05-May-2022

ବୌଦ୍ଧ(ପ୍ରେରଣା ଖବର) -   ବଉଦ ବ୍ଲକ୍ ଅନ୍ତର୍ଗତ ବଲାସିଙ୍ଗା ଗ୍ରାମ ପଞ୍ଚାୟତ ନିକଟସ୍ଥ ଗିରାସିଙ୍ଗା ଗ୍ରାମରେ ମନଭାଷା କବିତା ଆସର ପରିବାର ତରଫରୁ ତୃତୀୟ ଇ-ପତ୍ରିକା(ମୋ ଭାଷାର ଆଶା) ଶୁଭାରମ୍ଭ  ଓ ମନଭାଷା ପରିବାର ବିଷୟରେ ଆଲୋଚନା ଚକ୍ର ଏବଂ କବିତା ପାଠ ଉତ୍ସବ ଅନୁଷ୍ଠିତ ହୋଇଥିଲା |ଏହି କାର୍ଯ୍ୟକ୍ରମକୁ ଆରମ୍ଭ ଏବଂ ଆସରକୁ ପରିଚାଳନା କରିଥିଲେ ଅନୁଷ୍ଠାନର  ସାହିତ୍ୟିକ କବି ଅନ୍ତର୍ଯ୍ୟାମୀ ସାହୁ, କାର୍ଯ୍ୟକ୍ରମ ଆରମ୍ଭରେ ଶ୍ରୀ ଜଗନ୍ନାଥଙ୍କ ଅତି ସୁନ୍ଦର ଭଜନ ଗାନ କରିଥିଲେ |

ଅନୁଷ୍ଠାନର ମୁଖ୍ୟ ସମ୍ପାଦକ ନିବାଶ ନାୟକ ମନଭାଷା ବିଷୟରେ ଆଲୋଚନା କରିଥିଲେ, ସଭାପତି ଶ୍ରୀମତୀ ମୀରା ବାଈ ପାଣିଗ୍ରାହୀ ଅନୁଷ୍ଠାନ ସମ୍ପର୍କରେ ଅତି ସଂକ୍ଷିପ୍ତ ଭାବେ ଆଲୋଚନା କରିଥିଲେ |

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ନିତ୍ୟାନନ୍ଦ ଖମାରୀ ଓ ସଂଗ୍ରାମ କେଶରୀ ସାମନ୍ତରାୟ l ଏହି ଦୁଇ ଅତିଥି ସାହିତ୍ୟ ଓ ମନଭାଷା ବିଷୟରେ ଆଲୋଚନା କରିଥିଲେ lଶ୍ରେଷ୍ଠ ବକ୍ତା ଭାବେ ଯୋଗ ଦେଇଥିଲେ  ରୀତା ଅପରାଜିତା ମହାନ୍ତି, ଈଶ୍ୱରୀ ବେହେରା, ସରସ୍ଵତୀ ସଲିମା ଓ ଚନ୍ଦନା ମଞ୍ଜରୀ ତ୍ରିପାଠୀ | କବିତା ଆସର ୧୫ ଜଣ କବି ଓ କବୟିତ୍ରୀ ଭାଗ ନେଇଥିଲେ |ଓଡ଼ିଆ ସାହିତ୍ୟ ସଂସଦ ର ପ୍ରତିଷ୍ଠାତା ଓ ସଭାପତି ଶ୍ରୀ ଚିତ୍ରସେନ ମହାରଣା ଏହି କାର୍ଯ୍ୟକ୍ରମରେ ଆରମ୍ଭ ରୁ ଶେଷ ପର୍ଯ୍ୟନ୍ତ ଉପସ୍ଥିତ ଥିଲେ |କାର୍ଯ୍ୟକ୍ରମ ଶେଷରେ ନିବାଶ ନାୟକ ଧନ୍ୟବାଦ୍ ଅର୍ପଣ କରିଥିଲେ |