24-Apr-2022

ରେଢାଖୋଲ, ( ଅନିଲ କୁମାର ପୃଷ୍ଟି ) ଷଡ ବଂଶୀୟ ଗଣ୍ଡ ସମାଜ ପଞ୍ଚ ପାଲି ପୁଞ୍ଜ ନାକଟିଦେଉଳ ବ୍ଲକର ବାର୍ଷିକ ଉତ୍ସବ କାଉଁଶିପାଳ ଆମ୍ବ ତୋଟା ଠାରେ ରବିବାର ଅନୁଷ୍ଠିତ ହୋଇ ଯାଇଛି। କାର୍ଯ୍ୟକ୍ରମ ପ୍ରାରମ୍ଭରେ ଆଦିବାସୀ ପାରମ୍ପରିକ ନୃତ୍ୟ ମାଧ୍ୟମରେ ଅତିଥି ମାନଙ୍କୁ ସ୍ୱାଗତ ସମ୍ବର୍ଦ୍ଧନା କରା ଯାଇ ଥିଲା।  ଏହି ପରିପ୍ରେକ୍ଷୀରେ ନାକଟିଦେଉଳ ବ୍ଲକ ଗଣ୍ଡ ସମାଜର ପାଞ୍ଚ ପାଲି ପୁଞ୍ଜ ର ସଭାପତି ଯଦୁମଣି ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ  କାର୍ଯ୍ୟକ୍ରମରେ ଦେବଗଡ଼ ଜିଲ୍ଲା ଗଣ୍ଡ ସମାଜର ବରିଷ୍ଠ ନାଗରିକ ତଥା ଅବସର ପ୍ରାପ୍ତ ଫରେଷ୍ଟର ଯଦୁମଣି ପ୍ରଧାନ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଏଥିରେ ଯୁଜୁମୁରା ବ୍ଲକ ଗଣ୍ଡ ସମାଜର ଯଦୁମଣି ଛତ୍ରୀଆ ମୁଖ୍ୟ ବକ୍ତା ଭାବରେ ଯୋଗ ଦେଇ  ସମାଜର ରୀତି, ନୀତି, ପରମ୍ପରା, ସଂକୃତି, ଗଣ୍ଡ ଶବ୍ଦର ବିଭିନ୍ନ ଦିଗ, ପ୍ରକୃତି ସହିତ ଗଣ୍ଡ ଜାତିର ସମ୍ପର୍କ ଏବଂ ଗଣ୍ଡ ଜାତିର ଉତ୍ପତ୍ତି ଉପରେ ଆଲୋଚନା ହୋଇ ଥିଲା।ଅନ୍ୟ ମାନଙ୍କ ମଧ୍ୟରେ ସମ୍ବଲପୁର ଜିଲ୍ଲା ଗଣ୍ଡ ସମାଜର ମହା ଶଚିବ ପ୍ରଫୁଲ୍ଲ କୁମୁରା,ରେଢାଖୋଲ ବ୍ଲକ ସଭାପତି ପୁରନ୍ଦର ପଟ୍ଟା, ଆଦିବାସୀ କଲ୍ୟାଣ ସଙ୍ଘ ସମ୍ବଲପୁର ଜିଲ୍ଲା ପ୍ରଭାରୀ  ରୋହିତ କୁମାର ଭୋଇ ,ସମ୍ବଲପୁର ଜିଲ୍ଲା ମହିଳା ସଦସ୍ୟା ଲଳିତା ପ୍ରଧାନ, ଦେବଗଡ଼ ଜିଲ୍ଲାର ପ୍ରାଣୀ ଚିକିତ୍ସକ ଲୋକ ନାଥ ପ୍ରଧାନ, ନାକଟିଦେଉଳ ବ୍ଲକ ସଭାପତି ପୂର୍ଣ ଚନ୍ଦ୍ର ଗଡତିଆ ,   ରଞ୍ଜିତ ଭୋଇ, ସନତ ନାଏକ, ପ୍ରମୁଖ ସଂମାନିତ ଅତିଥି ଭାବରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ ନାକଟିଦେଉଳ ବ୍ଲକ ମହାଶଚିବ ଜଗନ୍ନାଥ ଦେହୁରୀ ମଞ୍ଚ ପରିଚାଳନା କରିଥିଲେ।ଏହି ଅବସରରେ ବଡ ଦେଓଙ୍କ ପୂଜାର୍ଚ୍ଚନା ହେବା ସହିତ କିସିଣ୍ଡା ଗଣ୍ଡୱାନା ଛାତ୍ର ସଂଗଠନ ପକ୍ଷରୁ ଛାତ୍ରୀ ମାନଙ୍କ ଦ୍ୱାରା ନୃତ୍ୟ ପରିବେଷଣ କରାଯାଇଥିଲା। ସେହିପରି ଏହାର ଦ୍ୱିତୀୟ ଅଧିବେଶନରେ ଆୟୋଜିତ କାର୍ଯ୍ୟକ୍ରମରେ  ବରିଷ୍ଠ ସାମ୍ବାଦିକ ପ୍ରସନ୍ନ କୁମାର ପ୍ରଧାନ, ଓ ଯୁବ ସାମ୍ବାଦିକ ଅନିଲ କୁମାର ପୃଷ୍ଟି ପ୍ରମୁଖ ଯୋଗ ଦେଇ ଆଗାମୀ ଦିନରେ ଗଣ୍ଡ ସମାଜର ଏହି କାର୍ଯ୍ୟକ୍ରମକୁ ଅଧିକ ବ୍ୟାପକ କରିବା ସହ ପ୍ରତେକ ଗୁଡି ମାନଙ୍କରେ କରିବା ପାଇଁ ମତାମତ ଦେଇ ଥିଲେ।ଶେଷରେ ସୁବାଷ ଚନ୍ଦ୍ର ପ୍ରଧାନ ଧନ୍ୟବାଦ ଅର୍ପଣ କରିଥିଲେ।