24-May-2022

ବଲାଙ୍ଗିର (ପ୍ରେରଣା ଖବର): ବଲାଙ୍ଗିର ସହର ଚିମନୀଭାଟି ପଡାର ଧର୍ମପରାୟଣା ମହିଳା ଭାଗ୍ୟବତୀ ମିଶ୍ରଙ୍କ ୭୮ ବର୍ଷ ବୟସରେ ପରଲୋକ ହୋଇଛି । ଗତ କିଛି ଦିନ ହେଲା ବାର୍ଦ୍ଧକ୍ୟ ଜନୀତ ରୋଗରେ ପିଡିତ ଥିଲେ ଭାଗ୍ୟବତୀ । ସେ ବିଶିଷ୍ଟ ଶିକ୍ଷାବିତ ଅବସରପ୍ରାପ୍ତ ଶିକ୍ଷକ ସ୍ୱର୍ଗତ ଚକ୍ରପାଣି ମିଶ୍ରଙ୍କ ଧର୍ମପତ୍ନୀ । ମୃତ ଭାଗ୍ୟବତୀଙ୍କ ପୁଅ ତଥା ପୁଇଁନ୍ତଲା ପ୍ରାଥମିକ ଶିକ୍ଷକ ସଂଘର ସଭାପତି ଭବାନୀ ମିଶ୍ର ମୁଖାଗ୍ନି ଦେଇଥିଲେ । ସ୍ୱର୍ଗତା ଭାଗ୍ୟବତୀ ଜଣେ ମିଷ୍ଟଭାଷୀ, ଦୟାଳୁ,ଧର୍ମପରାୟଣା ମହିଳା ଭାବରେ ବେଶ ପରିଚିତ ଥିଲେ । ତାଙ୍କ ମୃତ୍ୟୁଶଯ୍ୟା ନିକଟରେ ପୁଅ,ବୋହୂ, ଝିଅ,ଜ୍ୱାଇଁ, ନାତି ନାତୁଣୀ ସମସ୍ତେ ଉପସ୍ଥିତ ଥିଲେ । ବହୁ ବିଶିଷ୍ଟ ବ୍ୟକ୍ତି, ସାମ୍ୱାଦିକ,ଶିକ୍ଷକ, ରାଜନୈତିକ ବ୍ୟକ୍ତିବିଶେଷ ଭଗ୍ୟବତୀଙ୍କ ଶେଷ ଦର୍ଶନ କରିଥିଲେ ।