19-Apr-2022

ବିନିକା(ହିମାଂଶୁ ଶେଖର ପୁଟେଲ): ବିନିକା ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଗତକାଲି ବିନିକା ବ୍ଳକ ନୂତନ ପେନସନଭୁକ୍ତ ପ୍ରାଥମିକ ଶିକ୍ଷକ ସଂଘ ସଭାପତି ଶଶାଙ୍କ ଶେଖର ପଣ୍ଡାଙ୍କ ସଭାପତିତ୍ୱରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା l ଏଥିରେ କାର୍ଯ୍ୟରତ ଶିକ୍ଷକ ମାନଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା l ବୈଠକରେ ଉପସ୍ଥିତ ରାଜ୍ୟ ସଂଘର ଉପ ସଭାପତି ନରେନ୍ଦ୍ର ନାୟକ,ସଙ୍ଘର ଉପଦେଷ୍ଟା ଅନନ୍ତ ପଣ୍ଡା, ବରିଷ୍ଠ ଶିକ୍ଷକ ତ୍ରିଲୋଚନ ହୋତା,ସମ୍ପାଦକ ଶିବନାରାୟଣ ରଣା,ରାଜେନ୍ଦ୍ର ବଡ଼ମାଳୀ, ପ୍ରକାଶ ବିଶି, ଅନ୍ତର୍ଯ୍ୟାମୀ ଧର, ବିବେକାନନ୍ଦ ନାୟକ ପ୍ରମୁଖ ଅଂଶଗ୍ରହଣ କରି ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯାଳୟର ମନମୁଖୀ କାର୍ଯ୍ୟ ଉପରେ କ୍ଷୋଭ ପ୍ରକାଶ କରିଥିଲେ  l ସେହିପରି ବୈଠକରେ ପୁରୁଣା ପେନସନ ବ୍ୟବସ୍ଥା ଉପରେ ଆଲୋଚନା କରାଯାଇ ଆଗାମୀ ଦିନରେ ରାଷ୍ଟ୍ରୀୟ ଆବାହକ ବିଜୟ ବନ୍ଧୁ ଓ ରାଜ୍ୟ ଆବାହକ ବିଜୟ ମଲ୍ଲଙ୍କ ନେତୃତ୍ୱରେ ହେବାକୁ ଥିବା ଆନ୍ଦୋଳନରେ ସଂଘ ଯୋଗଦେବ ବୋଲି ନିଷ୍ପତ୍ତି ନିଆଯାଇଛି l ଶିକ୍ଷକ ହିମାଂଶୁ ଭୂଷଣ ପଣ୍ଡା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ସହ ସମ୍ପାଦକ ରାଜେନ୍ଦ୍ର ବଡ଼ମାଳୀ ଧନ୍ୟବାଦ ଅର୍ପଣ କରିଥିଲେ l ଏଥିରେ ନୂତନ ଭାବେ ନିୟମିତ ହୋଇଥିବା ଶିକ୍ଷକ ମାନଙ୍କୁ ସ୍ୱାଗତ କରାଯାଇଥିଲା ଏବଂ ଆଗାମୀ ଦିନରେ ବ୍ଲକ ତଥା ଜିଲ୍ଲାରେ ଶିକ୍ଷା ଓ ଶିକ୍ଷାୟତନର ଉନ୍ନତି ପାଇଁ ସମସ୍ତ ଶିକ୍ଷକ ଦାୟିତ୍ୱ ନିର୍ବାହ କରିବାକୁ ମତ ପ୍ରକାଶ ପାଇଥିଲା l ଶିକ୍ଷକ ମାନଙ୍କ MACP ହୋଇ ପାରୁନାହିଁ, ଜିଲ୍ଲାର ଅନ୍ୟ ବ୍ଲକ ମାନଙ୍କରେ ଠିକ ସମୟରେ ଦରମା ତଥା ବିଭିନ୍ନ ଏରିଅର ଦିଆଯାଉଥିବା ବେଳେ ବିନିକା ବ୍ଲକ ସବୁବେଳେ ବିଳମ୍ବ ହେଉଛି l ଠିକ ସମୟରେ ଶିକ୍ଷକ ମାନଙ୍କ ବେତନ ବୃଦ୍ଧି (increment) ହେଉ ନାହିଁ,ଉକ୍ତ ବେତନ ବୃଦ୍ଧିର ଏରିଅର ବର୍ଷବର୍ଷ ଧରି ପଡିରହୁଛି,ସେବା ପୁସ୍ତିକା (service book) ଗୁଡିକ ରେ ସଠିକ ସମୟରେ ତଥ୍ୟ ସବୁ ଲିପିବଦ୍ଧ ହେଉନାହିଁ କି ସରକାରଙ୍କ ନିର୍ଦେଶାନୁସାରେ ଅନଲାଇନ ଅପଡେସନ ହେଉନାହିଁ l ଏସବୁ ସମସ୍ୟାର ଶୀଘ୍ର ସମାଧାନ ନ ହେଲେ ଆଗାମୀ ଦିନରେ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଘେରାଉ କରି ଦୁର୍ବାର ଆନ୍ଦୋଳନ କରାଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଛି ଏବଂ ଏ ସଂକ୍ରାନ୍ତରେ ଗତକାଲି ଗୋଷ୍ଠୀ ଶିକ୍ଷାଧିକାରୀ ଶଶିଭୂଷଣ ସେଠୀଙ୍କୁ

ଏକ ଦାବିପତ୍ର ଦିଆଯାଇଛି l ସେହିପରି ବୈଠକରେ ପୁରୁଣା ପେନସନ ବ୍ୟବସ୍ଥା ଉପରେ ଆଲୋଚନା କରାଯାଇ ଆଗାମୀ ଦିନରେ ରାଷ୍ଟ୍ରୀୟ ଆବାହକ ବିଜୟ ବନ୍ଧୁ ଓ ରାଜ୍ୟ ଆବାହକ ବିଜୟ ମଲ୍ଲଙ୍କ ନେତୃତ୍ୱରେ ହେବାକୁ ଥିବା ଆନ୍ଦୋଳନରେ ସଙ୍ଘ ଯୋଗଦେବ ବୋଲି ନିଷ୍ପତ୍ତି ନିଆଯାଇଛି l ଶିକ୍ଷକ ହିମାଂଶୁ ଭୂଷଣ ପଣ୍ଡା ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ସହ ସମ୍ପାଦକ ରାଜେନ୍ଦ୍ର ବଡ଼ମାଳୀ ଧନ୍ୟବାଦ ଅର୍ପଣ କରିଥିଲେ l ଏଥିରେ ନୂତନ ଭାବେ ନିୟମିତ ହୋଇଥିବା ଶିକ୍ଷକ ମାନଙ୍କୁ ସ୍ୱାଗତ କରାଯାଇଥିଲା ଏବଂ ଆଗାମୀ ଦିନରେ ବ୍ଲକ ତଥା ଜିଲ୍ଲାରେ ଶିକ୍ଷା ଓ ଶିକ୍ଷାୟତନର ଉନ୍ନତି ପାଇଁ ସମସ୍ତ ଶିକ୍ଷକ ଦାୟିତ୍ୱ ନିର୍ବାହ କରିବାକୁ ମତ ପ୍ରକାଶ ପାଇଥିଲା l