07-May-2022

ରେଢାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢାଖୋଲ ବ୍ଲକ ଅଞ୍ଚଳରେ ଦିନକୁ ଦିନ ଗ୍ରୀଷ୍ମ ପ୍ରବାହ ବଢ଼ିବାରେ ଲାଗିଛି।ଏଥିରୁ ଲୋକଙ୍କୁ ନିସ୍ତାର ମିଳୁ ନାହିଁ। ହେଲେ ଏଭଳି ସ୍ଥିତିରେ ଗତ ୨ମାସ ହେଲା  ବଡ଼ମାଳ ମୁଖ୍ୟ ଛକରେ ଥିବା ଏକମାତ୍ର ଥଣ୍ଡା ପାନୀୟ ଜଳ ପ୍ରକଳ୍ପ ଅଚଳ ହୋଇ ପଡିଛି l ଗ୍ରୀଷ୍ମ ସରିବା ଉପରେ  ଥିବା ବେଳେ ଗ୍ରୀଷ୍ମର ପ୍ରବାହ କମିବାର ନାଁ ନେଉ ନାହିଁ। ହେଲେ ଦୀର୍ଘ ଦିନ ହେଲା ଥଣ୍ଡା ପାନୀୟ ଜଳ ପ୍ରକଳ୍ପ ଅଚଳ ହୋଇ ପଡି ଥିଲେ ଶୁଦ୍ଧା ବଡ଼ମାଳ ପଞ୍ଚାୟତ କତ୍ତୃପକ୍ଷ ଧ୍ୟାନ ଦେଉ ନ ଥିବା ଅଞ୍ଚଳବାସୀ ଅଭିଯୋଗ କରିଅଛନ୍ତି ।  ବଡ଼ମାଳ  ପଞ୍ଚାୟତଟି ଏକ ପ୍ରମୁଖ ସ୍ଥାନରେ ଅବସ୍ଥିତ ଥିବା ବେଳେ ଏହା ୫ଟି ପଞ୍ଚାୟତବାସୀ ବ୍ୟବସାୟିକ ପେଣ୍ଠସ୍ଥଳୀ  ଅଟେ।ଏହି ଥଣ୍ଡା ପାନୀୟ ଜଳ ପ୍ରକଳ୍ପ ଉପରେ ସ୍କୁଲ, କଲେଜ ଛାତ୍ରଛାତ୍ରୀଙ୍କ ସହ ସମସ୍ତ ସରକାରୀ ଓ ବେସରକାରୀ କର୍ମଚାରୀ, ବାଟୋଇ ଓ ବ୍ୟବସାୟୀମାନେ ଥଣ୍ଡା ପାଣି ପାଇଁ ନିର୍ଭର କରି ଥାଆନ୍ତି।ମାତ୍ର ଆଜକୁ ୨ମାସ ହେଲା ଏହି ଥଣ୍ଡା ପାନୀୟ ଜଳ ପ୍ରକଳ୍ପ ଅଚଳ ହୋଇ ପଡି ଥିବାରୁ  ପିଇବା ପାଣି ମୁନ୍ଦିଏ ପାଇଁ ଲୋକେ ହଇରାଣ ତଥା ଡହଳ ବିକଳ ହେଉଛନ୍ତି lଏପରିକି ଖୋଦ ପ୍ରାଥମିକ ବିଦ୍ୟାଳୟ ସମ୍ମୁଖରେ ଥିବା ଥଣ୍ଡା ପାନୀୟ ପ୍ରକଳ୍ପ ଉପରେ ନିର୍ଭର କରୁଥିବା କୋମଳମତି ଛାତ୍ର ଛତ୍ରୀ   ଥଣ୍ଡା ପାଣି ରୁ ବଞ୍ଚିତ ରହୁଛନ୍ତି।ଏଣୁ ଏହି ଅଚଳ ଥଣ୍ଡା ପାନୀୟ ଜଳ ପ୍ରକଳ୍ପ  ସଚଳ କରି ଥଣ୍ଡା ପାଣି ଯୋଗାଇ ଦେବାକୁ ଦାବି ହେଉଛି। ଏ ସଂକ୍ରାନ୍ତରେ ବଡ଼ମାଳ ପଞ୍ଚାୟତର ନିର୍ବାହୀ ଅଧିକାରୀଙ୍କୁ ଯୋଗ ଯୋଗ କରି ଥିଲେ ମଧ୍ୟ ସେ  ଫୋନ ଉଠାଇ ନ ଥିଲେ। ସେହିପରି ଏ ସଂକ୍ରାନ୍ତରେ ରେଢାଖୋଲ ବିଡ଼ିଓ ପରୀକ୍ଷିତ ସାହୁଙ୍କୁ ଯୋଗା ଯୋଗ କରିବାରେ ସେ କହିଲେ ଯେ ବଡ଼ମାଳ ଠାରେ ଥିବା ଥଣ୍ଡା ପାନୀୟ ଜଳ ପ୍ରକଳ୍ପରୁ  ନର୍ମାଲ ପାଣି ବୋଧେ ବାହାରୁଛି। ଥଣ୍ଡା ପାନୀୟ ଜଳ ପ୍ରକଳ୍ପ କୁ ସଜାଡି ଲୋକଙ୍କୁ ଖୁବ ଶୀଘ୍ର ଥଣ୍ଡା ପାଣି ଯୋଗାଇ ଦିଆଯିବ ବୋଲି ପ୍ରକାଶ କରିଥିଲେ।