02-Jun-2022

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଦୁର୍ଜନତୈଲା ପଞ୍ଚାୟତ ଅନ୍ତର୍ଗତ ମସିଣାପାଲି ସ୍ବାସ୍ଥ୍ୟ ଉପକେନ୍ଦ୍ରଠାରେ ମହିଲା ସ୍ବାସ୍ଥ୍ୟ କର୍ମୀ ଙ୍କ ଅନୁପସ୍ଥିତି ଯୋଗୁଁ ଗର୍ଭବତୀ ଓ ପ୍ରସୂତି ମହିଳା ମାନଙ୍କ ଟିକାକରଣ ହୋଇପାରିନଥିବା ଅଭିଯୋଗ ହୋଇଛି।‌ ସୂଚନା ଅନୁସାରେ, ଉକ୍ତ ସ୍ବାସ୍ଥ୍ୟ କେନ୍ଦ୍ର ରେ ପ୍ରତ୍ୟେକ ମାସ ପ୍ରଥମ ବୁଧବାର ଦିନ ଗର୍ଭବତୀ ଓ ପ୍ରସୂତି ମହିଳା ମାନଙ୍କ ସ୍ବାସ୍ଥ୍ୟ ପରୀକ୍ଷା କରିବା ସହ ଟିକାକରଣ କରାଯାଇଥାଏ। ଫଲରେ ଏହି କେନ୍ଦ୍ର କୁ ଟିକାକରଣ ପାଇଁ ସ୍ବାସ୍ଥ୍ୟ କର୍ମୀ ମିନତୀ ଋଣା ଦାଇତ୍ୱ ରେ ଥିବା ବେଳେ ସେ  କୈାଣସି ପୂର୍ବ ସୂଚନା ନଦେଇ ଅନୁପସ୍ଥିତ ରହିଥିବା ନେଇ ଟିକା ପାଇଁ ଆସିଥିବା ଗର୍ଭବତୀ ଓ ପ୍ରସୂତି ମହିଳା ମାନେ ଅଭିଯୋଗ କରିଛନ୍ତି। ଏହି କେନ୍ଦ୍ର କୁ  ମସିଣାପାଲି,ହୁତାପାଲି, ବ୍ରାହ୍ମଣୀପାଲି,ବରଘାଟଦାଦାର, ମସିଣାପାଲି ଜଙ୍ଗଲ, ଗୈାଘାଟ ଓ କୁଞ୍ଜାପାଲି ଆଦି ଗ୍ରାମର

ବହୁ ଗର୍ଭବତୀ ଓ ପ୍ରସୂତି ମହିଳା ଛୋଟ ଛୋଟ ଶିଶୁମାନଙ୍କୁ ନେଇ ଆସିଥିଲେ,  ସେଠାରେ ମଧ୍ୟାହ୍ନ ସମୟ ପର୍ଯ୍ୟନ୍ତ ପ୍ରଚଣ୍ଡ ଖରାରେ ଅପେକ୍ଷା କରିଥିଲେ। ଫଲରେ ମହିଳା ସ୍ବାସ୍ଥ୍ୟକର୍ମୀ ଶ୍ରୀମତୀ ଋଣା ନଆସିବାରୁ ସମସ୍ତେ ନିରାଶ ହୋଇ ଘରକୁ ଫେରିଥିଲେ। ଉକ୍ତ ସ୍ବାସ୍ଥ୍ୟ କର୍ମୀ ଜଣକ ବହୁବାର ନିଜ ଦାଇତ୍ୱ ରେ ଅବହେଳା କରି ଆସୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ପ୍ରତ୍ୟେକ ମାସ ମଙ୍ଗଳବାର ଓ ଶୁକ୍ରବାର ଦିନ ପ୍ରସୂତି ମାଁ ଓ ଶିଶୁ ମାନଙ୍କ ସ୍ବାସ୍ଥ୍ୟ ପରୀକ୍ଷା ଓ ଓଜନ କରାଯିବାର  ରହିଥିବା ବେଳେ ତାହା ମଧ୍ୟ ନିୟମିତ ଭାବେ କରାଯାଉନାହିଁ ବୋଲି ମହିଳା ମାନେ ଅଭିଯୋଗ କରିଛନ୍ତି। ଏନେଇ ମହିଳା ସ୍ବାସ୍ଥ୍ୟକର୍ମୀ ଙ୍କୁ ଯୋଗାଯୋଗ କରାଯିବାରୁ ସମ୍ଭବପର ହୋଇପାରିନଥିଲା। ଏଥି ପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେଇ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହେଉଛି।