁ ଏଠି ଆବଶ୍ୟକ ଶିକ୍ଷକ ଶିକ୍ଷୟତ୍ରୀ ନ ଥିବା ଯୋଗୁଁ ଛାତ୍ର ଛାତ୍ରୀ  ଉପଯୁକ୍ତ ଶିକ୍ଷାଦାନ ପାଇବାରୁ ବଞ୍ଚିତ ହେଉଛନ୍ତି ।  ଓ ତାଙ୍କ ଭବିଷ୍ୟତ  ଅନ୍ଧାର ମୁହଁ କୁ ଠେଲି ହୋଇ ଯାଉଛି, ବାରମ୍ବାର ଆବଶ୍ୟକ ଶିକ୍ଷକ ଯୋଗାଇବା ପାଇଁ ପ୍ରଶାସନ କୁ ଜଣାଇ ଛନ୍ତି କିନ୍ତୁ କୌଣସି  ସୁଫଳ ମିଳିନାହିଁ ବୋଲି ପ୍ରକାଶ କରିଛନ୍ତି ଗ୍ରାମବାସୀ ।  ଯଥାଶୀଘ୍ର ଆବଶ୍ୟକ ଶିକ୍ଷକ ଓ ଅନ୍ୟ ବିଦ୍ୟାଳୟରେ ନିୟୋଜିତ କରାଯାଇଥିବା  ଚାରି ଜଣ ଶିକ୍ଷକ କୁ ଫେରାଇ ଆଣିବାପାଇଁ ତାଙ୍କ ଦାବି ତ୍ର ରେ ଉଲ୍ଲେଖ କରିଛନ୍ତି ନ ହେଲେ ଆଗାମୀ ଦିନରେ ସ୍କୁଲ ରେ ତାଲାବନ୍ଦ ଆନ୍ଦୋଳନ କରାଯିବା ସହ ରାଜରାସ୍ତାକୁ ଓହ୍ଲାଇବା ପାଇଁ ମଧ୍ୟ ପ୍ରଶାସନକୁ ଚେତାବନୀ ଦେଇଛନ୍ତି ।ଧାରଣା ସ୍ଥଳରେ ଗୋଷ୍ଠୀ ଶିକ୍ଷା ଅଧିକାରୀ ପହଞ୍ଚି ଆସନ୍ତା ଜୁଲାଇ ମାସ ସୁଧା ଦାବି ପୂରଣ କରାଯିବ ବୋଲି ପ୍ରତିଶ୍ରୁତି ଦେଇ ଛନ୍ତି ।