02-Jun-2022

ବଲାଙ୍ଗିର (ଅନ୍ତର୍ଯ୍ୟାମୀ ସାହୁ): ଆଜି ବଲାଙ୍ଗିର ସର୍କିଟ ହାଉସ ଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଭାରତୀୟ ଜନତା ପାର୍ଟି ତରଫରୁ ଦେଶର ସାମୁହିକ ବିକାଶ ଓ ଜନ କଲ୍ଯାଣ ସମ୍ପର୍କିତ ଏକ ତଥ୍ୟଭିତ୍ତିକ କ୍ଷୁଦ୍ର ପୁସ୍ତିକା (ବ୍ରlଉଚର) ଉନ୍ମୋଚିତ ହୋଇଯାଇଛି l ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କେନ୍ଦ୍ରରେ ୮ ବର୍ଷର ଶାସକ ପୁର୍ତ୍ତୀ ଅବସରରେ ଉନ୍ମୋଚିତ ହୋଇଥିବା ଏହି ପୁସ୍ତକରେ କେନ୍ଦ୍ର ନେତୃତ୍ୱାଧୀନ ମୋଦୀ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ଓ ଓଡ଼ିଶାର ସାଧାରଣ ନାଗରିକଙ୍କ ପାଇଁ ପ୍ରଧାନମନ୍ତ୍ରୀଙ୍କ ଭିଜନ୍ ସମ୍ପର୍କରେ  ଉଲ୍ଲେଖ କରାଯାଇଛି l ଆଜି ଏକ ସ୍ଵତନ୍ତ୍ର ଉତ୍ସବରେ ମୁଖ୍ୟ ଅତିଥି ଭାବେ ବଲାଙ୍ଗିର ସାଂସଦ ସଙ୍ଗୀତା କୁମାରୀ ସିଂହଦେଓ ଯୋଗ ଦେଇ ଏହି ପୁସ୍ତକକୁ ଉନ୍ମୋଚନ.କରିଥିଲେ l
ମୋଦୀ ସରକାରଙ୍କ  ୮ ବର୍ଷର ଯାତ୍ରାରେ ଓଡ଼ିଶାର ଚାଷୀଙ୍କୁ ତାଙ୍କ ଅଧିକାର ଓ ସମ୍ମାନ ମିଳିଛି l ପ୍ରଧାନମନ୍ତ୍ରୀ ଆବାସ ଯୋଜନା ମାଧ୍ୟମରେ ଲକ୍ଷା ଲକ୍ଷ ଲୋକଙ୍କୁ ଘର ଯୋଗାଇ ଦିଆଯାଇଛି l ପି ଏମ୍ କିଷାନ ଯୋଜନା ମାଧ୍ୟମରେ ଚାଷୀ

ମାନଙ୍କୁ ଆର୍ଥିକ ସହାୟତା ପ୍ରଦାନ କରାଯାଉଛି l ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସବୁବେଳେ ଓଡ଼ଶା ପାଇଁ ସ୍ଵତନ୍ତ୍ର ଧ୍ୟାନ ଦେଇ ଆସିଛନ୍ତି ବୋଲି ସାଂସଦ ଶ୍ରୀମତୀ ସିଂହଦେଓ କହିଛନ୍ତି l  ଭାରତର ବିକାଶ ସମ୍ପର୍କିତ ଏହି ବ୍ରlଉଚରର ଉନ୍ମୋଚନ ଉତ୍ସବରେ ବିଜେପି ଜିଲ୍ଲା ସଭାପତି ଶିବାଜୀ ମହାନ୍ତି, ବଲାଙ୍ଗିର ଜିଲ୍ଲା ପ୍ରଭାରୀ ସୁରେଶ୍ୱର ସତପଥୀ ଓ  ବଲାଙ୍ଗିର ବିଜେପି ମିଡିଆ ସେଲ  ର ସଭାପତି ଦିନେଶ ଶର୍ମl ଯୋଗଦେଇ ସାମ୍ବାଦିକଙ୍କ  ମାନଙ୍କ ବିଭିନ୍ନ ପ୍ରଶ୍ନର ଉତ୍ତର ରଖି  ଥିଲେ l