22-Apr-2022

ନୂଆପଡ଼ା:-ନୂଆପଡ଼ା ବ୍ଳକ ଅଧିନରେ ଯାଉଥିବା ଧରମବନ୍ଧା ପୋଲିସ ଷ୍ଟେସନ ଅନ୍ତର୍ଗତ କେନ୍ଦୁବାହାର ଗ୍ରାମର ଶ୍ୟାମଲାଲ ଶବର ଙ୍କ ଧର୍ମପତ୍ନୀ ନିରାଶା ଶବର ବୟସ ପାଖାପାଖି ୩୮ ବର୍ଷ ଏବଂ ଝିଅ ସବିତା ଶବର ବୟସ ୧୫ ବର୍ଷ ଯେ'କି ଅଷ୍ଟମ ଶ୍ରେଣୀରେ ପାଠ ପଢୁଥିଲେ, ମା ଝିଅ ଗତକାଲି ରାତିରେ ଘରେ ତଳେ ଶୋଇଥିବା ସମୟରେ ତାଙ୍କ ପାଇଁ କାଳରାତ୍ରୀ ହୋଇଯାଇଥିଲା । ହଠାତ୍ ଶୋଇଥିବା ସମୟରେ ଏକ କଲେତ ସାପ ଦୁହିଁଙ୍କୁ କାମୁଡି  ଦେଇଥିଲା । ମା ଝିଅ ଉଭୟ ଙ୍କୁ ସଙ୍ଗେ ସଙ୍ଗେ ପରିବାର ଲୋକେ ନୂଆପଡ଼ା ଜିଲ୍ଲା ସରକାରୀ ଡାକ୍ତରଖାନାକୁ ଚିକିତ୍ସା ପାଇଁ ଆଣିଥିଲେ ।ହେଲେ ସେମାନେ ଚେତାଶୂନ୍ୟ ଫଳତଃ ଡାକ୍ତର ତାଙ୍କୁ ବୁର୍ଲା ବଡ ଡାକ୍ତରଖାନାକୁ ସ୍ଥାନାନ୍ତରିତ କରିଥିଲେ । ଆମ୍ବୁଲାନ୍ସ ରେ ସେମାନେ ବୁର୍ଲା ରାସ୍ତା ରେ ଥିବା ସମୟରେ ବାଟରେ ଉଭୟ ଙ୍କ ମୃତ୍ୟୁ ଘଟିଥିଲା ।ଏ ସମ୍ପର୍କରେ ଧରମବନ୍ଧା ଥାନାର ଭାରପ୍ରାପ୍ତ ଥାନାଧିକାରୀ ସଞ୍ଜୁକ୍ତା ବାର୍ଲା ଙ୍କୁ ପଚାରିବାରୁ ସେ ଏ ସମ୍ପର୍କରେ ଅବଗତ ଅଛନ୍ତି ।ଆମ ଷ୍ଟାଫ୍ ଘଟଣା ର ତଦନ୍ତ କରି ମୃତ ଶବପାଖକୁ ଯାଉଛନ୍ତି । ପୋଷ୍ଟମର୍ଟମ ପରେ ଦୁଇଜଣଙ୍କ ମୃତ ଶରୀରକୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି କହିଥିଲେ ।