30-Apr-2022

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ) : ' ଦାଦନ ଯାଇନାହୁଁ , କାମ ଯୋଗାଇଦିଅ ' ଦାବିକରି ଶତାଧିକ ମନରେଗା ଶ୍ରମିକଙ୍କ ଡିଆରଡିଏ ଅଫିସ୍ ଘେରାଉ ସହ ଜିଲ୍ଲାରେ ମନରେଗା ଯୋଜନାରେ କିପରି ବ୍ୟାପକ ଜାଲିଆତି କରାଯାଉଛି ଅଭିଯୋଗ କରିଛନ୍ତି ସେମାନେ । 

ପ୍ରତିବର୍ଷ ଶହ ଶହ କୋଟି ଟଙ୍କାର ମନରେଗା ଯୋଜନାରେ କାମ ଚାଲିଥିବାବେଳେ ୭ ଲକ୍ଷ ପଞ୍ଜୀକୃତ ମନରେଗା ଶ୍ରମିକଙ୍କୁ କାମ ମିଳୁ ନଥିବା ସହ ଠିକାଦାର ଲଗାଯାଇ ଫେକ୍ ଆକାଉଣ୍ଟ୍ ଖୋଲି ଏହି ଜାତୀୟ ଶ୍ରମଭିତ୍ତିକ ଯୋଜନାରେ ଜାଲିଆତି ଓ ବାଟମାରଣା ଆଦି ଶ୍ରମିକଙ୍କ ଅଭିଯୋଗକୁ ପ୍ରଶାସନ ବା ସରକାର ସେପରି ଗୁରୁତ୍ୱ ଦେଉ ନଥିବା ଲକ୍ଷ୍ୟ କରାଯାଇଛି । ପଞ୍ଚାୟତ , ବ୍ଲକ୍ , ବନବିଭାଗ ଓ ଅନ୍ୟାନ୍ୟ ବିଭାଗରେ କାର୍ଯ୍ୟକାରୀ ହେଉଥିବା ମନରେଗା ଯୋଜନାରେ ବ୍ୟାପକ ବାଟମାରଣା ଜିଲ୍ଲାର ବିକାଶର ଛବିକୁ ଏତଦ୍ଦ୍ବାରା ମଳିନ କରିଦେଇଛି । ସରକାର ତୁରନ୍ତ ଦୃଷ୍ଟି ଦିଅନ୍ତୁ  !