08-Apr-2022

ବଲାଙ୍ଗୀର  ( ମଳୟ ମିଶ୍ରଙ୍କ ରିପୋର୍ଟ  ) ଏବେ ବିଧାନସଭାରେ ଲୋଇସିଂହା ବିଧାୟକ ଡ.ମୁକେଶ ମହାଲିଙ୍ଗଙ୍କର ବଲାଙ୍ଗିର ବାଇପାସ୍ ସମ୍ପର୍କୀୟ ଏକ ଅଣତାରକା ପ୍ରଶ୍ନର ଉତ୍ତରରେ ବିଭାଗୀୟ ନିର୍ମାଣମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକ କହିଛନ୍ତି ଯେ , ପୂର୍ତ୍ତ ବିଭାଗ ଅଧୀନରେ ଥିବା ପ୍ରକଳ୍ପର ୧୨ .୮ କିମିରୁ ଅଦ୍ୟାବଧି ୯ କୋଟିଟଙ୍କା ବ୍ୟୟରେ ୫. ୨ କିମି ର ନିର୍ମାଣ ସରିଯାଇଛି ଓ ଅବଶିଷ୍ଟ ୭ . ୬ କିମି ର ନିର୍ମାଣ ଆରମ୍ଭ ହେବ ଆବଶ୍ୟକୀୟ ଜମି ଅଧିଗ୍ରହଣ ପରେ ଟେଣ୍ଡର କରାଯାଇ । ସେହିପରି ଜାତୀୟ ରାଜପଥ ବିଭାଗର ୧୧ . ୬୭ କିମି ପାଇଁ ଭାରତ ସରକାରଙ୍କ ପକ୍ଷରୁ  ୨୩୮ .୭୮ କୋଟି ଟଙ୍କାର ଅନୁମୋଦନ କରାଯାଇଛି । ଆବଶ୍ୟକ ଜମି ଅଧିଗ୍ରହଣ ପରେ ଟେଣ୍ଡର କରାଯାଇ କାର୍ଯ୍ୟାରମ୍ଭ ପାଇଁ ପଦକ୍ଷେପ ଗ୍ରହଣ କରାଯିବ । '

ତେବେ ଏହି ସରଳ ପ୍ରଶ୍ନର ସରକାରୀ ସଫେଇ ପରେ ଆମର ବୁଝିବାକୁ କିଛି ବାକି ରହିଲା କି  ?

ସ୍ମରଣଯୋଗ୍ୟ ଯେ , ସେଇସବୁ ସ୍କୁଲ୍ ଛାତ୍ରଛାତ୍ରୀଙ୍କର ଭାରୀଯାନ ଚାପାର ରକ୍ତାକ୍ତ ଦୁର୍ଘଟଣାର ଦୃଶ୍ୟ କିପରିଥିଲା  ? କିପରିଥିଲା , ସନ୍ତାନହରା ପିତାମାତାଙ୍କର ଛାତିଫଟା କରୁଣ ରୋଦନ  ?  ସେତେବେଳର ଆନ୍ଦୋଳନକାରୀଙ୍କର ଦୃଢ ଦାବି  ଓ  ଲୋକପ୍ରତିନିଧି , ରାଜନେତା  , ପ୍ରଶାସନ ବା ସରକାରଙ୍କର ସେଦିନର ପ୍ରତିଶ୍ରୁତି  ?

ଉଲ୍ଲେଖନୀୟ ଯେ , ଏହି ବଲାଙ୍ଗୀରବାଇପାସ୍ ରାସ୍ତାନିର୍ମାଣ ପାଇଁ ଜମିଅଧିଗ୍ରହଣ ବେଳେ ଲୋକଲୋଚନକୁ ଆସିଥିଲା ସାଙ୍ଘାତିକ ଜମିମାଫିଆଙ୍କ କାରବାର । ସରକାରୀ ଓ ବେସରକାରୀ ଜମିମାଫିଆଙ୍କ ଦୁର୍ନୀତି ଓ ଦୌରାତ୍ମ୍ୟରେ ବଲାଙ୍ଗୀର ଚର୍ଚ୍ଚିତ ହୋଇପଡିଥିଲା ।  ତହସିଲ , ରେଜିଷ୍ଟ୍ରେସନ କାର୍ଯ୍ୟାଳୟରୁ ଆଦର୍ଶଥାନା ପର୍ଯ୍ୟନ୍ତ ଏହା ବ୍ୟାପିଯାଇଥିବା ଜଣାପଡିଥିଲା । ଆହୁରି ମଧା ଜଣାପଡିଥିଲା ଯେ ସେମାନଙ୍କ ପଛରେ ବଡବଡିଆ ପ୍ରଭାବଶାଳୀ ରାଜନେତା ଓ ଲୋକପ୍ରତିନିଧିମାନେ ରହିଛନ୍ତି । ବିଡମ୍ବନାର ବିଷୟ ଯେ , ପରେ ସେଇମାନଙ୍କ ଭିତରେ ପରସ୍ପରର କାଦୁଅ ଫୋପଡାଫୋପଡିରେ ଏଇ  ବାଇପାସ୍ରାସ୍ତାନିର୍ମାଣ ପ୍ରକଳ୍ପର ଜମି ଅଧିଗ୍ରହଣର ଚର୍ଚ୍ଚା ବି ରହିଥିଲା । ଅଭିଯୋଗ ଉଠିଥିଲା , ଏଥିରେ ଜମିର ଅହେତୁକ ଦରବୃଦ୍ଧି କରାଇ ଜମିମାଲିକଙ୍କୁ ଫାଇଦା ଦିଆଯିବାରେ ରାଜସ୍ୱ ବିଭାଗର ହାତ ରହିଛି । ତେବେ ସେମାନଙ୍କ ମଧ୍ୟରୁ ଅଧେ ମରିହଜି , ବଦଳି , ଅବସରପ୍ରାପ୍ତ ହୋଇଗଲେଣି । ଏଣୁ କିଏ କିପରି ଓ କେବେ କରିବ ଏହାର ତଦନ୍ତ  ? ଜମି ଅଧିଗ୍ରହଣ ନହେଲେ କିପରି ହେବ ବଲାଙ୍ଗୀର ବାଇପାସ୍ ରାସ୍ତାନିର୍ମାଣ  ?  କିଏ ଦେବ ଏହାର ଉତ୍ତର  !  ଖୋର୍ଦ୍ଧା- ବଲାଙ୍ଗୀର ରେଳପଥା ନିର୍ମାଣ ଓ ବେଛୁପାଲି ପର୍ଯ୍ୟନ୍ତ ମାତ୍ର କେଇ କିମି ତଥାକଥିତ ରେଳଚଳାଚଳ ପ୍ରଧାନମନ୍ତ୍ରୀଙ୍କ ଉଦ୍ ଘାଟନ କରାଯାଇ ଲୋକଙ୍କୁ  ଚ କ୍ ମା ଦେଲା ପରି , ଇଏ ଆଉ ଏକ ଗୋଲକଧନ୍ଦା ନୁହେଁ ତ ଆଉ କ'ଣ  ?