02-Jun-2022

ବିନିକା(ହିମାଂଶୁ ଶେଖର ପୁଟେଲ) ବହୁ ଦିନର ନିରବତା ପରେ ପୁଣି ଡିକି ଚୋର ସକ୍ରିୟ ହୋଇ ପଡିଛନ୍ତି ।ବର୍ତମାନ ରବି ଋତୁର ଧାନ ଟଙ୍କା ବିଭିନ୍ନ ବ୍ୟାଙ୍କ ମାନଙ୍କରେ ଜମା ହେଉଥିବା ଓ ଚାଷୀ ସେହି ଟଙ୍କାକୁ ଉଠାଇବା ପାଇଁ ବ୍ୟାଙ୍କକୁ ଆସୁଥିବା ବେଳେ ଡିକି ଚୋର ସେମାନଙ୍କୁ ନଜର କରି କୁଆଡେ ସଫଳ ହେଉଥିବା ସାଧାରଣରେ ଚର୍ଚା ଜୋର ଧରିଛି । ଯାର ଜ୍ୱଳନ୍ତ ଉଦାହରଣ ହେଲା ଜଣେ ଚାଷୀ ବ୍ୟାଙ୍କରୁ ଟଙ୍କା କାଡି ନିଜ ବାଇକରେ ରଖିବାର କିଛି ସମୟ ପରେ ସେହି ଟଙ୍କା ଆଖି ପିଛୁଲାଜେ ଉଭାନ ହେବା ଘଟଣା ସମସ୍ତଙ୍କୁ ଆଚମ୍ବିତ କରିଛି ।ଘଟଣାଟି ଘଟିଛି ବିନିକା ଷ୍ଟେଟ୍ ବ୍ୟାଙ୍କ ନିକଟରେ ।ଘଟଣାରୁ ପ୍ରକାଶ ଯେ ବିନିକା ବ୍ଳକ ବଲାରଙ୍ଗା ଗ୍ରାମର ଚାଷୀ ହାଡୁ ପ୍ରଧାନ ନିଜ କଷ୍ଟପାର୍ଯିତ ଅମଳ ଧାନ ବିକ୍ରି ୧ଲକ୍ଷ ଟଙ୍କା ବିନିକା ଷ୍ଟେଟ୍ ବ୍ୟାଙ୍କରୁ ଉଠାଇ ନିଜ ବାଇକ ଡିକିରେ ଭର୍ତ୍ତି ଲକ୍ କରି ନିକଟରେ ଥିବା ଠେଲାବାଲା ଦୋକାନରୁ ମୁଡି ଖାଇଥିଲେ ।ପରେ ଗାଡ଼ି ଧରି ପଞ୍ଜାବ ନ୍ୟାସନାଲ ବ୍ୟଙ୍କକୁ ଯାଇଥିଲେ ।ଗାଡ଼ି ଅଟକାଇ ଦେଖିବା ପରେ ଡିକି ଭଙ୍ଗା ଯାଇ ଡିକିରୁ ଟଙ୍କା ଓ ପାସବୁକ୍ ନଥିଲା । ଖୋଜା ଖୋଜି କରିଥିଲେ ମଧ୍ୟ ଆଉ ମିଳିନଥିଲା। ଶେଷରେ ଶ୍ରୀ ପ୍ରଧାନ ବିନିକା ଥାନାର ଦ୍ବାରସ୍ଥ ହୋଇ ଟଙ୍କା ଚୋରି ବିଷୟରେ ଅଭିଯୋଗ କରିଛନ୍ତି ।ପୋଲିସ ଏନେଇ ତଦନ୍ତ ଜାରି ରଖିଛି ।