10-May-2022

ଜଗତସିଂହପୁର (ପ୍ରେରଣା ଖବର) ଜଗତସିଂହପୁର ଜିଲ୍ଲାର ବହୁଚର୍ଚ୍ଚିତ ପ୍ରମୋଦିନି ରାଉଳଙ୍କୁ ଏସିଡ୍ ମାଡ଼ ଘଟଣା ର ଆଜି ଜଗତସିଂହପୁର କୋର୍ଟ ରେ ରାୟ ପ୍ରକାଶ ପାଇଛି। ସୂଚନା ଅନୁଯାୟୀ ଗତ ୨୦୦୯ ମସିହା ଅପ୍ରେଲ ୧୮ ତାରିଖରେ ଜଣେ ପାରା ମିଲିଟାରୀ କର୍ମଚାରୀ ସନ୍ତୋଷ କୁମାର ବେଦାନ୍ତ ନିର୍ବାଚନ ଡିଉଟି ରେ ଜଗତସିଂହପୁର ଜିଲ୍ଲାର ତିର୍ତ୍ତୋଲ କୁଆସି ଏକତରଫା ପ୍ରେମରେ ବିଫଳ ହୋଇ ପ୍ରମୋଦିନି ଙ୍କ ଉପରେ ଏସିଡ୍ ମାଡ଼ କରିଥିଲା। ଏହି ମାମଲାକୁ ୨୦୧୨ ମସିହାରେ ପୋଲିସ ତରଫରୁ ବନ୍ଦ କରି ଦିଆଯାଇଥିଲା। ପରବର୍ତ୍ତୀ ସମୟରେ ୨୦୧୭ ମସିହାରେ ତତ୍କାଳୀନ ଏସପି ଜୟ ନାରାୟଣ ପଙ୍କଜ ଏହି କେସ କୁ ରି-ଓପନ କରିଥିଲେ। ଯାହାର ଆଜି ଜଗତସିଂହପୁର ମହିଳା କୋର୍ଟ ଙ୍କ ତରଫରୁ ଏସିଡ୍ ମାଡ଼ ଘଟଣା ର ଆଜି ରାୟ ପ୍ରକାଶ କଲେ ମାନ୍ୟବର ମହିଳା କୋର୍ଟର ଅତିରିକ୍ତ ଜଜ ଶ୍ରୀମତୀ ରଶ୍ମିତା ସାହୂ ଏହି ଘଟଣାରେ ସମସ୍ତ ସାକ୍ଷୀ ଙ୍କ ବୟାନ କୁ ଆଧାର କରି ଏସ୍ଡ଼ି ମାଡ଼ କରିଥିବା ମୁଖ୍ୟ ଅଭିଯୁକ୍ତ ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ଅଧୀନ ସନ୍ତୋଷ କୁମାର ବେଦାନ୍ତ ଓ ତାର ସହଯୋଗୀ ନୟାଗଡ଼ ଖଣ୍ଡପଡ଼ା ଅଂଚଳର ଅନୀଲ ଦଳସିଂହ ରାୟ ଙ୍କୁ ମାନ୍ୟବର କୋର୍ଟ ୧୪ ବର୍ଷର ଶଶ୍ରମ କାରାଦଣ୍ଡ ସହିତ ୧୫ ହଜାର ଟଙ୍କା ର ଜୋରିମାନା ରେ ଦଣ୍ଡିତ କରିଛନ୍ତି।

ଜୋରିମାନା ଅନାଦେୟ ଅଧିକ ଛଅ ମାସ ଜେଲଦଣ୍ଡ ଭୋଗିବାକୁ ପଡ଼ିବ।ତେବେ ରାୟ ପ୍ରକାଶ ପାଇବା ପରେ ପୀଡିତା ମାନ୍ୟବର ଅଦାଲତ ଙ୍କ ରାୟ କୁ ସମ୍ମାନ ଜଣାଇଛନ୍ତି। ପିଡିତା ଙ୍କ ପକ୍ଷରୁ ସରକାରୀ ଓକିଲ କୃଷ୍ଣଚନ୍ଦ୍ର ଆଚାର୍ଯ୍ୟ ମାମଲା ପରିଚାଳନା କରୁଥିଲେ।