01-Jun-2022

ସିନ୍ଧେକେଲା (ଅନିଲ କୁମାର ତ୍ରିପାଠି)
ବଲାଙ୍ଗୀର ଜିଲ୍ଲା ସିନ୍ଧେକେଲା ବନବିଭାଗ ତରଫରୁ ସିନ୍ଧେକେଲା ରୁ ବଙ୍ଗୋମୁଣ୍ଡା ଯାଉଥିବା ରାସ୍ତାରେ ପଡୁଥିବା ନିଶାନୀ ପାହାଡ ରେ ବନୀକରଣ ପାଇଁ ପ୍ରଥମ ଗାତ ଖୋଳି ନାରିକେଳ ସହ ପୁଜାକାର୍ଯ୍ଯ ସମ୍ପାଦନ କରି ଶୁଭାରମ୍ଭ ହୋଇଯାଇଛି। କାମ୍ପା ଯୋଜନାରେ  ୫ ହେକ୍ଟର ପାହାଡ ଜମିରେ ବିଭିନ୍ନ ପ୍ରକାରର ୫ ହଜାର ଗଛ ଲଗାଯିବାର ଲକ୍ଷ ରଖାଯାଇଥିବା ଜଣାପଡିଛି । ସିନ୍ଧେକେଲା ଫରେଷ୍ଟ ଗାର୍ଡ ସୁଧାଂଶୁ ପଣ୍ଡାଙ୍କ ତତ୍ତ୍ବାବଧାନ ରେ ହୋଇଥିବା ବନୀକରଣ ଶୁଭାରମ୍ଭ ରେ ମୁଖ୍ଯ ଅତିଥି ଭାବେ ସାମ୍ବାଦିକ ଅନିଲ କୁମାର ତ୍ରିପାଠୀ ଓ ସମ୍ମାନୀତ ଅତିଥି ଭାବେ ସିନ୍ଧେକେଲା ମାରୱାଡି ଯୁବାମଞ୍ଚର ସଭାପତି ସାୟର ଜୈନ ଯୋଗଦେଇ ଗାତ ଖୋଳି ଶୁଭ ଦେଇଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ଯରେ  ୱାଚର କପୁର୍ଚନ ରଣା , ଖରତ ମାଝୀ ପ୍ରମୁଖ ଉପସ୍ଥିତ ଥିଲେ। ଲଣ୍ଡା ହୋଇଯାଇଥିବା ନିଶାନୀ ପାହାଡରେ ବନୀକରଣ ପାଇଁ ବହୁ ବର୍ଷରୁ ଦାବୀ ହୋଇ ଆସୁଥିଲା। ତେଣୁ ଏଥିରେ ବନବିଭାଗ ବନୀକରଣ କାର୍ଯ୍ୟକ୍ରମ ହାତକୁ ନେଇ ଥିବାରୁ ସ୍ଥାନୀୟ ଲୋକେ ଜିଲ୍ଲା ବନ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ଏବଂ ସିନ୍ଧେକେଲା ବନାଞ୍ଚଳରେ ଆଗରୁ ହୋଇ ସାରିଥିବା ଓ ଏହି ବନୀକରଣ ପାଇଁ ପାଣୀର ବ୍ୟବସ୍ଥା କରିବା ପାଇଁ ଦାବୀ କରିଛନ୍ତି ।