10-May-2022

କଣ୍ଟାମାଳ,(ଅକୁର ସାହୁ) କଣ୍ଟାମାଳ ବ୍ଲକ ସାମ୍ବାଦିକ ସଘ (କବ୍ଜା) ର ପୂର୍ବତନ ସଭାପତି ଦୁର୍ଗତ ଦୁର୍ବାକ୍ଷ ବସ୍ତିଆଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ କଣ୍ଟାମାଳ ସାମ୍ବାଦିକ ଭବନ ଠାରେ ଏକ ଶ୍ରଦ୍ଧାଞ୍ଜଳୀ ତଥା ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ସଂଘର ବରିଷ୍ଠ ଉପଦେଷ୍ଠା ଦିବ୍ୟ ଶଙ୍କର ରାଇତ ସଭାକୁ ସଭାପତିତ୍ବ କରିଥିବା ବେଳେ ସଂପାଦକ ପୃର୍ଣ୍ଣ ଚରଣ ସାହୁ ପରିଚାଳନା କରିଥିଲେ । ପ୍ରାରମ୍ଭରେ ଦିବଂଗତ ସ୍ବର୍ଗତ ବସ୍ତିଆ ଓ ଆମ୍ବଗାଁ ଅଂଚଳର ସାମ୍ବାଦିକ ସୁରଥ ରଣାଙ୍କ ଅମର ଆତ୍ମାର ସଦ୍‌ଗତି ନିମନ୍ତେ ଦୁଇ ମିନିଟ୍‌ ନୀରବ ପ୍ରାର୍ଥନା କରାଯାଇଥିଲା । ଦୁର୍ଗତ ଦୁର୍ବାକ୍ଷ ବସ୍ତିଆଙ୍କ ଫଟୋ ଚିତ୍ରରେ ସଂଘର ସମସ୍ତ ସଦସ୍ୟ ପୁଷ୍ପ, ଧୂପ, ଦୀପ ଦ୍ବାରା ଶ୍ରଦ୍ଧାଞ୍ଜଳୀ ଅର୍ପଣ ପରେ ସ୍ମୃତି ଚାରଣ କରାଯାଇଥିଲା । ଉପଦେଷ୍ଟା ଜୟ କୁମାର ମହାରଣା , ସଦସ୍ୟ ବଂଶୀଧର ମାଝୀ, ଉପସଭାପତି ପ୍ରଭାତ କୁମାର ସାହୁ ପ୍ରମୁଖ ବିଗତ ଦିନର ଅନୁଭୁତି ଓ ସ୍ମୃତି ବୟାନ କରିଥିଲେ । ଅନ୍ୟମାନଙ୍କ ମଧ୍ୟରେ କୋଷାଧ୍ୟକ୍ଷ ଅନନ୍ତ ଖମାରୀ, ସଦସ୍ୟ ଦେବାଶିଷ ମଲ୍ଲିକ, ଅକୁର ସାହୁ, ବଳରାମ ବାଗ, ରବିନ୍ଦ୍ର କର୍ଣ୍ଣ ପ୍ରମୁଖ ଉପସ୍ଥିତ ଥିବା ବେଳେ ବଂଶୀଧର ମାଝୀ ଧନ୍ୟବାଦ ଅର୍ପଣ କରିଥିଲେ ।