24-May-2022

ବରଗଡ:-ଭେଡେନ ବ୍ଲକ ସହରାଟିକ୍ରା ମଣ୍ଡିରେ ୧୬ ତାରିଖରୁ ୭୦୦୦ ବସ୍ତା ଧାନ ପଡ଼ିଥିଲେ ମଧ୍ୟ କାହିଁକି ଧାନ କିଣା ଆରମ୍ଭ ହେଉନାହିଁ ? 
ଏହି ପ୍ରସଙ୍ଗ ବିଷୟରେ ଗତ ୨୦ ତାରିଖରେ କୃଷକ ସଙ୍ଗଠନ ର ସଦସ୍ୟ ମାନେ ଜିଲ୍ଲାପାଳ,ସି ଏସ,ଓ,ଏ ଆର ସି ଏସ ଭେଟି ୭୦୦୦ ବସ୍ତା ଧାନ ମଣ୍ଡି ରେ ପଡିଛି କାହିଁକି ଉଠୁନାହିଁ ପ୍ରଶ୍ନ କରିଥିଲେ ଏବଂ ଯଦି ଦୁଇ ଦିନ ମଧ୍ୟରେ ଧାନ ନ ଉଠିଲେ ରାସ୍ତା ରେ ଧାନ ପଡିବ ଚେତାବନୀ ଦେଇଥିଲେ।୨୧ ତାରିଖ ସବକଲେକ୍ଟର ମଣ୍ଡିକୁ ଆସି ତୁରନ୍ତ ଧାନ କିଣିବା ପାଇଁ ନିର୍ଦ୍ଦେଶ ଦେଇଥିଲେ ପରଦିନ ସି ଏସ ଓ ଆସି ଧାନ କିଣିବା ପାଇଁ ପ୍ରକ୍ରିୟା ଆରମ୍ଭ କରି ଥିଲେ।ରାଇସ ମିଲ ର ଗାଡି ଆସିଲା ନାହିଁ ପରବର୍ତ୍ତୀ ସମୟରେ ରାଇସମିଲ ଅଥରାଇଜ ଏଜେଣ୍ଟ ଦୁଇ କିଲୋ ଧାନ କମନ କଟିଙ୍ଗ ନ ଦେଲେ ଧାନ ଉଠିବ ନାହିଁ କି ଗାଡି ଆସିବ ନାହିଁ କହିବାରୁ ଚାଷୀ ମାନଙ୍କ ମଧ୍ୟରେ ପ୍ରବଳ ଅସନ୍ତୋଷ ଦେଖିବାକୁ ମିଳିଥିଲା।ଚାଷୀମାନଙ୍କର ଅସନ୍ତୋଷ କୁ ଦେଖି ମଣ୍ଡି ଧାନ ଗୁଣାତ୍ମକ ମାନ ନିର୍ଣ୍ଣୟ  କରିବା ପାଇଁ ସି ଆସ୍ ଓ ଅନାଲିସିସ କରିବା ପାଇଁ  ଯୋଗ୍ୟ କର୍ମଚାରୀ କୁ ଡାକିଥିଲେ ।ସେ ଜଣଙ୍କର ଧାନ ଚାରି ଘଣ୍ଟା ଯାଞ୍ଚ କଲା ପରେ ଏଫଏକ୍ୟୁ ଧାନ ବାହାରିବାରୁ ଚାଷୀମାନେ କଟନୀ ଛଟଣି ନ ଦେବା ପାଇଁ ଅଡି ବସିଥିଲେ ପରଦିନ ପୁଣି ଚାଷୀ ପ୍ରତିନିଧି, ଅଫିସର ଏବଂ ମିଲର ଏଜେଣ୍ଟ ମାନଙ୍କର ବୈଠକ ବସି ସର୍ବସମତ ନିଶ୍ଚିତି  ଅନୁସାରେ ଏଫଏକ୍ୟୁ ଧାନ ରେ କୌଣସି କଟନୀ ଛଟଣି ହେବ ନାହିଁ ପ୍ରତିଶ୍ରୁତି ପରେ ଧାନ ଉଠିଛି।ସ୍ଥାନୀୟ କୃଷକ ସଙ୍ଗଠନ ଯଦି ଆଲୋଚନା ର ଖିଲାପି ହେଲେ ରାସ୍ତା ରେ ଧାନ ପଡିବାର ଚେତାବନୀ ଦେଇଛନ୍ତି।