15-May-2022

ବିନିକା(ହିମାଂଶୁ ଶେଖର ପୁଟେଲ)ଆସନ୍ତା ଜୁନ ୪ତାରିଖରେ ବିନିକା ରଥପଡା ବିଶେଶ୍ୱର ମନ୍ଦିର ଠାରେ ଅନୁଷ୍ଟିତ ହେବାକୁ ଥିବା ଶୀତଳଷଷ୍ଠୀ ମହୋତ୍ସବ ପାଇଁ ଦେବଦେବ ମହାଦେବ ଓ ପାର୍ବତୀ ଦେବୀଙ୍କ ପିତାମାତା ଚୂଡାନ୍ତ ହୋଇଛି ।କମିଟି ସଭାପତି ସୁଧାଂଶୁ ଶେଖର ଦାଶ,କାର୍ଯ୍ୟକାରୀ ସଭାପତି ଅଜିତ କୁମାର ସାମନ୍ତରାୟ,ଉପା ସଭାପତି ସନ୍ତୋଷ ମହାକୁର,ସମ୍ପାଦକ ମାନଗୋବିନ୍ଦ ମେହେର, ସହ ସମ୍ପାଦକ ସମ୍ବିତ କୁମାର ନେପାକ ଏବଂ ଉପଦେଷ୍ଟା ମଣ୍ଡଳୀର ସମସ୍ତ ସଦସ୍ୟଙ୍କ ଉପସ୍ଥିତିରେ ଚୂଡାନ୍ତ ହୋଇଥିଲା ।ଏଥିରେ ବିନିକା ନୂଆପଡ଼ାର ବିକାଶ ମହାନ୍ତି ଓ ତାଙ୍କ ଧର୍ମପତ୍ନୀ ଦିପଶିଖା ମହାପାତ୍ର ପ୍ରଭୁ ଶିବଙ୍କ ପିତାମାତା ଦାୟିତ୍ଵ ତୁଲାଉଥିବା ବେଳେ ମାଁ ପାର୍ବତୀ ଦେବୀଙ୍କ ପିତାମାତା ଭାବେ ବିନିକା କଂଶାରିପଡ଼ାର ଅଜିତ ଦାସ ଓ ତାଙ୍କ ଧର୍ମପତ୍ନୀ ମମତା ଦାସ ତୁଲାଇବେ । ଏହି ଅବସରରେ ପ୍ରଭୁ ଶିବଙ୍କୁ ପୁଅ ରୂପେ ପାଇବା ନେଇ ବିକାଶ ଓ ଦୀପଶିଖା ବେଶ ଖୁସିରେ ଆତ୍ମହରା ହୋଇ କେଉଁ ଜନ୍ମର ସିକୃତି ଯୋଗୁଁ ଆମ୍ବେ ସ୍ବାମୀ ସ୍ତ୍ରୀ ଦୁହେଁ ଦେବ ଦେବ ମହାଦେବଙ୍କ ପିତାମାତା ହେବାର ସୁଯୋଗ ପାଇଁଛୁ ।ତେଣୁ ତାଙ୍କର ଅପାର କରୁଣା ଆମ ପ୍ରତି ରହିବ ବୋଲି ପ୍ରକାଶ କରିଥିଲେ ।ସେହିପରି ଭାଗ୍ୟରେ ଥିଲେ ପାର୍ବତୀ ମାଁ ଙ୍କୁ ଝିଅ ରୂପେ ପାଇବା ଆମ ପାଇଁ ସୌଭାଗ୍ୟ ବୋଲି ପାର୍ବତୀଙ୍କ ପିତାମାତା ଅଜିତ ଓ ମମତା ପ୍ରକାଶ କରିଛନ୍ତି ।ତେବେ ଝିଅ ବାହାଘର ପାଇଁ ରୀତିନୀତି ଅନୁଯାୟୀ ଯାହା ଦରକାର ତାହା  ଦେବାର ବ୍ୟବସ୍ଥା ଏବଂ ବିବାହ ଉତ୍ସବକୁ ଯେପରି ବନ୍ଧୁବାନ୍ଧବ ଓ ଶ୍ରଦ୍ଧାଳୁ ଭକ୍ତଙ୍କ ଉପସ୍ଥିତି ରହି ଉଭୟ ଦେବାଦେବୀଙ୍କ ଆଶୀର୍ବାଦ ନେବେ ସେନେଇ ଆମର ପ୍ରୟାସ ଜାରି ରହିବ ବୋଲି କହିଥିଲେ ।ତେବେ ଏଥର ଶିବ ପାର୍ବତୀଙ୍କ ବିବାହ ଉତ୍ସବ ଜାକଜମକରେ ପାଳନ ନେଇ ସବୁ ପ୍ରକାର ଉଦ୍ୟମ କରାଯାଇଛି ବୋଲି କମିଟି ସୂତ୍ରରୁ ପ୍ରକାଶ ।