10-May-2022

ସୁବର୍ଣ୍ଣପୁର // ନିରୀହ ଓ ଗରିବ( ଖବର କାଗଜ ହକ୍କର) ଦୁର୍ଗେଶ ର ଭଉଣୀ ବାହାଘର ରେ ଗତକାଲି ପାଞ୍ଚ ହଜାର ଟଙ୍କା  ସହାୟତା କରି ଏକତା,ବଦାନ୍ୟତା ଓ ମହାନତାର ପରିଚୟ ସୃଷ୍ଟି କରିଛି  ସୋନପୁର ମିଡ଼ିଆ କଲ୍ୟାଣ ସଂଗଠନ l ପ୍ରକାଶ ଥାଉ କି ଯେ ଗତ କିଛି ବର୍ଷ ଧରି ବାପା ଙ୍କ ହାର୍ଟ ଚିକିତ୍ସା କରାଇ  ଦୁର୍ଗେଶ ର ପରିବାର ସର୍ବସ୍ବlନ୍ତ ହୋଇଯାଇଥିଲେ ସୁଦ୍ଧା  ଦୁର୍ଗେଶ ବାପାର  ଜୀବନ ବଞ୍ଚାଇ ପାରି ନ ଥିଲେ l ଗତ ବର୍ଷ ଦୁର୍ଗେଶ ର ବାପାଙ୍କ ହୃଦଘାତ ରେ ଦେହାନ୍ତ ହୋଇ ଯାଇ ଥିଲା l ଦୁର୍ଗେଶ ଘର ଘର ଖବର କାଗଜ ବାଣ୍ଟୁ ଥିବା ବେଳେ ଭଉଣୀ ସ୍ଥାନୀୟ ଏକ ଶିକ୍ଷାନୁଷ୍ଠାନ ରେ ରେ ଅସ୍ଥାୟୀ ଭାବେ  ଅଧ୍ୟାପନା କାମ କରି ଆସି କଷ୍ଟେ ମଷ୍ଟେ  ପରିବାର ର ବୋଝ ସମ୍ଭାଳୁ ଥିଲେ l ଆଉ ଏଭଳି ସମୟରେ ତା ଊଚ୍ଚ ଶିକ୍ଷିତା ଭଉଣୀ ର ବାହାଘର ଠିକ ହୋଇଥିଲା l ଦୁର୍ଗେଶ ର କାକା, ବାବା ଓ ସାହି ପଡିଶା ର ସହଯୋଗ ରେ ଗତ କାଲି ତାର ବାହାଘର ଧୁମ ଧାମ ରେ ଆୟୋଜନ କରାଯାଇଥିବା ବେଳେ ସବୁ ହକ୍କର ମାନଙ୍କ ମଧ୍ୟରେ  ଦୁର୍ଗେଶ ର ଆର୍ଥିକ ସ୍ଵଛଳ ନ ଥିବା ଓ ନିରୀହ ହୋଇଥିବାରୁ  ସୁବର୍ଣ୍ଣପୁର ମିଡ଼ିଆ କଲ୍ୟାଣ ସଂଗଠନ ପକ୍ଷରୁ ଦୁର୍ଗେଶ ର ଭଉଣୀ ବାହାଘର ରେ ପାଞ୍ଚ ହଜାର ଟଙ୍କା ସହାୟତା ସହିତ ସମସ୍ତ ପ୍ରକାର ସହଯୋଗ ପ୍ରଦାନ କରାଯାଇଥିଲା l ପ୍ରକାଶ ଥାଉ କି ଯେ ବିଗତ ମାସରେ କଳାହାଣ୍ଡି ଜ଼ିଲ୍ଲା ମୋହନଗିରି ଠାରେ  ଲ୍ୟାଣ୍ଡ୍ ମାଇନ୍ସ ବିସ୍ପୋରଣ ରେ ମୃତାହତ ସାମ୍ବାଦିକ ଙ୍କ ଶୋକ ସନ୍ତପ୍ତ ପରିବାର କୁ ମଧ୍ୟ ଶ୍ରାଦ୍ଧ ଦିବସ ରେ ଏକ ପ୍ରତିନିଧି ଦଳ ଭେଟି ସୁବର୍ଣ୍ଣପୁର ଜ଼ିଲ୍ଲା ର ସମସ୍ତ ମିଡ଼ିଆ ଙ୍କ ସହଯୋଗ ରେ 11 ହଜାର ଟଙ୍କା  ସହାୟତା ପ୍ରଦାନ କରି ସମବେଦନା  ଦିଆ ଯାଇଥିଲା l କେବଳ ଯେ ଜ଼ିଲ୍ଲା ରେ ନୁହେଁ  ଜ଼ିଲ୍ଲା ରେ ବିଭିନ୍ନ ମିଡ଼ିଆ ସଂଗଠନ କାର୍ଯ୍ୟ କରୁଥିଲେ ସୁଦ୍ଧା ଏଭଳି ସାମାଜିକ କାର୍ଯ୍ୟ ରେ  ଵା  ସଙ୍କଟ ସମୟରେ ସମସ୍ତ ମିଡ଼ିଆ ଓ ଲୋକ ସମ୍ପର୍କ ବିଭାଗ ଏକଜୁଟ ହୋଇ  ଜ଼ିଲ୍ଲା ତଥା ରାଜ୍ୟ ର ବିଭିନ୍ନ ଜ଼ିଲ୍ଲା ମାନଙ୍କ ରେ ପହଂଚି ସାମ୍ବାଦିକ ପରିବାର କୁ ସହାୟତା ର ହାତ ବଢ଼ାଇ  ଅନ୍ୟ ଜ଼ିଲ୍ଲା ତଥା ସମାଜ ପାଇଁ ପ୍ରେରଣା ସାଜିଛନ୍ତି l  ଜ଼ିଲ୍ଲା  ସାମ୍ବାଦିକ ଙ୍କ ଏଭଳି  ମହତ   କାର୍ଯ୍ୟ ସବୁକୁ  ବୁଦ୍ଧିଜୀବୀ ପ୍ରଶଂସା କରିଥିବା ବେଳେ ଯଦି ରାଜ୍ୟ ର ସମସ୍ତ ମିଡ଼ିଆ ସଂଗଠନ, ପ୍ରତିଷ୍ଠିତ ତଥା ସ୍ୱକୃତି ପ୍ରାପ୍ତ ମିଡ଼ିଆ  କେବଳ ନିଜ ସୁଖ ସୁବିଧା ଓ ସ୍ୱାର୍ଥ ସୁରକ୍ଷା ପ୍ରତି କମ ଧ୍ୟାନ ଦେଇ ସମସ୍ତ ଜ଼ିଲ୍ଲା  ମିଡ଼ିଆ ମାନଙ୍କ ସାମୁହିକ ସ୍ୱାର୍ଥ ସୁରକ୍ଷା ପ୍ରତି ଅଧିକ ଧ୍ୟାନ ଵା ଯତ୍ନବାନ ହୁଅନ୍ତେ ତାହେଲେ ଆଜି ସବୁଠି ମିଡ଼ିଆ ଙ୍କ ପ୍ରତି ଏଭଳି ବାରମ୍ବାର ଆକ୍ରମଣ  ହୁଅନ୍ତା ନାହିଁ କିମ୍ବା ଅପଦସ୍ଥ ହେବାକୁ ପଡ଼ୁ ପଡନ୍ତା ନାହିଁ  ବୋଲି ମଧ୍ୟ ବୁଦ୍ଧିଜୀବୀ ଶୁଭେଛୁ ମତ ରଖିଛନ୍ତି l