04-Jun-2022

ବଲାଙ୍ଗିର (ପ୍ରେରଣା ଖବର) :ବଲାଙ୍ଗୀର ଠାରେ ଶ୍ରୀ ଶିବ ବିବାହ ଉତ୍ସବ ପାଳିତ ହୋଇଯାଇଛି। ଗତକାଲି  ଜୈଷ୍ଠ ଶୁକ୍ଳ ପକ୍ଷ ପଞ୍ଚମୀ ମାତା ପାର୍ବତୀଙ୍କ ସହିତ ବାବା ଚନ୍ଦ୍ରଶେଖରଙ୍କ ବିବାହ ଉତ୍ସବ ପାଳିତ ହୋଇଯାଇଛି। ସଂଧ୍ୟା ୭ ଟା ମଧ୍ୟରେ ବରାନୁଗମନ ଓ ରାତ୍ରି ୧୨ଟା ୪୬ ମିନିଟ୍ ରେ ମାତା ପାର୍ବତୀ ଏବଂ ଚନ୍ଦ୍ର ଶେଖର ବାବାଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥିଲା। ବରପକ୍ଷ ଭାବରେ କଂସାରୀ ପଡା ପୂଜା କମିଟିର ସୁବାସ ଚନ୍ଦ୍ର ସାହୁ ତଥା ସବିତା ସାହୁ ରହିଥିବା ବେଳେ କନିଆଁ ପକ୍ଷ ରାଧାରାଣୀ ପଡା ଅମିତ୍ ଗର୍ଗ ତଥା ରିତୁ ଗର୍ଗ ରହିଥିଲେ ଏହି ବିବାହ ଉତ୍ସବର ବଶମ୍ବଦ ଭାବରେ ସ୍ୱର୍ଗତ ବିରବଲ ପ୍ରସାଦ ଅଗ୍ରୱାଲ୍ ଓ ପଦ୍ମାଦେବୀ ଅଗ୍ରୱାଲ୍ ରହିଥିଲେ।ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ବରାନୁଗମନ ସମୟରେ। ଆସନ୍ତା କାଲି ତା ୬,୬୨୦୨୦ ପ୍ରାତଃ ୫ଟା ୧୫ମିନିଟ୍ ରେ ଶୀତଳ ଷଷ୍ଠୀ ଯାତ୍ରା ସହ ମାତା ପାର୍ବତୀ ଓ ବାବା ଚନ୍ଦ୍ରଶେଖରଙ୍କ ବିଦାୟ ସମାରୋହ କାର୍ଯ୍ୟକ୍ରମ ରହିଥିବା ଜଣାପଡିଛି। ହଜାର ହଜାର ଭକ୍ତଙ୍କ ଗହଣରେ ଏହି ଉତ୍ସବକୁ ଲୋକେ ଉପଭୋଗ କରୁଥିଲେ।